موووووووووووووووووف ورمادي روعة

شوفي من شروط الكنب اللي لازم تراعيها
وهي من رائي الخاص وتجربتي
اولا ان لايكون مخلوط بين لون فاتح ولون غامق عشان لو انكب عليه اي سوائل او لما تغسليه ما يبقع اللون الغامق على الفاتح
ثانيا القماش المخمل هو الافضل سواء مشجر او ساده لانه البقع ما تبين فيه كثير
ثالثا اذا عندك عيال فالافضل تشتري مشجر غامق عشان ما يبين فيه البقع
رابعا لو لقيتي قماش من نفس قماش الكنب او قماش من اي لون مناسب للكنب عشان تعملي منه مفرش للكنب كله وللمخدات وللتكايات عشان لو اتوسخ تشيليه وتحطيه في الغساله وما يحتاج تغسلي الكنب وتفركي بيدك وبعدين تقعدي تستني الين ما ينشف عشان تقدروا تقعدوا عليه وخاصه اذا كان الكنب في الصاله
واهم شي يكون القماش من النوع اللي يتحمل الغسل في الغساله بس انتبهي غسليه على خفيف او بطيء
خامسا بالنسبه للون هو على حسب لون الجدران والاشياء اللي موجوده في المكان اللي بتحطي فيه الكنب
سادسا اذا انتي من النوع اللي تحبي تجمعي اغراض وتحبي المفروشات اللي ممكن تحطي داخلها اغراض سواء كانت فقط هوايه او لانه المنزل صغير
فاختاري الكنب اللي يكون اسفل المقعده صندوق عشان تحطي فيه الاغراض بس لازم يكون نوع متين
بس ماادري اذا فيه جاهز ولا لا
بس كثير من اهلي يسووه تفصيل
سابعا اختاري الكنب اللي يكون لاصق بالارض او مرفوع ارتفاع كافي يسمح للتنظيف عشان ماتدخل اشياء تحت الكنب وتتعبي في اخراجه وتنظيفه
ان شاء الله اكون افدتك
واذا تبغي شي انا موجوده عشانك نصف ساعه

خوذي كنب موف بس الوانه فاتحه شوي مثل هالصور