احنا يالحريم مايكسرنا الا سالفه التعدد

تقول صاحبة ا القصه اهذا ياطويلات العمر انا انسانه نادر جدا احلم وانا نايمه الا ذيك الليله نمت بدري وحلمت بحلم يجيب المرض ..حلمت ان زوجي بالصباح يستأذن من دوامه ويجيني البيت ويدخل علي بالمطبخ وانا اغسل المواعين ويمسكني من يدي ويقول لي تعالي معي لغرفه النوم ابغى اكلمك بموضوع مهم واروح معه ونجلس ويقول لي اسمعي يافلانه انا نويت اعدد واخذ الثانيه وتراني خطبت وعرسي بعد شهر .. ومن الصدمه فزيت من نومي وتعوذت من هالحلم الاقشر 😤😤😤 المهم صحيت وانا مكشره ورحت للمطبخ اسوي فطور وشوي والا اسمع صوت الباب ولا هذا زوجي مستأذن من دوامه ويجيني على المطبخ ويقول لي تعالي غرفه النوم ابغاك بموضوع مهم .. وانا اللي يطيح قلبي بين رجولي واتذكر حلمي سبحان الله نفس تفاصيله بالتمام وتخنقني العبره وهو يمسكني من يدي وياخذني للغرفه وانا على طريف من البكوه ..جلسنا وقال لي ابغاك بموضوع مهم مسكت اعصابي وقلت له اللهم اجعله خير قال انا باخذ سياره طبعا انا سمعتها ساره 💔💔 وانا اللي يطير مخي عاد هو كمل وقال لقيتها صغيره وحلوه ولونها ابيض واعجبتني ..انا هنا نشف الدم من كل جسمي وتجمع بوجهي ونافخت عليه وقلت ليش انا مقصره عليك بشيء قال لي يابنت الحلال منتي مقصره بس انا راقت لي وشاورت اصحابي واخواني وكلهم شارو علي اخذها .. انا هنا بغيت انجن قعدت ارجف من الغضب كمل وقال انا مجمع سبعين الف صار لي فتره علشان اخذها .. انا عاد بهاللحظه ماتحملت صحت لان مهري كان مايتجاوز اربعين الف وذي العله بياخذها بسبعين وقعدت ابكي قدامه واشاهق واسبه ياخاين العشره ياحقير والله ماابقى في بيتك دقيقه وحده طلقني ياللا طلقني ..قال لي بسم الله وش بك انهبلتي انجيتي انتي استخفيتي ..وانا اقوم من عنده واسحب شنطه السفر واعبيها قدامه والرجال منخرع يقول لي ترا رده فعلك مالها داعي ماله داعي كل هالزعل خلاص هونت ماني شاري هالسياره .....ها ..وشو سياره ..حسيت كأن احد صفعني كف قوي على خدي قلت له انت تقصد سياره ؟؟؟ قال لي ايه هذا جزات اللي يشاور الحريم ياكل تبن . وانا اللي اطيح من طولي على الارض وافقع ضحككككككككككك والرجال يسمي علي يحسبني مجنونه ههههههههه وانا اضحك واضحك وامسك دموعي ..حسبي الله عليك يابليس عاد فهمت زوجي السالفه وقعدنا نضحك وقبل مايطلع من البيت قال لي لاتنبسطين كثير جايتك الثانيه جايتك 💔💔💔💔💔💔 قلت له والله بيت ابوي شالني وانا بنت وبيشلني وانا مطلقه 👊👊 وانقلب المزح لهواش ..يالله يابنات كل مااذكر هالموقف افقع ضحك ياللطيف اخ بس احنا يالحريم مايكسرنا الا سالفه التعدد