احنا واخوي وزوجته

كيفكم بنات ان شاء الله كلكم بخير جايه استشيركم بموضوع ومالي بعد الله غيركم وانتو ماتقصرون


عندي اخ مع الأسف مو رجال وزوجته متحكمه فيه مره لانه يحبها موت وماخذها عن علاقه ومن اول ماقال بيتزوجها احنا مامانعنا ابد وقلنا خلاص يحبها ومن حقه يختار والله لا يوفقها عفست الدنيا فوق تحت من بعد الملكه تخيلو كل شي نمشيه لها واخوي مفلس وراتبه فقط 3200 ريال ومع ذالك ابوي ماقصر ولما قرب الزواج وقالت تبي الاصله الفلانيه وحجزناها تخيلو تدخلت باصاله الرجال قالت ماابي هذي الصاله وهو ابوي الي بيدفع قال ابوي مالها شغل وقام اخوي الغبي حجز الصاله الي هي تبيها للرجال وابوي زعل وكلنا زعلنا كيف يمشي كلامها علي ابوي وفوق هذا لما اختي جات كلمته تبي تقنعه بغلطه تخيلو اختي الكبيره راح رفع يده عليها وكبرت السالفه ولا رحنا الزواج لا احنا ولا امي ولا ابوي ولا احد من أهلنا كلهم ومرت شهور وزوجته حملت وخلفت وجاب لنا البنت نشوفها وحن قلبنا عليه وبدينا نحسن علاقتنا فيه وفيها وبعد فتره طاله راجع عشان ابوي يساعده بايجار الشقه لانها مخليته يستاجر شقه فخمه ب28 الف ريال وهو راتبه ماوصل حتي 3500 وراجع يقول لابوي ساعدني وابوي ماقصر ساعده ورجعت الأمور طبيعيه وبين كل فتره وفتره تطلع سالفه من تحت الأرض مره تبي اخوها يتزوج اختي واختي ماتبي منهم لانهم مشاكل ويوم رفضت جا اخوي وغسل شراعنا بالبيت كله وابوي طرده ورجعنا تصافينا ومره هي تسولف معاي بالواتس وقلت لها عن اذنك وراي شغل وقالت لاخوي احتك ماتحترمني وتكرشني وراحتي عني وجا خانقني ومره عاطيه امي بنتها وامي قالت لها البنت موصخه بقوم اغير لها وصارت مشكله تقول لزوجها امك تقصد مااعتني ببنتي واني مهمله ومهليه البنت بوصخها يعني تعبنا كثير وهو مثل الحمار أي شي تقوله هي الصح واحنا غلط وكذابين اخر مره طرده ابوي وقال له لا اشوف وجهك هالكلام من 6 شهور الحين رجع كلمني يقول لي توسطي عند ابوي شفت لي وظيفه ب7000 ريال بس يبون شخص يكفلني ومالي غير ابوي او احد من اخواني وانا محتاره هو مايستاهل وانا اقدر بطريقتي انا واختي وامي نقنع ابوي بس محتاره أقول ببالي مايستاهل من يخدمه وفوق هذا زوجته تشتغل وماتعطيه ولا قرش قلت له خليها تساعدك طالما تبي شقه غاليه وكلشي فخم وثياب ماركات قال لي عندها التزامات الحين ابي مشورتكم اساعده او اخليه يولي قلبي شايل عليه وعلي زوجته ومايستاهلون وش اسوي وحتي طلب يتسلف مني 10000 لاني موظفه وزوجي قال لا تعطينه وانا فعلا ماابي اعطيه ولا ريال بس سالفه الكفاله هل اكلم ابوي او لا شورو علي ربي يجزاكم الجنه