احوالنا في العطله00

صباح الخير خواتي 000 عساكم بخير ان شاء الله00
بنات عندي موضوع وشاغل بالي هذي اليومين وتكاد تكون ظاهره سنويه فقلت نتناقش فيها 00
ايش يعني مفهوم العطله عندك وعندي وعند كل الناس00
العطله انطلاق - العطله استجمام - العطله سفر-العطله سهروخصوصا فئة الشباب وللاسف جرونا معاهم0
طيب حلو ما قلنا شي طول العام دوامات ومدارس وضغط اعصاب وجاء الوقت اللي ودك تعوض وترتاح فيه بسسسسسسسسسسسسسسس0 بعقل -بحكمه - بوعي - واهم نقطه نخليها عطله في طاعة الله00
خلونا نتكلم على اللي يحصل في بيوتنا=
ناس تحب تسافر عليها بالعافيه بس مولازم اسراف ومولازم نروح اماكن فيها منكرات معازف -اختلاط- مناظر استغفر الله العظيم مقززه0 ليش ما يكون السفر فيه متعه بالحلال اروح اماكن فيها طبيعه 0 صلاتي مااخليها واصليها بوقتها -
نحد من ظاهرة الاسراف اللي مالها داعي سواء مطاعم ولا فنادق ولا اسواق وبدل ما نرجع مطفرين ونتسلف من هذا وهذا عشان ايش والله رحنا اجازه00 يعني ترى ربي موجود في بيتنا وفي دولتنا وفي سفرنا بعد 0
ما سافرنا وش بنسوي بنقعد في بيتنا وبنسهر على ايش بنسهر والله فيه حفله للمطربه الفلانيه ولا فيلم اكشن لا يفوتك 00لالاتعالوا نشوف وش صار على المسلسل التركي00 طيب ما ينفع نسهر على قناه اسلاميه هادفه ولا نتابع برنامج اسري يناقش قضايانا او حتى شي فكاهي يرسم ابتسامه بريئه 0ولا نقعد نسولف في لمه حلوه ونجيب قصص وسوالف تفتح النفس ولانقعد ونشجع بعض على حفظ وقراءة القرآن0 ما يحلالنا الا الحرام وتروح علينا الصلاة وحنا تنابع ونتنقل بين محطه والثانيه ونقول بعد والله طفشانين لاسفر ولا شي ما غير قعده في ذا البيت00
طلعنا السوق ما فيها شي طيب ما ينفع نتسوق واحنا محتشمين لالا السوق صاير له عبايه مدري كيف شكلها والعطر ينشم على بعد كيلو ولا البنات الصغار اللي حسبي الله على اهاليهم يبغون يخربون برائتهم بدري0 اللي تنوره لين نص الفخذ والصدر عاري والبنت ماشاء الله عليها بيضاء وصحتها حلوة ياقلبي ورايحه تمشي بدلعها الطفولي والام تمشي بكل فخر ترى هذي بنتي شوفوها وش حلوها 0 بالله ما خافت ان هالبنت تتعود لما تكبر على هالملابس ولاراح الفوت ما ينفع الصوت ولا ما خافت عليها من عين شيطانيه تصيبها00 لاحول ولا قوة الا بالله00
ولا الملاهي وما ادراك ما الملاهي النسائيه طبعا قسم بالله اللي يروحها كأنه بدوله اجنبيه مو بالسعوديه0 يعني ما اصير متطوره الا اذا طلعت سرتي عفوا على التعبير 00 ولا ما اتحضر واصير مودرن الا اذا كان البدي عاري ولابسه برمودا 0 ما يمشي الحال تنوره وبلوزه ساتره لالالا قرويه اصير كذا0 بالله هذا التطور والله حنا ياللي حنا حريم نروح الملاهي نبي نوسع صدورنا ونلعب عيالنا ونكون براحتنا بدون رجال 0 ونقعد ما غير نبحلق بحريم خلق الله هم واجسامهم وخلاقينهم00 الله يستر علينا وعلى بنات المسلمين يارب0
ولا الاغاني اللي ما تمر بشارع الا وهي فالقه اذنك ياليت هالشباب يسمعون ويفكون آذان خلق الله الا غصب لازم تسمع معه فرحان بالمطرب اللي يسمع له 00 لا حول ولا قوة الا بالله0
يا ناس حتى البر ما رحموه على هالدبابات ولابسين هالجنوز من كلا الجنسين 00 وتفاحيط واغاني والعذر ما ورانا شي عطله0 يعني ما يمشي الحال تطلع البر مع شلتك او اصحابك وتنعم بالهدوء والراحه وممكن تشب نار وتشوي وتصلح شاي وقهوه وتلعب انت وبزارينك كوره ولا تاكل بعد اسكريم وبليله ولاما تطلع السهره حلوه كذا00
ولا النووووووووووم اللي لين المغرب ينام 7 الصبح بعد ما يكون خلاص منهك جسمه وصلاة الظهر نوووووووووم والعصر بعد نووووووووم ويا دوب على المغرب يصحى ويتمطط وبعدين يروح يقضي ما فاته من صلاة 00 لا حول ولا قوة الا بالله00 طيب فيك نوم ما يخالف قوم صلي صلاتك في وقتها وارجع نام جسمك له حق الراحه والله سبحانه بعد له حق العباده ايهم عندك بالمقدمه جسمك ولا ربي؟؟؟؟؟؟؟؟؟؟؟؟؟؟
هذا حال شريحه كبيره في كل السنه بسسسسسسسسسس في العطله تتفاقم المشكله وممكن تصير ظاهره00
طبعا انا ما اعمم وفيه ناس ماشاء الله تعرف كيف ترفه نفسها وتؤدي حقوق الله وناس فيها خير طبعا00
وما طرحت هذي الظاهره الا عشان نبدء باصلاح انفسنا ونعيش عطله مميزه 0 عطله ان شاء الله كلها خير وسعاده على كل المسلمين يا رب 0 عطله كلها في طاااااااااااااعة الله000