اخاف اصارحه يزعل. والا انا مكبره الموضوع..والا ايييش؟؟// تم الرد

السلام عليكم ورحمة الله وبركاته

يبنات انا عمري ماشفت زيي لاتضحكون بس والله جد انا مسااالمه لاخر حد
ما ابغى اتناقش مع احد ولا اتضارب مع احد احب اعيش بسلام بسسسسسلاام
اشياء يسويها زوجي ماااتعجبني ونفسي اغيرها فيه ما غيرتها تدرون ليش ععلشان ما اناقش ولا احد يغلط عليا ولا يزعل احب الهدوء والعيش بسلام
بس اليوم خلاص وصلت حدي ومدري انا حساسه والا وش..

يبنات زوجي الحين يمر بازمه ماليه بسبب قروض شراء منزلنا الحمدلله

ويحاول يوفر من راتبه للا يام القادمه لان الواحد مايدري وش يصير..
اللي يبقى من راتبه يكفينا الشهر حفه بكفه مانقدر نوفر شي يبقى تقريبا 5000 الاف

انا قللللللليله طلبات جداا
واذا طلبت احب يجيب لي اكبر شي

مثلا طلبت حفاظات اطفالي احب يجيب حجم كبيررر يكفي فتره ما اقعد كل شوي اطلب اككره كذااا
المهم ان حافز بيجيني بعد كم شهر وقلت بجمعه ابغى اشتري فيه ليزر منزلي مع ان زوجي وعدني يجيبه لي هدية الولاده بس ماقدر وعارف اني بجمع فلوسي علشان اشتريه

المهم طلبت منه هالشهر اسوي عدسات ونظارات لعيوني طبيه طبعا قلت قبل رمضان والعيد بفتره علشان ما اضيق عليه الشهور الجايه لاننا بنحتاج مقاضي زوواجين وعيد ورمضان

قالي انتي عارفه اني مزنوق اشتري بحافزك ..سكت وانقرت فلوسي بتطير ولا اشتريت ليزر واللي المفروض هوا يجيبه
المهم اليوم نفسي اشتري من الصيدليه تونك للشعرر ليا فتتره نفسي فيه واستحيت اطلبه كان معاي 50 ريال اعطيته وقلت كمل عليها واشتريه ليا..رجع قالي لقيته غالي خلي لاجا حافزك اشتريه!!!!

انا مسكت بكوتي بالقوه مستخسر فيني وانا ما اطلب الا نادر والضرووووري بس
قسم بالله من تزوجت 4 سنوات ماغيرت شنط خرجتي الا اشتريت وحده بسسس جزم نااادر اشتري اكسسوارات ووربي من دبشي ما ز0ت عليها الاقلييل وبفلوسي كمان!!!

وطلبت منه من الصيدليه جلسوليد كريم جابلي اصصصصغر حجم!!!
اصلا هوا رخييص ليش مايجيب كبير بدال ما اطلب كل شوي

ساعدوني مدري اصارحه بقهري..والا انا مكبره الموضوع:44:

مع ان زوجي متفاهم اغلب الاحيان وحنووون وطيب الحمدلله والا اخاف يقلبها عليا ويزعل كالعاده لانه مايحب يعتذر