احنا الخريجات القديمات اذا ماراح توظفوننا عوضونا لو باراضي ارحموووووووونا

بنات احنا الخريجات القديماتتتتتت

رحنا ملح

ماعاد احد يبينا

فوق 12 سنة متخرجات
وقدمنا الين قلنا بس

ماافية امل

لان ماعندنا واسطة

وقبل كم يوم قريت مقال

ان الخريجات القديمات اللي تجاوزوا 10 سنين على التخرج

ماينفعوا للتدريس لان معلومتهم صارت قديمة وكبروا بالسن

والتعليم مهنة صعبة

طيب اخي الكريم صاحب المقال
الله لا يهينك ليش ماتقترح لنا بدائل

عن مو انت وغيرك جالسين تحطيم فينا

خلاص احنا كبرنا وماننفع للتدريس

طيب على الاقل كل وحدة تجاوز تخرجها 10 سنين
تعطى قطعة ارض

باي مكان
مو مشكلة
بس حراااام سنين عمرنا تروح على الفاضي ومافية احد يسال عننا
مو كفاية ماعندنا واسطات
خلاص صرنا من المغضوب عليهم
وفية ناس اقل مننا بالشهادة ماشاء الله
الوظيفة على طول تستناهم
حتى قبل مايتخرجوا

والله انصدمت لما دريت انة كمان نازل باساميهم اراضي

بس لان عندهم واسطات

لا تقولوا مطلقات والله

لا مطلقات ولا ايتام ولا ارامل ولا معاقات ولا تزوجوا كبار

متزوجات من اعمارهم 22

وماشاء الله اراضي ووظايف

واحنا ياللي ماعندنا واسطات

افقرتونا وقهرتونا

حتى الفقر تبرا مننا

حرااااام نشحذ رجالنا واهلنا الريال والرياالين واللي مثلنا

نهاية الشهر تجاوزت رواتبهم العشرة الاف

والله قهر
انصفونااااااااااااا

نبي ارض لكل خريجة قديمة

والدولة ماشاء الله عليها غنية


(الواو) حرف من الهجا ايَت كتاب يضمها
لكنها تمردت واصبح لها قدر وجلال
كبرت وصارت (واسطه) والواصل اللي خمها
واللي عجز ماخمها يصبر على نطح الجبال
الله على خطابها صاروا عيال لعمها
كل(ن) يقدم شبكته يبغى من (الواو) الوصال
يدرون فيها ظالمه خالط حلاها سمها
لكن عربنا (قصروا) واليوم يبغون الكمال!

(الواو) للي مرتكي بنت وخفيف(ن) دمها
لامن بغاها جابها يقودها في سلك شال

والا الضعيف المشتقي يركض ولاهو يمها
لو جالها بيقودها تقطع جديدات الحبال

اكبر قهر كيف الردي رجولته ماتمها
والواسطه) تاقف معه (يالا) شغاميم الرجال

اللي ماعنده (واسطه) سعادته ماشمها
يبحث عن الحاجه جنوب وحاجته باقصى الشمال

هذي سلوم (الواسطه) ماحد(ن) بقى ماذمها
كل(ن) شكى من ظيمها واولهم عيال الحلال

تخيلوا قرده غزال اسبابها(الواو)امها
وان صارت(الواو)امها فالقرد بعين امه غزال

يعني عشان (الواسطه) كل(ن) تصير يهمها
مانيب ابالغ بالحكي (الواسطه) فوق الخيال

(الواسطه) عند العرب تفاخروا في سلمها
وبديرة الغرب تهبا ماحصلت فيها مجال

ملعون ابو (هالواسطه) هم وذبحنا غمها
ركض(ن) بلياها مثل ركض العليمي بالنعال

الله يكرَمكم أجل لاجا الأمر من فمها
قام الدجاج بلا حيا ياطا على خشم الجمال

ياليت يصحى سلمنا يفكنا من همها
كان النظام العالمي يكتب بجرأتنا مقال