ماشاء الله ولا حول ولا قوة الابالله
نبدا بساندويشات كودو الدجاج بالباربكيو مررررررره روعه والي بتجربه ماراح تندم .........
المقادير
3 صدور دجاج فيليه مقطعه مربعات صغار
1 بصله حجم وسط مقطعه مربعات صغار
1 فلفل رومي وسط مقطع مربعات صغار
1 حبة طماطم صغيره مقطعه مربعات
1 ملعقة ك الباربكيو من ماركة امريكانا
1 حبة ماجي
2 ملعقة ك من صوص الثوم بالمايونيز وطريقة بالاخير بكتبها وتقدري تستغني عنها اذا ماتبين
2 ملعقة ك من الكاتشب
شرائح جبن مربعات
خس اذا تبين
نبدا التحضير
نحمس البصل بشوي زيت ونضيف عليه الفلفل الرومي ....
ثم اضيف الدجاج عليه ونكون حامسيه بشوي زيت ليتغير لونه بس .....
ثم نضيف الباربكيو ومن ثم اضيف الماجي وبالتالي اضيف الطماط عليهم .....
ثم اطفي عليه اذا نضج واضيف الصوص والكاتشب ......
ثم نبدا نحشي الصامولي بنحط معاه جبن شرائح وبعدين احطه بالمايكرويف لتذوب الجبنه وهذا شكلها .......
وهذا شكلها من الوسط .......
وبالعافيــــــــــــــــــــــــــــــه .......باقي رجاء لاتردون ياحلوات
المقادير
كيلو لحم او قد حاجتك مقطعه شرائح ونقعها ب "فنجان خل ابيض مع ملعقة كبيره بهارات شاورما او العاديه مطحونه مع ملعقة صغيره ملح مع اربع قطع شحم " ونتركها تنقع لثلاث ساعات تقريبا
1 حبة بصل كبيره مقطعه شرائح
1 حبة طماطم كبيره مقطعه مربعات
ملي يدك بقدونس مفروم
نبدا التحضير
بعد ماننقع اللحمه نحطها بتيفال فيه شوي زيت على النارونحطها بمويتها ونحمسها .......
وبعد مرور ربع ساعه من التقليب تنشف مويتها ثم نضيف عليها البصل .....
ونحركهم شوي لدقيقتين او ثلاث وبعدين نضيف الطماطم عليه .....
ونحرك لدقيقتين بعد ثم نطفي النار ونضيف البقدونس ونحركه شوي ....
وهذا شكله ......
وهذا مع البطاطس وصوص الثوم المميزه والكاتشب والخبز .......
ماحشيتها لطلب من زوجي بس مايحتاج شكلها يكفي هههههه وبالعافيـــــــــــه
نبدا بمقادير صوص الثوم بالمايونيز الرهييييب الي مااستغني عنها مرررره حلوه حتى مع البروستد
5 فص ثوم
كاس ماء ساخن جدا مذوب فيه 3 ملاعق كبار نشاء
6 ملاعق مايونيز
ملعقة زيت
عصير ليمونه
ملح وفلفل اسود
نبدا بتحضيرها
نحط كاس الماء الي ذوبنا النشاء فيه على النار شوي ليقل لثواني بس .......
ثم نحط باقي المقادير في الخلاط ونضيف عليهم النشاء وهذا شكلها .....
ونخلطهم زين وهذا شكلها بالاخيييييير .....
مررررره حلوه يابنات اتمنى تجربوها ومداخيـــــــل العافيــــــــــــــــــــه ..... دعواتكم لامي بالشفاء العاجل