احلى واهضم واحزن حركة عملها طفلك ابن ال من 0-6 اشهر-الحركات المميزة

بفتحلكم يا بنات موضوع ان شاء الله يعجبكم

وهو انه احنا امهات الاطفال اول كم شهر بتكون اعيننا عشرة عشرة على اطفالنا ونحب كل حركة جديدة يعملوها ويطير عقلنا فيها
قلت نتشارك هاي الشغلات ونكتب شو هي احلى حركة عملها طفلنا وشو هي كمان الحركة خفيفة الدم اللي عملها وشو هو الموقف اللي اشعرك بشفقة وحزن

يعني باختصار خليه ملف عن حركات اطفالنا المميزة كلها مع اعمارهم

ابدا انا:

ابني عمره شهرين وو 18 يوم الله يحميه ويخليه يارب

احلى حركة لما حطيته بهزازاة فيها سمكات عم يدورروا فوق راسه وصار يطلع بالسمكات ويضحك لحاله ما شاء الله

الموقف خفيف الدم لما اتركه يبكي ما بدي ارضعه واخر شي كثر ما يبكي ارضخله يقوم اول ما ياخد صدري يعمل صوت زي انه هه بنترة كانه بيقلي::: من الاول عطيني ياه ارضع وخلصينا


موقف احزنني وبكاني لما مرة قلت بتركه يبكي عشان ما اعوده على الحمل وضل يصارخ اكتر من ساعة ونص ولما طق قلبي عليه وشلته ارضعه تطلع فيني وعيونه حمرة كتير من البكا وشقفة دمعة صغيرة معلقة فيها وقلب تمه لتحت متل حردان علي

انا شفت هالمنظر وضميته لصدري وحضنته وصرت ابكي

بس

بانتظار مواقفكم ياحلوين