سبحان الله وبحمده

الله يعينها عليكم كسرت خاطري انتي اطلعي من الموضوع زوجها يقولها مثل مقالك
اكره ماشوف الرجال مطلع اسرار بيته اين كانت

من وجهة نظري ما غلطتي أبدا واللي يقول المهر تسوي فيه اللي تبي كلامهم مضبوط بس كمان مومعقوله تجي بعد الزواج بشهر تطلب شنطه أولبس عيب وفشله لان توها عروس واشيائها جديده لان المهر للملابس والذهب والشنط وأخوك بعد غلطان مفروض هو بنفسه يقول لها اللي يضايقه والبنات اللي يتشمتون ما أقول الا اللهم لك الحمد على النعمة الدنيا دواره واللي يعيب أحد بشيء مايموت الا هو مبتلى فيه أوأعز أولاده أوبناته

بنات شوفوا الموضووع من جميع الزوااااياااا

اوكى عطاها مهر .. لكن ما يعني انه ما يشتري لها اي شي بخاطرها !!!؟؟؟

هذه اول نقطة وانا قلت لصاحبة الموضوع انها ظلمتها بهذا الشي لما قالت الاخوها لا تشتري لها


نجي لنقطة ان البنت ما تجهزت
طبعاً غلطانة جداً
كيف بنت عروس ما تتجهز وتخبي المهر
لدرجة حتى ما تهتم بنظافتها الشخصية !!!؟؟؟؟

صحيح المهر من حقها وهي تتصرف فيه براحتها وهذا حقها في الاسلام
واذا حبت تتدخر منه مو مشكلة
بس انها ماااا تتجهز بالمرة
جداً قوية

النقطة الثالثة انا اذا اخوي جاء عندي يشتكي من زوجته لي
ما راح اسمع له ،، واقوله ارجوك مشاكلك الشخصية حلها مع زوجتك بينك وبينها ولا تتكلم عن عيوب زوجتك من وراها

بتسموها مثالية سموها بس هذه قناعة
الي ما ارضاه على نفسي ما ارضاه على غيري

انا اذا فيني عيب او تقصير ابي زوجي يقولي هالشي بوجهي حتى وان كنت عروس
اما يقول الاخته او امه
ما ارضاها
اولاً يعتبر اغتابني .. ثانيا اظهر عيوبي للغير وما ستر علي

فيه فرق بين استشاره وشكوى


اخوك يا عزيزتي " معنسة محتاسة " غلطان لما فضفض لك واشتكى

زوجته عنده
يكلمها ويستفسر منها
يقول لها يا بنت الحلال
انا مستعد اشتري بدال الشنطة 10
بس وين مهرك؟؟ ليه ما تجهزتي منه
وليه مهملة شكلك

خليه يصاااارحها ويقوي شخصيته ويخش بعينها

اختي معنسة محتاسة ،، اخوك وتحبيه وتبغين مصلحته
مو مشكلة بس بكره لما تتزوجي ترضين زوجك يتكلم عن عيوبك عند اخته ؟؟!!
ما تفضلي يصارحك بينك وبينه وينبهك اذا كنتي غافلة
وينحل الموضوع بينكم فقط

اعرف انك ما راح تتدخلي مباشرة وتكلمي زوجة اخوك بس عرفتي عنها امور اهي ما ترضى انك تكوني مطلعة عليها الانها من خصوصياتها مع زوجها !!!
مشكلة خاصة بينهم

وضحي هالشي الاخوك ان يلغي حواجز الخجل بينه وبين زوجته
يصارحها وينبهها
اهي غلطانة واخوك غلطان بعد
الانه بدل ما يكلمها راح يتكلم من وراها

الي صار صار وانتهى ولكن المرات القادمة شجعيه يكلمها مباشرة ،، بدون خجل

اي مشكلة بين اخوك وزوجته انصحك نصيحه لوجه الله لا تتدخلي فيها
اخوك رجل كبير وعاقل وبالغ ويعرف الصح من الغلط
وما شاء الله متزوج وفاتح بيت
لازم يحل مشاكله الخاصة والحساسة لوحده
هو تكلم حتى في نظافتها الشخصية !!؟؟؟

قمة الاحراج


اعتذر اذا كررت ردي هنا بس الان موضوعك الثاني
حذف

وارجوا ان تتقبلي وجهة نظري بصدر رحب
والله يوفق اخوك وزوجته بحياتهم

ويوفقك بالزوج الصالح