السلام عليكم ورحمه الله وبركاته
مرحبا خواتي حبيت اكلمكم عن رحمه ربي علينا كلنا وعلي بالاخص
اظني وايد قروا موضوعي عن اللي كان يبا يخطبني من شهور
بقولكم قصته
كنت اقرا فضل الاستغفار والدعاء في السجود واخر الليل بعد ركعتين
فكنت احلم احلام وتفسرها لي الغاليه سحـر العيون في منتدى ثاني انها زواج ودوووووووم كانت تشجعني وتوقف جنبي فديتها وماانسى دعووووواتكم عن ظهر الغيب لي فديت ارواحكم
كل يوم كنت احلم ويقولون زواج زواج وكنت مرات ايئس اقول متى الريل بيي خخخ
كنت وااااااااااااااااااااااااايد مستعيل وياااااااا ما ياست وقلت خلاص مااظن بتزوج بيوم
بس مره سمعت محاضره للشيخ محمد العريفي من يدعوني روووووووووووووعه وغيرت معنى الدعاء عندي
بنااااااااات اهم نقطه قالها ان الدعاء ابدا ابدا ابدا ربي مايرده يا ان يعطيج اياه طولتي او بسرعه يا ان يرد عنج شر هالموضوع يا ان يكون لج اجر يوم القيامه وتنجيج من النار
بنات اسالكم بالله الجمله ماتخليكم تتشجعون لدعاء اكثر واكثر وتحبون ربكم اكثر
بعد فتره من الفترات التزمت في اخر الليل اكون قاعده ع المنتدى فكنت اصلي على النبي ساعه واستغفر باقي الوقت قبل الفجر بنص ساعه واصلي ركعتين وادعي والح بالدعاء في السجود وبعد السلام وكنت الح بالدعاء فكل الصلوات
وماكملت شهرين الا وياني هالريال بس ماتم الموضوع مب عشان انه معرس الا لان صليت استخاره والموضوع انتهى مثل ما بدا
ومن فتره كانو بنات يبون يخطبوني لناس بس ماصار نصيب (لاتزعلون مني لو قلت هالكلام بس ابي ابين كرم ربي علي) وكل ها من الاستغفار
لاتقولون باستغفر 1000 مره او 1000 مره بصلي ع النبي لا رطبي لساني بالاستغفار وانتي يالسه وانتي بترقدين وانتي تاكلين وانتي طالعه طووووووووول الوقت وصدقووووني بترتااااااااااااااااااااااااااحووون
ع فكره انا عمررررررررررررررررررري ماانخطبت لا برمسه ولا رسمي وحتى احلامي كانت عاديه مالها خص بالزواج مع ان كنت اتمنى الزواج من بعد الثانويه قبل 6 سنوات تقريبا يعني بس من التزمت وتقتربت من ربي حسيت ان ربي بيرزقني اكيد اكيد
ابي اوجه رساله لبنات يتمنون اشياء معينه بالريال صحيح من حقج تقولين يارب ابا كذا وكذا وكذا بس ماتدرين حتى لو هالاشياء حلوه يمكن ماتناسبج
ادعي ربج وقولي يارب ارزقني ماتحبه وترضاه لان ربج هو اللي خلقج وادرى باللي يناسبج اكثر من نفسج
نسيت نقطه بعد واحسها نفعتني وايد بعد لما تشوفين اي حد يبا دعوه ادعي له لان الملائكه تقولج ولكي مثلها مثل توقيعات البنات قناه بدايه واااااايد يطلبون الدعاء استغلي الفرصه وادعي لهم
خلاصه الكلام (الاستغفار +الصلاه على النبي +الالحاح ع الدعاء في السجود واخر الليل+دعاء ظهر غيب)= سعاده في الدنيا والاخره
السمووووحه لو اني طولت عليكم
ارجووووووووووكم دعواتكم لي اني افرح جريب ويعوضني خير عن كل هم وحزن شفته
ملكه الكووون @mlkh_alkooon
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
صدقت يالغلا بكل كلمه
كلامك درر
نحمدهـ سبحانهـ ونثني عليه
كريم مجيب ولزم نعرف ان ربي اعلم بحالك وان يمكن يكون مأخر سواء زواج او وظيف او ... لحكمه نحن نجهلها
الله يجزاك الجنه وينولك منآك وكل بنات حواء