اخاف اكون ظلمتها ...

الأسرة والمجتمع



السلام عليكم

خواتي بنات حواء ابغى مشورتكم في موقف صار معي
واحس ضميري يأنبني

اقولكم السالفة
قبل اسبوع كان عندنا عزيمة باستراحة وكان كل اهلنا جايبين
شغالاتهن عشان يساعدونا وأختي جابت شغالتها وهي افريقية
المهم طلبت من الشغالات يساعدونا فالمطبخ ادخلوا كلهن
وانا كنت واقفة عند الباب مع بنت خالتي نتكلم ومنسجمين بالحكي شوي لاحظت ان الشغالة الافريقية واقفة باخر المطبخ مقابلنا بالضبط وكانت
ماسكه الجوال وكأنها تكلم أحد بس المشكله ماكانت حاطة الجوال على اذنها
كانت ماسكته كنها ماسكه( مايك )يعني مقربته عند حنكها وماسكته بوضعية تصوير أنا انتبهت وقلت مابي اظلمها فغيرنا مكاننا شوي هي غيرت مكانها وقربت منا شوي والجوال نفس الوضعية انا هنا خفت
وقلت لازم اشوف الجوال واتاكد دخلت المطبخ وسويت نفسي اساعد وحده من الشغالات
قامت هي وراحت قبالي بالضبط ونفس الشي ومنسجمه مع المكالمة
أنا هنا قربت منها بسرعه وطليت على جوالها ولقيتها فاتحه الكاميرا
قمت صكرت الكاميرا وهي انهبلت وصارت بينا هوشه كبيره تقول ان انا ظلمتها وانها ماصورت شي قلت لها ليش الجوال ماسكته كذا تقول اكلم اخوي اتصال مرئي , طيب اخوها وشلون يشوفها وهي الجوال لازق بحنكها المهم فتشنا جوالها ومالقينا به شي , بس انا متأكده ان الكاميرا كانت شغاله شفتها بعيني , وهي طبعاً
يوم شافت محد معها قامت تصيح وتبكي وتسب وتشتم بلهجتها وغيرت كل كلامها وقالت ماكلمت اخوها اتصال مرئي وتبلت علي ان انا ضحكت عليها وقلت هذي مجرد شغاله وانا وربي شاهد ماسبيتها ولا قلت لها كلمة تجرحها حتى الجوال مااخذته بالقوة طلبته وهي عطتني ياه

وحسيت إن الحريم تعاطفوا معها ويحسبوني ابالغ , وطلع شكلي بايخ قدامهم
ابستشيركم حاسه بتأنيب الضمير اخاف ظلمتها واخذ ذنبها


بنات وش رايكم معي حق او لا ؟
لو كنتي بنفس بموقفي راح تتصرفي مثلي ؟
12
1K

يلزم عليك تسجيل الدخول أولًا لكتابة تعليق.

تسجيل دخول

الدنيا سراب
الدنيا سراب
معاكي حق اكيد
بس يمكن كان اسلوبك غلط
ودام مافي شئ بلجوال
لازم تعتذري منها
دا حق المسلم على المسلم
قصتي في دفتره
قصتي في دفتره
اصلا مجرد انه تحمل جوال كاميرا باستراحة غلط

المفروض جابوها بدون جوال ,, او جوال عادي

يعني مكالمتها لاخوها ماتصير الا هالوقت


حنا مرة كانت عندنا حفلة والحضور كبير

وولد صغير قال انه شاف شغالة اختي تصور الحريم

المهم بعد التحقيق لقينا معها كاميرا معطينها لها شباب تصور لهم مقابل مبلغ

ولقيناها دافنة الفيلم بطرف الحوش تحت النجيل

فأخذناه واتلفناه قدام الحريم


وكان موقف محرج لنا

حسبي الله عليهم

نجيبهم عون يصيرون علينا فرعون
بنت شمر .com
بنت شمر .com
انا لو بنفس موقفك بصراااااااحة اسوي نفس موقفك بس بدون مااحد يدري علشان يمكن اكون ظالمتها وبعدين انتي ان شاء الله ماظلمتيها لانك يمكن تكون صورتك وخفتي على نفسك صح
ام القمووره
ام القمووره
اشوف معك حق تخافين
بس ما ادري يمكن اسلوبك كان غلط شوي وانفعلتي مره

يمكن لو مكانك اسوي اكثر لان انا ما امسك اعصابي بعد

بس الحمد لله انك مالقيتي شي بالجوال
والله يكفيك شرها
تكرونيه شقراء
احس معك حق بس لو تفاهمتي بينك وبينها