احلى وجبة غدا سويتها ولا في الاحلام مندي لا مو مندي شي جنان

اليوم جايبتلكم وصفه تدعولي لمن تجربوووونها وبصراحه اول مرررة زوجي يقولي طبخك اليوم يبيض الوجه :27: مع العلم انه ماينكر طبخي دايم ماشاءالله بس اليوووووم غيررررررررررررر وجربوها ... للاسف ماصورت:44: رغم المجهود والطعم..

المقادير:
كيلو لحم /بهار صحيح كل من 4هيل/ 3 عويدي /2 ورق غار/ فلفل مجفف اذا عندك /رشه زنجبيل مطحون /كسرة قرفه/بصله مفرومه. بهار مطحون(فلفل وكمون وبابريكا وكزبرة ناشفه وكركم وملح)

مقادير الرز:
رز حسب الكميه/مكعب ماجي/ بصله صغيره مفرومه/فلفله حاره/ شوي زيت. (جمره وزيت في الفنجان )
بيض مسلوق للزينه

نبدا بسم الله

اول شي غسلت اللحمه وشلت منها الشحم لاني ما احب الدسم ابد وصحيا افضل وغليت مويه في قدر وحطيت اللحمه فيها وطبختها بدون اي اضافات وكل ماطلعت طبقة الريم شلتها( زفرة اللحم )لين صارت ماعاد تطلعلي زفره اضفت عليها 2 ورق غار 3 حبات هيل صحيح 3 عويدي وكسرة قرفه وفلفل مجفف وحده وشوي زنجبيل مطحون (يساعد على النضج)وخليتها تبطبخ لين تستوي تقريبا وكل شوي اقلبها لين تقل المويه تقريبا حول الساعه تقريبا .

بعدين اجيب صينيه وااحط فيها نص ملعقة زبده وشوي زيت وبصله مفرومه و احط اللحم اللي كان في القدر في الصينيه وابهره فلفل اسود وكمون وكركم وكزبره ناشفه وملح وبابريكا واقلبهم مع البصل حتى يختلط البهار والبصل واللحمه واضيف لها من المرقه حقة اللحمه مقدار كوب تقريبا واغلفها بالقصدير واحطها بالفرن من تحت بس تقريبا ساعه وتكون استوت اللحمه مزبوووط .

بعد كذا نروح للرز غسلت الرز ونقعته في مويه عشر دقايق وصفيته.

في قدر الرز اجهز بصله صغيره مفرومه وشوي زيت وحبة مكعب ماجي وقرن فلفل اخضر اغسله واحطه واقلبه لين يشقر البصل اضيف عليه الرز المنقوع واقلبه شوي قبل اضيف المويه الحاره وبعدين اضيف المويه عليه واخليه يطبخ لين يستوي,, اكون مجهزه في كوب شوي زعفران وغطايه ماء كادي وازيدها شوي ماء حار ..

اطلع اللحم من الفرن واتاكد انه استوى اخذ بالملعقه من منقوع الزعفران وارشه على اللحم واقلبه شوي مو كثير. وباقي منقوع الزعفران لمن يستوي الرز احطه عليه من الاطراف بس عشان يطلعلي الرز لونين وقت الغرف..:)

اطلع اللحم من الصينيه وارصه على الرز في القدر واكون مجهزة جمرة وفنجان في زيت واغرزه وسط القدر بين اللحم واطفي الجمره فيه واغطي القدر من 5 ل 10 دقايق..

وطبعا يزين بالبيض المسلوق والمكسرات اذا عندك ويقدم مع سلطه طحينه وسلطه بارده وحارة وشطه وبالعاااافيه والله ان طعمممممه خياااال
وبعدها الله يعينكم:angry:


والله زوجي يقول :arb: داااايم سويه لنا