اخاف اكون عاقه

السلام عليكم
بنات انا متزوجه وتزوجت بس عشان اهرب من العيشه عند اهلي لان امي انسانه متسلطه وابوي معقد وبنفس الوقت يسمع لكلام امي
كل شيء ممنوع حتى التلفزيون
والطلعه ممنوع وضرب واهانه حتى الجزمه تضربها بوجهي مافيه حوار ولا تفاهم
اقسم بالله سببت لي عقده نفسيه من وانا طفله والله مانساء ضربها اقسم بالله انه يعلم على جسمي وتصير مكان العصى اخضر وبنفسجي
اذكر وانا بالابتدائي ضربتني ويديني صار معلم عليها الضرب واذكر البنات يسئلوني ليش يدك كذا
المهم تزوجت اول واحد طق الباب ابي اهرب حتى استخاره ماصليت
ولازال التسلط موجود اذا جيتهم زياره مارتاح يحسسوني اني ثقيله عليهم
حتى اذا زعلت من زوجي ماعمرهم وقفو معي بالعكس الا يهينوني قدامه ويطردوني
تخيلو امي تقول لاتجلسين عندي هنا انقلعي للسطح السطح فيه غرفتين سقفها شنكو حديد
ولا تغسلين في غسالتنا غسلي في الغساله القديمه
وتعايرني بالمطلقه وانا ماتطلقت ويوم رفضت اروح فوق ضربتني هي وابوي بالسلك الكهرب اقسم بالله ان جسمي كله اخضر واحمر وبنفسجي من اثر الضرب حرمه وش كبري يهينوني بهالطريقه كاني مسويه عار !!!
لدرجه ان زوجي صار يعايرني فيهم
يقول اهلك طاردينك ولا يبونك
مانافعك غيري
وهو حتى المصروف مايصرف والان صار يمد يده عرف ماوراي احد
المهم بعد مارجعت لزوجي على الرغم من اهانته لي لكن تدخل ابوه وطلبني ارجع على شانه
النشكله هي اني ماصرت اجي اهلي لان قلبي شايل عليهم ومجروحه وهم لي سنه اقسم بالله ماحد فيهم رفع السماعه علي ولا قالو عايشه ولا ميته يمرون البيت ولا يفكرون يجوني
الان زوجي اذا زعل قعد يتكلم علي عند اهله ويقول مافيها خير في اهلها ولا تجيهم
هل انا عاقه ولا لا
انا صديت لاني مجروحه وشفت من اهلي الويل وهم اللي مافيهم خير فيني بنتهم المفروض ياقفون بصفي ويكونون سند مو اجيهم مكسوره ويزيدون كسري
وياقفون مع زوجي وهو غلطان بس عشان مارجع لهم مطلقه حتى الناس صارت تشوف انه انا اللي غلط ولا كان ماوقفو اهلها ضدها
كرهت التجمعات وكرهت الناس
انا من النوع الحساس اتاثر بسرعه
حطو انفسكم مكاني ومابي ردود مثاليه جاوبو بالمنطق او ادعو لي بضهر الغيب