انا اشوف انسب سن للحمل اذا صار طفلك 3 سنوات وفووق بعدين اذا منتي مرتاحه للحمل والولاده انصحك لا تغامرين وتحملين انا تقريبا نفس فكرك لاني جبت بنتي بعمليه المهم كان زوجي يبغاني احمل بعدها رفضت الين هو قالي براحتك متى ماتبغين والحمد لله يوم جبت ولدي كانت بنتي فوق ثلاث سنين والحمد لله ارتحت الحين ناويه اجل الحمل الى خمس سنين وكله باذن الله
الزبده اختي لاتحملين الا وانتي مقتنعه انتي وزوجك والله يخلي لك ميشوو

بالعكس الأفضل في رأيي تحملي وتجيبله أخ ان شاء الله وبعدين طولي وولدك عمره 2 ما يجي الثاني الا خلص 3 سنوات بالعكس ينشغل مع اخوه ، وتاخذيين راحتك بعد الثاني افضل ، والله يعين على الوحم والحمل والولادة والله كلنا نتعب ، حتى الحمل افضل في سن العشرين من الثلاثين وما فوق ،،،

الحمل في العشرينات احسن بكثير خاصه اذا انتي معرضه لضغط الدم المرتفع لأنه يزيد مع العمر ..
عموما من تجربتي انا جبت عيالي ثلاثتهم ورا بعض ولله الحمد اطالعهم الحين مو مصدقه كيف حملتهم وربيتهم يارب لك الحمد السنين تركض ركض , تعبهم واحد وحوستهم وحده ويشيلون بعض صحيح عصابه بس حلوين .. والرابع اجيبه على اقل من مهلي ..

وبعدين يعتمد كم طفل تبغين تخلفين اصلا ؟؟
اذا كثير اكثر من خمسه لازم تسوين خطه ..

انا كنت مثلك لا اطيق التربية وخلفت 2 ولادة قيصرية وتعب فى الحمل ووحم ومرض
لين طفلى يصير عمرة 3 سنوات وكنت ادعى على نفسى ليل ونهار انى ما اخلف ثالث
والحين كبرو بس ندمت ماخلفت تانى وبحثت عنها بكل الطرق لكن ربنا عاقبنى
واستجاب لدعائى انى ما اولد ثالث وعملت فحوصات يقولون كل شىء عندى سليم
لكن ادركت ان هذا عقاب من ربنا وحرمنى من الخلفة بثالث والحمد لله
زوجى اقتنع .. واقول لك الاطفال رحمة من الله فلاتحرمى نفسك منها ..

استخيري الله وقولي اللهم اخترلي كل خير اللهم دبرلي امري فأنك تحسن التدبير