الله يرفع قدرك غلآي ألف شكر لمرورك

نورتي

حبيبآتي فقرتنا الحين خآصه بصآحبآت الشعر البآهت الجآف والمتسآقط

يمكن فكرتوا يوم تروحون المشغل يعملون لكم حمآم زيت ويآخذو منكم مبلغ وقدره عشآن تعآلجو هالمشكله ..

وفيه بعضكم يآمآ رآحت للمشغل وخصصت يوم كآمل عشآن تعمل حمآم زيت لشعرها ..!!

طيب إحنآ أتفقنآ أننا نردد .. إحنآ نقدر نسوي أحلى ..

مو بس شعآر وكلآم لا الأهم من كل هذآ التطبيق ..

عشآن كذآ بحثت وحصلت لكم موضوع الرآئعه والمتألقه نور الهدى ومثل مآتعرفون نور كآنت تدير مشغل ..

وهي قآلت لنآ على الكورس اللي المشغل يسويه للزبآين اللي شعرهم تعبآن ..

ورآح أنقلكم كلآم نور الهدى بالتفصيل لأنه يدعم موضوع الحمله ..

إضآفآتي للموضوع هي الصور عشآن يتسهل عليكم

::

اليوم جيتكم بشي جديد ماتتوقعونه ويناسب كل الاعمار والانواع من الشعر .......
وهو على شكل ماسك مكون من مجموعة ماسكات متنوعه راح انزل صورها لكم اذا قدرت باذن الله تعالى

المهم فوائده :
تنعيم الشعر وترطيبه لدرجه ماتحتاجين ترطبين الشعربكريم للتصفيف
ويزيل التقصف والجفاف والخشونه والتشابك انسيهم كلهم
يترك على الشعر لمدة ساعتين كاملتين ويستخدم مرتين في الاسبوع وهذا كورس علاجي مكثف للشعر وبعد شهرين استخدميه كل اسبوع مره يكفي واذا حابه زياده استخدميه زي الشهرين الاولين عادي مافيه اشكاليه

نتيجته تبان من اول استخدام بشكل مذهل وعجيب
طريقته جبتها لكم من مشغل كنت اديره وبسبب عدة امور تركت الاداره لغيري وطلعت
طبعا انا كنت اشوف بس ما اقولهم اني شفت اوعرفت ليه ؟
عشان مايصيرون يخبون عني طريقتهم

طبعا الكورست العلاجيه للشعر بالنسبه للعرايس والحوامل والكل يسويها خصوصا من الطبقات التوب في مجتمعنا لانهم باستمرار تسريح شعر وجل وسيشوار

للظهور بافضل شكل وينفقون عليها مبالغ لاتعد ولاتحصى وفيه مننا ناس ظروفهم تعبانه وودهم يحصلون على شعر جذاب ونظيف والى ذلك اشياء كثير
وبعضنا مافيه وقت تروح عالمشاغل او مافيه احيانا فلوس او مالها نفس تطلع اقولك سوي كورسك الخاص بنفسك ولامن شاف ولا من درا ونتيجه مضمونه وانظفلك شغل يدك
ادري طولت عليكم بالهذره بس وش اسوي ابي اوضحلكم كل جوانب الموضوع
المهم كل المجموعه ماتكلف مية ريال سعودي


المقادير :

ماسك حمام زيت فاشكول بالحليب والعسل 2م ك اذا كان الشعر متوسط الطول
ماسك فاتيكا للعنايه المكثفه 2م ك للشعرمتوسط الطول


ماسك جارنييه النوع اللي يناسب شعرك انا استخدم للشعرالجاف صعب التمليس 1م ك




اذا كان الشعرطويل للاسفل الظهر او تحت الارداف زيدي برضه من كل واحد الدبل يعني من الفاتيكا والفاشكول 2م ك زياده
والجارنييه 1م ك زياده

واخلطيهم في زبدية حمام الزيت او في زبديه بلاستيك او زجاج


واغسلي الشعرجيدا بالماءالدافي والشامبو الخاص حقك اللي تفضلينه انا افضل بالموليف بالحليب والعسل

وبعدين جففيه وحطي عليه الماسك اللي خلطتيه وغلفيه بنايلون لاصق او البسي بونيه نايلون

ولفيه بطاقيه بشكير اللي زي المناشف او طاقيه صوف او طاقيه قطن اللي تفضلين بس عشان

تدفي الراس وتساعد على تبخير الماسك داخل جذورالشعر والاطراف وترميم الشعر من الداخل للخارج
وبعد ساعتين بالتمام


شيلي البونيه ورطبي شعرك مع التدليك لمدة خمس دقايق وبعدين اشطفيه بماء بارد

عشان يقفل المسام ويمنع تكون القشره ويمنع تساقط لشعر

وبعدين لفيه بمنشفه وخليه ينزل المويه ويصير نصف مبلول ومشطيه وسرحيه زي المعتاد

وشوفي كيف بيطلع شعرك بعدها بتصيرين تشتاقين تسوينها مره ثانيه من النتيجه اللي شفتيها من اول مره


::

نعيمآ يآحلوآت لآتنسون خبرونآ بالنتآيج اذا سويتو اي شي..

:)

يسلمووووووو موضوعك رووعه يعطيك الف عافيه

انا ودي اضيف لحمام الزيت لشعر
انا شريت القبعه الكهربائيه
وصرت احطها والحمام الزيت في شعري
والله يطلع زي ماتسويه الكوافير
جبت الاغراض وريحت من الكوافيرات

يعطيك الله الف عافيه بصراحه موضوع قمـــــــــــــــــــــــــــــــــــــــه بوركت والى الامام............


وانا معك قلبا وقالبا ... واصلا انا ما يعجبني شغل الكوفيرات احسهم ما يخلون احد على طبيعتهم كأنهم مهرجين ............