- هنعمل احلى كب كيك ببيضة واحدة بس **ام يحيى و مازن
- *******************************
- هنعمل النهاردة تطبيق للكب كيك للشيف محمد فوزى ربنا يرزقه الصحة و البركة فى العمر اللهم امين
- ساعات كتير مش بيكون متوفر عندنا مكونات من حلو احنا عايزين نعمله
- و المثل المصرى بيقول الشاطرة تغزل برجل حمار ههههههههههه
- يعنى الجدعة تتصرف و تعمل و تشتغل بلى متاح عندها
- و لو مش عندك الا بيضة واحدة بس تخيلى هتعملى منها 12 قطعة كيك كيك ماشاء الله هش جدا جدا .. و عملت نوعين نوع بالكاكاو و النوع الاخر باليوسفى ..
- .
- يالا نبدأ بسم الله
- المقادير
- *******
- 1 1/2 واحد و نصف الكوب دقيق ( انا شلت معلقة كبيرة مليانة دقيق و استبدلتها بالكاكاو الخام)
- 3/4 ثلاثة ارباع الكوب سكر عادى
- 1/2 نصف كوب حليب ( استخدمت ماء)
- 1/2 نصف الكوب زيت او سمن ( استخدمت زيت)
- معلقة صغيرة بكينج بودر
- رشة فانيليا
- بيضة واحدة
- (( اما بالنسبة لكب الكيك اليوسفي استعملت عصير اليوسفى و بشره بدل الماء و الفانيليا ))
- الطريقة
- • هضرب الزيت مع السكر فى الخلاط او المضرب و بعدين هضيف البيضةمع الفانيلياو اضريب تانى و هضيف اللبن او الميه و اضرب و فى الاخر هضيف الدقيق مع البكينج بودر
- • و بعدين هصب الخليط فى قوالب الكب كيك و احطه فى فرن اعلى من المتوسط بقليل على درجة 200 و هياخد من 12 الى 15 دقيقة
- • و طبعا الفرن يكون شغال من بداية عملنا فى الكيك
- • و اتفضلوا احلى و اوفر كب كيك
- • يا رب تطبيقى يكون عجبكم و ما تنسوش اختكم ام يحيي بدعوة حلوة من قلوبكم الطيبة ....فى رعاية الله و حفظه احبتى فى الله
طريقه حلوه ربي يجزاك خير