مشكلة والله ان الواحد يكتب بدون أيقونات هههههه .. لكن أهم شيء توصلكم المعلومة
مثل ماقلت بالعنوان .. كلنا الحمدلله متعلمات .. وإلا ما دخلنا النت .. يعني أكيد نقرا .. بشكل عام .. حتى لو كل قراءاتنا عن الجمال مثلاً، تعتبر ثقافة .. ومحد ينكر هالكلام .
ليش ما نسخر هالقراءات في فهم شعرنا أكثر ؟ إذا فهمنا عملية نمو الشعر (كيف يطول) ، وتكونــه (كيف ينشأ من الأساس ) ، وليش يتساقط ، بنعرف نعالج كل مشكلة ، بشكل صحي ومنطقي ، و ماراح تشتكي واحدة منا من انها جربت كل شيء بلا فائدة ;
الي قالت كذا ، ممكن تكون جربت كل شيء إلا الشيء المناسب لحالتها ، والي فيه الشفاء بإذن الله
من زمان ألاحظ مفاهيم غريبة .. منتشرة بين الناس .. يمكن أبسطها .. ان قص الشعر يساعد على تطويله .. مع اننا درسنا بالعلوم .. تركيب الشعرة .. من داخل الجلد إلىىىى نهاية الشعر .. وعرفنا كلنا انه كيراتين .. ميت ..
يعني عكـس ( حـي ) ..
يعني لا يمتص .. و لا يتنفس.. ولا يتغذى .. ولا يتعشى ..(ههههههه) .. ولايقوم بعملية الإخراج .. ولاااا أية شي ..
مثله مثل الطاولة .. إذا تبينها تلمع .. تشيلين عنها الغبار .. و تنظفينها بمواد ناعمة ماتخدشها ..
والشعر الظاهر لعيونك كذا .. كل الي بإمكانك تسوينه للقصبة ( الي هي الشعرة نفسها ) ، هي تغليفها بالمواد الي كلنا نعرفها : بلسم ، كريم ، سيروم ( مصل ) ، إلى آخره ، مجرد تغليف ، وتعاملينه بلطف الخ الخ، والعبرة بالمادة الدهنية الي بالمستحضرات ، مو الفيتامينات وغيره ، لأن الشعر مارح يمتصه لو تصبين عليه عصير كوكتيل خخخخخخ
بقى فروة الرأس .. وهي لب القضيـــة :(
هي مصنع إنتاج الشعر .. خلوني أوريكم صورة مافهمتها لتركيب الشعر ( خخخخخخخخخ ) :
الحين بعرض لكم اقتباس من موقع طبي فيه كل شيء
انتبهتـوا ؟ ....
كان فيه نقاط مهمة ليش ما انتبهتوا ؟؟ ( ههههههههه صدقت انها مدرسة )
تكثيف الشعر
بصراحة يابنات .. وماودي أخيب أمل أي وحدة فيكم لكن هذا شيء علمي ..
انتبهوا لهالنقطة :
عدد بصيلات الشعر ثابتة بجلد الإنسان ويحددها عوامل وراثية وهو في بطن أمه، فإذا كانت بعض المؤثرات تزيد أو تقلل من نشاط تلك البصيلات، إلا أنه ليس هناك من وسيلة قد تزيد عدد تلك البصيلات.
يعني لاأحد يضحك عليكم .. لا مستوصف ولا عطار ..
إذا كنتي من ولادتك .. صاحبة شعر خفيف .. فهذا يعني ان عدد البصيلات في فروة رأسك ( الي تنتج الشعر ) عددها قليل .. ومستحيل يزيد عددها .. لأن هذا شي وراثي .. وكل الشامبوات و البلسم المخصصة للشعر الخفيف .. تعمل فقط على تغليفه بخفة .. بحيث يبان كثيف (بدون ماتغير عدده ) ، و بدون إثقاله
أما إذا كان شعرك عادي أو كثيف .. و لسبب من الأسباب تساقط .. فهنا فيه امكانية لعودة نموه بالعلاجات المناسبة المختلفة حسب السبب .. وأسباب تساقط الشعر كثيرة ومعروفة
نمو وطول الشعر
كل العملية هذي من الجريبات الي بفروة الرأس ..
حسب نشاطها .. تكون سرعة نمو شعرك وطوله
اقرأي معي هذا الاقتباس من موقع آخر :
يعني لا قصه .. ولا أي شي تدهنينه على الشعر أو أطراف الشعر يساعد في طوله
فقط الأشياء الي تدهنينها على فروة الرأس هي الي ممكن تساعد
تقصف الشعر
الحل الوحيد على الإطلاق هو قص الجزء المتقصف
كل المستحضرات ، أياً كانت ، الي تدعي انها تعالج التقصف ، فكرة عملها انها تلصق التشقق مؤقتاً
وهذا الكلام حتى بمجلة سيدتي كاتبينه بآخر عدد تقريبا
فيه اقتباس آخر :
ولكن طبعا الصبغات ، ومواد الفرد ، الي يحطونا كوفيراتنا الأحباء على جذور وفروة الرأس ، أكيد تضر بالجريبات
الزيوت و الكريمات
مثل ماقلت لكم .. الشعرة .. تدهن بأي مادة دهنية تناسبك .. عندك من كريم أبو وردة الىىىى كريمات كرستاس ههههههههههه .. بتطري الشعرة وتلينها و تملس الليفة الشعرية ويطلع شعرك لامع .. وطبعا ما تحطين الكريمات على فروة الرأس .. لأنها تكتمها ومالها فائدة لها .. أغلب حمامات الزيت ( الي مافيها زيت اصلا مجرد مكيفات وبلسم للشعر ) ، مكتوب عليها انها تنحط فقط على الشعر
ولكن الزيوت .. لا تحطينها على الشعرة .. حطيها على فروة الراس .. هي الي بتمتصها .. ولو كان فيها فائدة تستفيد منها ..
أما الشعر لن يمتصها .. وبتغسلينه كثير عشان تتخلصين منها .. والنتيجة شعر مكسر .. ناشف .
إلى الآن هذا الي حبيت أقوله.. إلى لقاء آخر :)