هلا اختي...مبروك وعقبالج...مافهمت عليج يوم قلتي ان العروس بتكون في البيت؟؟؟؟؟؟؟ :16:

المهم انا عندي فكره وايد من البنات في الامارات سووها في العرس...

حطوا شاشة عرض كبيره في القاعه او الفندق وعرضوا عليها بوروينت صور العروس والمعرس لما كانوا صغار في موسيقى هاديه يعني سلو و تحت الصور مكتوب شعر او الف مبروك..........
المهم تنعرض الصور لين صور الملجه وبعدين اذا كان في ليلة الحنا وصورتوا اعرضوا واخر شي تثبت الكيمره على العروس فيتفاجأ الناس..بس طبعا اذا تبين بس يكون صور...

شو رايج؟؟ الفكره حلوه و يمكن تكون يديده عندكم :D

وعلى فكره انا حضرت عرس وقبل ماتدخل العروس كان في اولاد صغار مصطفين وشايلين سلاح و عصي وحطولهم اغنية هب النسيم لفرقة دبي الحربيه و كانوا ايوولون عليها او مثل ماتقولون انتوا العرضه...يعني رقص بالرقبه..وكان في بنات ينعشون شعرهن طويل... :27:

السموحه على الاطاله بس هذي بعض الافكار الي تصير في اعراس الاماراتين وفي افكااااااار احلى :D :)

مون

تكفين كملي انا اموت بالاماراتين

وبعد انا كذا مره اقرى في منتدياتكم

ان الغرس يكون في خيمه ملكيه وتجلسون شهرين تسوون التصميم

ويكون فيه شاشه تعرض الرجال وهم يعرضون يعني الحريم يشوفونهم

كملي ,,,,,,,,

افكاركم حلوة

بس احس مكلفه شويا

ياريت الي عندها افكالر تحطها هنا

وياريت تكون بسيطه وحلوة وتكون مع الزفه او بدون

شكرااا

ياربي اشكثر انا اعاني تسلمين على الرد حبيبتي

ترا الاماراتيين بعد يموتون فيج :D

قبل كانت معظم الاعراس في الامارات في خيم ملكيه بس الحين اتغير الوضع شوي يعني اغلب الاعراس قي قاعه افراح او في فندق..

بس في بدو من الامارات بعدهم يسوون العرس في خيمه ملكيه ويكون الحريم داخل و الرياييل برع وفي شاشه عرض داخل تعرض الشباب يوم ايولون و يرزفون...
في اعراس ماشا الله يبدعون بالافكار في العرس يعني مثلا عرس اختي قبل ماتدخل العروس انا دخلت اول وكنت شايله مسكة في ايدي وبعدين دخلو وراي ثنتين من خواتي ولابسين كلنا نفس الفساتين عنابي وركبنا على الكوشه وبعدين اناا رجعت ارتب الفستان للعروس وهي تمشي لين مايلست على الكرسي وبعدين نزلنا بطريقه واااااااااايد حلوه يعني انا نزلت من الممر الي جدام وخواتي وحده نزلت من اليمين ووحده من اليسار رووووووعه الحركه كلهم عيبتهم لانها يديده يعني الي متعودين عليه ان بنات صغار الي يمشون قبل العروس بس نحن كسرنا القاعده :)

المهم في عرس ثاني العروس من اهلنا كان عرسها في فندق وكانو مرتبين ان العروس تظهر في سياره كاديلاك كلاسيك والي يسوقها اخوها الصغير بس هو ماكان يسوقها...الفكره ان في فتحه في القاعه نزلت لتحت وبعدين طلعت السياره منها والعروس كانت يالسه ورا اخوها جدام...بصراحه واااايد فخمه.. :27:

وفي عرس ثاني العروس دخلت قاعة العرس في عربها وتجرها خيول...يعني مثل سندريلا... :32:

الحين معظم الاعراس يثبتون على فكره وحده وعلى اساسها يرتبون كل شي في العرس..يعني مثلا فكره البحر كل شي يكون ازرق وابيض الكوشه مثل البحر الزفه فيها صوت البحر التوزيعات مثل المحار ونجم البحر ويكون على كل طاوله حوض فيه سمج..او مثلا فكرة الفراشات :33: الي اناا بسويها حق الملجه الفستان فيه فراشات والديكور كله فراشات و التوزيعات بعد كاكاو فيه فراشات يعني شي من هذا القبيل... وفي وااايد افكار ثانيه :)

عدنا بعد في الامارات قبل العرس بيوم او يوميين بعض الاماراتيين يسوون ليلة الحنا فتلبس العروس ثوب احمر او اخضر اقصد بالثوب هو اللبس الاماراتي القديم...وتكون العروس متحنيه وتلبس ذهب (الحقب\ الكواشي\ الطاسه\ المرتعشه\ الحيول) وغيرها ومراات جدام بيت العروس ايبون فرقة حربيه ويتمون ايولون وحتى المعرس ايوول وبعضهم يحطون شاشة عرض في البيت عشان الحريم يشوفون :)


أدري ان اعراس الاماراتيين وااايد تكلف بس هذي الليلة ما تتعوض ومثل مايقولون ليلة العمر ...بس يعتمد على المستوى المادي بعد.. :27: :icon28:

السموحه على الاطاله ادري مليتوا لاني واايد طولت :D

بس ان شاالله (يا ربي اشكثر اعاني) خذتي انتي والبنات الي حابات يعرفن عن بعض اعراس الاماراتيين فكره..لاحظوا اني قلت بعض :D :D

ما فيه زفة خلاص اجتهدوا في التقديم والديكورات والأهم الطقاقات والأحلى لو تكون صياني التقديم مصفوفة في آخر الصالة والكل يشوفها وشكلها وتكون اشياء غريبة ومبتكرة0 وديكورات الصالة توكلون عليها مشرفة معروفة بحركاتها الغريبة-----------------
وممكن تحطون بين فترة وثانية اهداءات مثلا من اخوات العروس عبارة عن شعر بأسم اختكم العروس مع دف وترقصون عليهم(خل الطقاقة تريح شوي)
وكل ماكان العرس بتكلف كل ماباخ لأن كل شيء ماراح يطلع بشكله الحلو مع الزحمة---التوازن في كل شيء مطلوب والله يوفقكم0