اخاف اعودهم على طبخي...يذلوني

من يوم زواجي ونا ما ادخل المطبخ واطبخ
بحكم ان البيت فيه خدامات وبحكم سكني عند امه وابيه مابديت اشيل هم الطبخ بس اذا اشتهت نفسي شي او لزوجي اطبخ
المهم جلست اقول يابنت ليه ماتدخلين المطبخ وتصيرين كلما هذا طبختي>>>((يعني سنعه)))
..لان خدامتهم مو هذاك الزود بالاكل
بنات انا قبل كنت اسوي الحلى بالبيت وبعد فتره لاحظت ام زوجي بدت تشوف نفسها علي وان اللي اسويه حق وواجب عليك اصلا قدمتي والى شلتي بعد مايملي عيننا تخيلو ماعمرها قالت يعطيك العافيه او يازين هالحلا لا كلللللش ابد
لعنبو خدامتنا وهي خدامه اذا سوت وقدمت شي لازم نقولها الله يعطيك العافيه شكرا مع ابتسامه.. لا معليش لا احد يقول مالك منه هذي ذرابه مافيها شي تخلي الشخص الللي قدامها يحبها
...الزبده شلت يدي نهائياً
بنات وش تنصحوني فيه...انا اخاف اعودهم على طبخي تصير ماتاكل اللى من ايدينني وتجبرني ادخل كل يوم اطبخ...وعرف سالفه قريبتي كل يوم يافلانه مشتهين بكرى على الغدا كذا وكذا >>>اي والله مشتهينها من ايدينك
وغثوها بالطلبات...اللي مانعني من انني اطبخ اخاف تعرف ان ماعلي بالطبخ و نفسي الحلو تصير تتلط علي وتنكدها ولا اقدر ازعلها وقول مالي خلق ولي ماودي
يعني باب يجي منه ريح سده وسترررررريح
ويمكن هي ودها بس انا مسويه فيها مفهيه ماني خبره بالاكل <<<<<<<<نصائح البنات لاتعودينها انتبهي كل شي ماعرف