ورررده @orrrdh
كبيرة محررات
احنا وعيالنا والطوارق
السلام عليكم ورحمة الله وبركاته
كيفكم يا صويحباتي عساكم بخير ..وكيف عيالكم كبيرهم وصغيرهم
عساهم في رعاية الله ومعيته..امين
تجينا ع الواتس تغريدات او كلمات يبثها اب مكلوم او ام ثكلى تترجى الجميع بنشر صورة ولدها او بنتها اللي خرجوا من المدرسة ومارجعوا للبيت
وغيرهم وغيرهم اللي ماسمعنا عنهم
هالامور ما تذكرك بشي ؟؟!!
احيانا ترجع بنتي من المدرسة وانا اكون ع الجوال اطقطق او مشغوله بالمطبخ
تمر بنتي علي وتسلم سلام عليكم وعليكم السلام
هي تروح لغرفتها تبدل ملابسها وانا اكمل طقطقه او شغلي
وخلاص شي روتيني ..تعودنا
احيانا ترجع بنتي من المدرسه وكون توني منسدحة بالصالة ودخلت بغفوة نوووومه
واحس ببنتي دخلت البيت..ورغم قوة النوم الا اني اقول بصوت كسووووول بالقوه انطقه
هيا بدلي ملابسك وحطي مريولك بسلة الغسيل وصلي الظهر...
وارجع اكمل غفوتي
يعني كل هالكلام الطويل العريض اللي بالقوة قلته.. ماجاء ببالي اقول الحمدلله اللي رد لي بنتي وهي بعافية؟؟؟!!
ليش ماقلته؟؟!
لاني تعودت على رجعة بنتي كل يوم
لانه شي مكرر كل يوم
لانه هذا المفترض يصير كل يوم
لانه شي متوقع يحصل كل يوم....تعودناااا
نعمة ألفناها كل يوم..
نعمة؟!!
ايه نعمة ..والله انها نعمة منسية غفل الناس عنها
نعمة ما يجي في بالنا نشكر الله عليها الف مره ومره باليوم
اصلا احنا مو مقدرين هالنعمة..محنا منتبهين انها نعمة..مش مستوعبين انها نعمة وممكن ان تزال
يخس علينا....
لهدرجة احنا جاحدين؟؟!
لهدرجة احنا غافلين؟؟!
وليش..؟......لانها نعمة ألفناها وتعودنا عليها..وحاطين ببالنا ان هذا شي المفترض يصير دامنا وفرنا لهم سبل الامان
يعني فيه ناس من قوة الجحود والغفلة نسبوا اسباب هالنعمة لانفسهم وامنوا مكر الله
قال تعالى(:أَفَأَمِنُوا مَكْرَ اللَّهِ فَلا يَأْمَنُ مَكْرَ اللَّهِ إِلَّا الْقَوْمُ الْخَاسِرُونَ
الخاسرون
خسروا نعمة كان ينعمون بها. خسروها بجحودهم..النعمة ان لم تشكر تزال
تزال كي يفيق الغافل من غفلته ويتجرع حسرته ثم يذكر الله ونعمته
طيب ليش تنتظرين تحصل فاجعة لاقدر الله؟
ايش تنتظرين عشان تذكرين الله ونعمته عليك؟!
تنتظرين ان ولدك بدال مايرجع البيت بخير يرجع بدماءءه؟؟
ولا بدال مايدخل البيت يدخل حفرة مجاري؟؟!!
ولا بدال ما يدخل مطمئن يدخل مرعوب مفجوع وتصيبه حاله تخليه مجنون!؟
وش ننتظر؟؟!
ليش مانعود انفسنا كل يوم على حمدالله والثناء عليه بتفضله وتكرمه انه رجع عيالنا لنا سالمين معافين
وطبعا شكر الله مش محصور فقط وقت رجعتهم من المدرسة بالنهار فقط..
حتى بالليل لو خرجوا مشوار ورجعوا نحمدالله على رجعتهم سالمين.
ولا انتي لما رجعتي بيتك بالليل وحصلتي عيالك بخير و على مايرام
احمدي الله
ووعلى طاري الليل
دايما تعوذي بالله من طوارق الليل والنهار
وخاصة طوارق الليل ...
لان سبحان الله العظيم طوارق الليل مفجعة اكثر.. الله يجيرنا واياكم تكون اكثر شدة و وجع على النفس
عشان كذا نبي الرحمة عليه الصلاة والسلام اوصانا ان نستعيذ بالله من شر طوارق الليل والنهار
والطوارق هي الاقدار و الاحداث اللي تحصل بالليل
واخرها ولد الاحساء خطف بالليل ..وكان ممكن ماعاد يرجع
لكن لطف اللطيف ..وتلطفه بضعيف.. فالحمدلله
شوفوا كيف فرحنا برجعة رازان واحنا مانعرفها..اجل كيف امها؟
استشعرتوا هالنعمة يا بنات؟!
والله انها نعمة
ويالها من نعمة ان يرجع ضناك للبيت بخير وعافية
واه يا قلب ام ابتهال الثكلى
واه ياقلب ام عبدالله الزهراني
واه ياقلب امهات اصبحوا على نعمة وامسوا على فاجعة
نعوذ بالله من زوال نعمته وتحول عافيته وفجاءة نقمته
ونعوذ بالله من طوارق الليل والنهار
الا طارق يطرق بخير يارحمن
امين
احبكم في لله
:26:
42
5K
يلزم عليك تسجيل الدخول أولًا لكتابة تعليق.
غيرلان
•
جزاك الله خير
والله اني أقول الروتين اللي انا عايشه فيه أحسن بمليون مره
من اني اسمع خبر مرض او مصيبه لأحد عزيز علي
اللهم لك الحمد حتى ترضى ولَك الحمد اذا رضيت ولَك الحمدبعدالرضى
والله اني أقول الروتين اللي انا عايشه فيه أحسن بمليون مره
من اني اسمع خبر مرض او مصيبه لأحد عزيز علي
اللهم لك الحمد حتى ترضى ولَك الحمد اذا رضيت ولَك الحمدبعدالرضى
الصفحة الأخيرة
الحمدلله حمدا كثيرا طيبا مباركا فيه