اخافف.

حبيبتي لاتربطين حياتك بواقع الاخرين 
لماذا تنهي الخطوبه وانتي تشعرين بالحب تجاه ؟ 
الحياه لاتخلو من المشاكل والحياه الزوجيه بالأخص تحتاج الى فن في تجاوز هذه المشاكل 
وان لانجعلها عائق يسبب لنا القلق 




وبالنسبه لخوفك من الزواج بسبب طرح الاخوات مشاكلهن في المنتدى هذا ليس مقياس بأن ستصبح لك هذه المشاكل 
فكل عضوه لها ظروفها الخاصه التي ادت الى هذه المشاكل 




لاتنظري لزواج بهذا المنظار حاولي فهم شخصيه خطيبك وتفكيره ومعرفه مايحب ومايكره ليكون بينكما تفاهم وانسجام 



وربي يكتب لك التوفيق في جميع امورك 

وانا نفس الشي صرت اكرة شي أسمة زواج
**** يفرج هم كل مهمومة ويرزقنا بلزوج الصالح

هذي سنة الحياة تزوجن وكل وحده ونصيبها بس لاتجي وحده وتتخيل الزواج كله حب ورمنسيه ابو سروال وفنيله لازم يحط لمساته بس عاد الوحده تطنش وتصبر في بعض الامور وتدعي ربها ولاتفتش وراه


لا اله الا الله محمد رسول الله

مو كل شي ينكتب يكون صحيح مية بالمية
انا ما احس مواضيع الخيانه كثيرة كثر مواضيع الهواش والنجرة بين الزوجين
بالاخير لازم تحطين في بالج نقطة مهمة ان اللي تكتب تتكلم عن طبيعه تفكيرها وحياتها وتترجمه لنا بموضوع وكلمات من اختيارها وتعبيرها وكذلك كل اللي يكونون معاها بالقصة او الحدث بعد هي تطلق عليهم الاحكام من نظرتها لهم
ولا تنسين ان اغلب المواضيع المكتوبة مواضيع غير هادفه ولا في مشكله اصلا عشان ندور ونتناقش بحل مناسب لها بالاضافة الى ان بعض اللي يكتبون مو متطورين ولا يفهمون شي وعقلهم على قدهم
هذا رايي الشخصي واستغرب ان عنوان القسم اسره سعيدة في حين ان ان اغلب ما يكتب هو مشاكل وغريبة وعجيبة

حطي في بالك نقطة مهمممممة جداً
احنا مجتمع موسوس من شي اسمه عين وحسد
فما راح تقرين غير المشاكل
بس ثقي إنه مقابل كل بيت فيه مصايب فيه بيووووت عايشين باستقرار نسبي مع وجود منغصات بين فترة وفترة طبيعية في الحياة
وحتى اللي تجي اليوم وتشتكي وتولول بكرة تلقينها طايحة في حضن زوجها ((حقيقة))

أهم شي الدين والخلق
إذا خطيبك عنده دين وخلق توكلي على الله ولا تفتحي مجال للوسوسة والشيطان يخرب عليك