اختي دانا الغيداء

بشكل عام التعاون افضل من الوادي

لكن في كل حي مربعات افضل واغلى من باقي اجزاء الحي

وفيه احياء ماتلقين فيها الاقصور مثل النخيل والمحمديه الغربي

وفيه احياء تلقين اغلبها دبلكسات مثل التعاون والمروج

بس انا الاحظ ان حي المروج مخربته المحلات الي على الشوارع الرئيسيه ........كلها ملابس ابو عشره

وايضا في حي جديد وموقعه ممتاز وهو حي النخيل الغربي ........وكان فيه من فتره اجزاء اسعارها رخيصه
لانها اضن عند ابراج الكهرباء ........لكن الحين اكيد غلت

فيه اختي جزء من المرسلات راقي جداجدا .......وهو خلف المساحه العسكريه

وفيه حي حطين النموذجي وهو جديد لكن عيبه انه بعيد تقريبا عند الدرعيه

بالنسبه لنوعية السكان ............راجعي الخاص

لونه22 ......وردة الحزينة....
pinkvip ....

جزاكم الله خير على التجاوب ...

وانا فعلا نفسي بحي الواحه لكن الفلل فيه فوق المليون وحنا نبي حي راقي والفيلا تحت الثمن مية الف !!!!

طيب وش رايكم بحي الملك عبد العزيز هو جديد وجنب حي الملك عبد الله ؟؟

والازدهار كيف مستوى الحي ؟؟؟ اللي عاجبني فيه انه مليان مدارس وقريب من كل شئ...

شوفي انا سالت لك وش احسن التعاون او الوادي وقالو لي التعاون احسن بكثير
وهذا اللي اعرف

القــــــمر...شكرا على الرد ..وفعلا التعاون احسن من الوادي بس المربع الذهبي بالوادي فيه قصور وفيه عوائل راقيه ..

والازدهار سألنا عنه وقالو مو زين والمجاري عادمه الشوارع !!


ياليت الباقين تدلون بآراؤكم في الموضوع ....عشان الكل يستفيد ..

شوفي ياغاليه

عندك حي النزهه ررراقي مره وسكانه محترمين

ومن جد الحي حلو ويستاهل السكن فيه