احمممم دجاج بالبرتقاااال ولا احلى ولا أغ&#1585

السلام عليكم يا بنوووووووووووووووووووتات كيفكم إن شاء الله كويسات
المهم انا اليوم جايبه لكم طبق لذيذ وجديد وسهل بصراحه
ايه بنات قبل لا أنسى في احد منكم سوى الايسكريم المقلي ؟؟؟؟ مدري ماحد بشرني ضبط معه ووش رايه فيه ؟؟؟
المهم نرجع للطبق ومن الآن اقولكم يا حلوات انا عليميييييييييييييييييييييييييه وبقوه في النت يعني تنزيل صور ماصور الله بالخير والله مايمديني بس ان شاء بالوصف بيوصل الشكل ..
المقادير :
بصل شرايح حوالي 3 بصلات ====احب البصل احس يعطي طعم
عصير من 4 إلى 6 برتقالات === برتقال العصير يعني اغلب مويه هالصينيه بتصير من البرتقال
اذا ماعندك 6 برتقالات عادي هاتي اربع وزيدهم بليمون ====يعني خلاص المقاضي على وش تخلص عاااااااااااااااااااااااادي دخلي ليمون في السالفه يعني مالكم عذر ابد
بهاراتك المطحونه العاديه \ ماجي ==انا ماحب احطه بس اللي يبون ===
دجاجه مقطعه ارباع وبدون جلد
بطاطس مكعبات
الطريقه سلمكم الله
حمري البصل في زبده لين يصير ذهبي
حمري مكعبات البطاطس بعد لين تصير ذهبيه
وحطي البهارات عليهم وقطع الدجاج وحمريهم بعد شوي اضيفي بهاراتك والملح والماجي واذا حابه حطي شوي كركم وبعد كذا حطي عصير البرتقال
خليه يطبخ لين تقل مويته تقريبا تقريبا للنص او حتى يستوي
بعدين انقليه لصينيه بايركس ودخليه الفرن وولعي عليه من تحت خفيف مره وحمريه من فوق
ملاحظه
حتى اذا نقلتيه للصينيه حطي في باللك وجود كميه من عصير البرتقال يعني الصينيه ماهي ناشفه لأ فيها مرقه مسبكه
والف الف صحتيييييييييييييييييييييييييييييييييييييييييييييييييييين وعاااااااااااااااااااااااااااااااااافيه
ياله عاد بسرعه روحوا صلحوه تراه مايخذ وقت وردوا لي عاد عن طعهم
عاد ترى والله مدري مكرر ولا لأ ؟؟؟