اخاف اقطع صلة الرحم ........بس

السلام عليكم ورحمة الله......شخباركم بنات ان شاء الله بخير:27:

ما راح اطول عليكم وبدخل بالموضوع على طول .......

مشكلتي مع وحدة من اهلنا (امها بنت عم امي)هالبنت ما شاء الله اول ما تتعرفين عليها تحبينها !والسبب كلامها

احلى من العسل وتعرف كيف تتقرب من الناس.المهم هم عايشين في مدينة ونحن في مدينة ثانية بس بينا زيارات ,

مشكلتي مع هالبنت انها تغار مني بشكل فظيع والمشكلة الاكبر اني انتبهت لها الشي في وقت متأخر.....

مرة طلبت مشورتها(حق عرسي لانها متزوجة قبلي ,حوالي سنة)وانا ما عندي خوات اكبر عني يساعدوني .المهم هي دلتني على اشياء معينة (الظاهر كانت نفس الاشياء في عرسها المسكة والاكسسوارات ) وانا مشكلتي ما اذكر شو كان شكل مسكتها ولا اكسسوارها لاني ما ادقق اساسا ولاني كنت متوترة اصلا في فترة التجهيزات حق العرس .فأمها وامي كانوا معانا فقالتلي هي نفس اشياء عرس فلانة غيري.(تقصد بنتها) ,فأنا سالتها لان كلنا كنا في المحل فهي حلفت والله العظيم مو نفسهم .فقلت يمكن امها مغلطة لاني ما توقعت انها تحلف كذب!!على الاقل في ناس يجذبون بس لما يوصل للحلف ما يحلفون جذب.المهم بعد العرس سمعت عن ناس من اهلنا واهلهم اني انا مقلدة فلانة وما ادري شو ......الى آخره.ولما سألتها ليش لما سألتج حلفت وما خبرتيني قالتلي ما حبيت اخرب عليج لانج كنتي معجبة بالاغراض ....مع اني والله كنت بغير لو انها كانت صريحة واللي كرهني فيها الحلف.المهم انا من هاك اليوم وانا ما اواطنها ولا حتى اتصل فيها وهي مصرة تتصل فيني
بس عشان شو ؟عشان تعرف انا وين وصلت وشغل زوجي يعني باختصار عشان تنافسني وانا فاهمة عليها؟اسفة اني طولت عليكم بس انا ما صرت اثق فيها وما اعرف اجامل واخاف ان قطعت علاقتي فيها بالمرة اكون من قاطعي الرحم وهالشي اللي مخوفني .والصراحة كرهتها وانا في العادة اللي ما احبهم ما أجاملهم.بس عطوني رايكم كيف اتعامل معاها.واسمحولي على الاطالة