منتدى مليان وصفات خدي وصفات لي تناسب بشرتك

سوي برنامج

زبدة !!!!:biggrin:
طيب اشلوووون :kiss2:

الله يسسسعد قلبك ، تسلمي لي

امممم طيب ، مين هي التاجرهه ، انا أبغى نتيججججة واضحة ، مفعول الزيوت أحس شوي يطول :hmh:

و المنطقة الحساسة مدرررري ، أخاف أغاامر بالأشياء هدي و أسوي ليزر مع انو الكل مدح الليزر بس بجرب الكريم و الصابون اللي قلتتتتي عليه ان شاء الله

أي ادري ملياانن وصفات الله يسعدك حبيبي
لكن محد بيجي ويرد ويتكلم إلا اللي جربت ونفعت تجربتها وفرحانه في إنجازها هههههه :biggrin2:

امممم أي بسوي ان شاء الله بس اجمع الوصفات وبعدين أبدا

صباح النورَ

الله يتمم لكم على خير وعقبال عزابيه هالمنتدى


هالبرنامج حفظته عندي من فتره يمكن يفيدك
للي طلبو برنامج العروس الي مشيت عليه :
اعتذر ان مافي صور المنتجات مآعندي وسعة بال وتصوير وكام ,, وكاميرا كيرف يعني الله يخلف عليه ماتشجع
الّمنتجات كلها كتبتهآ ..
وكتبت التجربة عالسريع لعيونكم والله مابي اتاخر عليكم ودعواتكم ,,

بعد زوآج آختي آلجمميله
بداء مشوآر اهتمآمي الأنثوي ,, شفت النآس عيونهم علي ثقه ياعيني ثقه
وهذه مشكلة اغلب البنآت ما تهتم بنفسهآ اكثر الا اذا نخطبت وتزوجت ( كلمة حق )*,,
قلت اسبق آلموضوع قبل يشوف الأوضاع آلكيئبه المستخبيه المخشوشه قوآ آلبقامة القميله
مشكلتي : جسم نآشف وجآف جداً واشهب . أثار حبوب وجروح قديمه شي بالوجه والآكثر بالجسسم ,, جسم مرقع , كلف بخدودي من الحلآوة والشمع ,, والاكواع والركب ماتتخيلون وش قد الرعب
أمي تقول ابد مافي فرق بين ركبتك وركبة البعير
تحطيم
تحطيم
تحطيم

رحت لعيادة ومركز تجميل وعناية واخذ برامج عروس على اساس ان شي مضمون وطبي وتوريد وتزبيط لكن ماشفت الآ نتيجه جدا بسسيطه ماتسوى تضيعة هالفلوس وهالمشاوير والمواعيد ,,
وبعد مآ جاء الجد
بديت استشير العم قوقل طآل عمره و مواضيع ونصايح وحلول و تجارب .. و ..
طلعت لي برنآمج لك الحمد والشكر يآرب وأعتمدت عليه ليومكم هذآ

فتره العلاج بين الخطبة والزوآج 4 شهور مكثفه

أعتمدت على اربع
* حمآم بخآر * تقشير * ترطيب * واقي شمس


* حمآم بخآر
ليش ؟ لانه ينظف الجسم والبشره من الاعماق يزيل الخلايا الميته ويجددها وينشط الدورة الدموية ويساعد بالعلاج 70% بدون تحديد الي يعجبك أنتِ مغربي تركي إيراني سسوري آهم شي حمام بخآر وتجلسين من نص ساعه وفوق ..
الحمآم كآمل كل 10 ايام يعني 12 جلسه لعمل حمآم بخار لمده 4 شهور ..
يعني 3 مرات بالششهر ..
تسوينه بالبيت او بمركز او تتفقين مع وحده آلي يعجبك .. عن نفسي : مرتين بالبيت " مع مسآعده آلشغاله
ومره بمركز " فلبينيه " زود فسق ولا مثل ما اسوية بآلبيت بزبط ,,
ادوآت وخطوآت آلحمآم
* تغسلين جسمك وجسمك بالصابونة الخاصه
* تحطين ع شعرك مآسك و ضيفي مع الماسك شوي زيت زيتون آي خلطه لشعر
* تحطين قناع لبشرتك
* تحطين الصآبون او الخلطه تبع الحمآم على حساب نوع الحمآم وتجلسين عالبخار من ربع لنص ساعه
* تشطفين جسمك وجهك وتنظفينه بالماء ولحد ماينشف شوي تفركينه باليفه من فوق لتحت وعلى شكل دايره
* حطي اي مقشر او خلطة لتقشير لأيكون معطر آو ليمون على كامل جسمك وجهك خليه 5 - 10 دقايق وبعدها افركي بيدي
* تشطفي بماء دافي
* تجلسين شوي بالبخار 10 دقايق بالكثير
تشطفي وتنظفي من راسك لساسك و اخر خطوه بعد كل هالخطوات ,,
بعد ماطلعين من الحمام استخدمي مرطب ثقيل
حمامي انا مغربي تلقين مجموعه بالصيدليات + جهاز البخار
السكراب + القناع من هذه البراند ( st ives )


* التقشير
بيجمانورم عباره عن كريم مناسب للوجه والجسم والركب والاكواع وكل منطقه داكنه يوم آي ويوم لآ
وظيفته يشيل الطبقات السطحيه الجافه ويجدد البشره آنتبهو لاتحكون المنطقه واستخدميه معه Fucidin crema يمنع تهيج البشره والاحمرار والحكه معروف وامن


* الترطيب
الترطيب ثم الترطيب ثم الترطيب
مره يومياً لكامل الجسم والوجه والشفايف قبل النوم والافضل يكون ثقيل لان الخفيف مايسوي شي
وعلى حسب بشرتك ونوعه ,,
والاكواع والركب اخذت بنصيحه وحده من البنات هنا وبعض خلطات الترطيب نسيت مين هم اعذروني !
بعد كل وضوء آرطب منطقه الاكواع والركب يعني 5 مرات يومياً انتي جربي اسبوع وشوفي الفرق
الخلطه
* علبه جولسيد كبيره + بياله زيت جونسون ساده + ملعقه كبيره من زبدة الشيا الاصليه
فضيعه هالخلطه


* واقي الشمس
ضروري يوميا حتى لو ماتطلعين ولا تدومين يحفظ لك ولا يضر بشترك ..
آستخدميه للوجهه وبعض الاماكن مثل الركب والاكواع انا استخدم هذا الواقي جميل castalia
فيه منها درجات 30 - 50 - 80



كريم تفتيح
انا استخدم الدوكين لان معروف وامن نتيجه مضمونه مرتين باليوم
2% للوجه
4% اي منطقه بالجسم مثل الابط المنطقه الحساسه الاكواع وركب
اذا انتي تدومين بنهار بعد ماترجعين لانه مايبي شمس وقبل النوم ,,

اشيائي وعنإيتي اليوميه
* (aloedent) معجون الاسنان
* ( سيباميد ) صابونه خاصه للوجه
* ( سيباميد ) جل شآور مع ليفه ناعمه
* ( Evercreme ) مجموعة من لوريال لونه ذهبي شآمبو وبلسم وماسك وسيروم
* ( فيم فريش ) للمنطقه الحساسه
* ( vichu ) مزيل عرق بدون عطر
* ( st ives ) قناع وسكراب
* ( جولسيد + زيت جونسن ) مرطب يومي
* ( خلطة فرنسيه شرقيه ) من عبدالصمد القرشي لشعر وبعض الاماكن .
+ ( فتامين ) كبسوله يومياً من مجموعة الفتامينات والعناصر المكله والمغذية .
+ ااااكثر شرب من الماء
البديكر كل ماسويت حمام البخآر ومآ أحب اطول اضافري على طول اقصه ,,


طريقتي ف التقشير استخدم هذي الخلطه

طحينه + سكر بني + دقيق + قشر برتقال + ليمون + زيت زيتون
اخلطها مع بعض واحطها ع وجهي لحد ماتنشف بعدين ابل اطراف اصابع بمويه
وافرك بحركات دائريه
بعدين اغسل وجهي بمويه

بعدها احط ماسك الزبادي
زبادي + كاسترد أو نشا + عسل + حليب بودره + شوفان
احطه على وجهي لحد ماينشف تمام بعدين اغسله بماء عادي
وبعدين ماء بارد عشان نقفل المسام
نجي اللحين للشفايف مهم جدا تقشيرها
اقشرها بسكر وزيت زيتون
دائما ارطبها بـ فازلين + دم عزال
جتني استفسرات عن مكان تواجد منتجات فير اند وايت طبعا عجزت ادورها ب الحبيب وكل الصيدليات ولقيت موضوع لعضوه بعالم حواء الله يجزاها خير , الي يبي يعرف عن هالمنتجات المعجزه اكثر يقرا عنها ب النتتت ق1
هذا مكانها


.
عروسة آم ركبة سوداء آو سوداء فاتحة > عشان ماآحطمكم
هاتي علبة وحطي فيها |
ملعقتين فازلين + ملعقتين جليسوليد الآحمر + ملعقتين فيكس
وآخلطيهم ومايحتاج ثلاجة لآن الجو بارد
وكل يوم هاتي ركبتك المزيونة قبل النوم وآدهنيها بنعومة حسسيها بالآمان
ونامي بالعافية وتحلمي آنها صارت بيضا . .
ولاقمتي من نومك هاتي أسكينول ليمون وآمسحيها بقطنة بنعومة . .
لآن الفرك يسودها على فكرة . . وبعدين رطبيها بآي مرطب يناسبك وتحبينه
عندك دوف وجونسن وبيبي أويل وجرجنز زبدة الكاكاو وووو
وتعالي ياعروسة ومشكلتك مع المنطقة الظلماء
بس بقولكم آنها منطقة ظلماء يسمونها لآنها آغمق من جسمك بدرجة
يبي لها نظافة وحف وترطيب وتقشير كل آسبوعين . . .
لكن من نآحيتي جربت بيبي أويل نعومة مو طبيعيه
وجربت آسكينول الليمون كل يوم آمسحها بالقطنة قبل النوم ولاحظي القطنة
كل يوووم كل يوووم حتى بعد الزوآج . .
وتعالي ياعروسة آم كوع بني شوكولاته
كل يوم آدهني كوعك بجليسوليد وليمونة وبس وبتصير بيضاء صدقيني

واللي تبي طريقة آنا مجربتها قبل زوآجي |
أخلطي جلسرين سايل + نص ليمونة . تمام .!!
وآدهني جسسمك كللللللله
وبعدين تدخلين خيمة السونا 10 دقايق بس لما تحسين جسمك قام يقوطر . .
وبعدين تكونين محضرة الصابون المغربي الطاووس . .
وآدهني جسسمك كلللللله
بس دهن مو فرررك . . فهمتوا . . ! !
وآدخلي الخيمة مرة ثانية وآجلسي لما تحسين جسمك بدى يعرررق
وتكونين لابسة قفازات بودي شوب وأبتدي فرك وأنتي داخل الخيمة . .
آفركي من تحت لـ فوق وبحركات دائرية خفيفة مو تجرحين روحك :sm4:
كل جسمك فرك دائري دائري وبعدين آطلعي وآخذي شاور ماء بس
بتحسين جسمك شآآآآآآآآآآآد حيل
هاتي سنفرة المشمش وحطي على جسمك كله بدون خيمة السونا . . .
ووزعي السنفرة على جسمك كلللللللله
وآفركي خفيف بالقفازين كل جسمك من تحت لفوووق , قولوا ليش . . ! !
عشان بقايا الصابون المغربي تطلع مع السنفرة
وبعدين تاخذين شاور آخير وترطبين جسمك بآي مرطب ونعيماً ياعروس
كل 10 آيام كنت آسوي هالحمام روعه قليل عليه
بياض ونعومة ونظافة وتوحيد لون مع الأستمرار . . سويته 4 مرآت قبل زوآجي بس
جاء العرس وكنت لاهية بالسسوق وماآستمريت آكثر
الي ياقلبي تجي ونص
فيه صيدليه في الملز فيه واحد يسوي خلطات ويبيعها في صيدليته والله جربتها في كل المنطقتين فرق في شهر وتغير اللون
مكان الصيدليه بعد اسواق الشعله وقبل مطعم النافوره اسمها صيدليه خليفه والي تبي رقم الدختور الي فيها تجيني على جنب
للامانه جربته انا وكم وحده من صديقاتي وخالاتي نفعنا ولا ضر بس الاستمرار عليه مو يوم تحطين واسبوع تسحبين ..

والله العظيم مع اهتمامي هذه والطريقه جابت نتيجه ومآدخلت على زوجي ولله الحمد
الا راضيه على نفسي ومستمره للحين مع آلطريقه " حمام مغربي " تقشير " ترطيب " واقي "
حمام مغربي كل شهر .. سكراب كل اسبوعين .. وترطيب وعنايه والواقي يومياً .,
كريم التفتيح الحمدالله صرت ما احتاجه وآكتفي بالترطيب .. آهم شي الطريقه وباقي المنتجات اللي تناسبك وترتاحين عليهآ وطولي بالك وابعدي عن الخربيط الزايده والحمدالله والشكر يآرب
وهذه وبكل صراحه وجديه ومابي منكم الا الدعاء بالتسخير وزوجي مايشوف غيري على قولت عمتي

وللشعر استخدمي خلطه غنوه موجوده وخلطه انقل كات بمنتدى كويتيات

دعواتك لي بتيسير أموري