السلام عليكم..
ابي اشاوركم بشي واذا انا غلطانه انصحوني:44:
انا قبل ثلاث سنين تزوجت واحد عن حب وتحديت اهلي عشانه وابوي ما كان موافق
المهم قلت لهم ابنتحر اذا ما خذيته
تزوجته ومستواه التعليمي والمادي غير عني مره
وربي ان راتبه ما يجي 3 آلاف
عشنا ببيت اجار وضاقت علينا بالديون وقال لي نسكن عند اهله.. رفضت لاني ضحيت بكل شي تصدقون اني انا اللي اصرف علي وعلي البيت حتي جوال انا اللي اسدده .. وانا ماني موظفه .. بس كل جماعتي عارفين وضعنا والكل يعطيني
وربي اذا عرف ان معي فلوس يطقها زعله لما اعطيه .. وربي احس اني ما تزوجت رجال:arb:..
كان حنون وطيب قبل الزواج بس تغير ميه درجه بعده .. بعت كل ماعندي من ذهب .. اساسا يبيعه وما يشاورني .. بالعربي ما يبي يتحمل مسؤليه..انا سكنت عند اهله ومعد صار يبي يجلس معي ابدا .. بس بوقت النوم
ورزقنا ربي بولد عمره سنتين .. وربي حتي بوقت عملية ولده ما حظر اللي يشوفني انا وولدي بالحالي في المستشفي يقول اكيد هذي مطلقه..وانا ما رحمت الا ولدي ..
انا الحين عند اهلي .. صار لي اسبوع .. ادق علي خواته وياخذ السماعه ويسكرها بوجهي قدام اهله.. انا قلت في نفسي لو انه يحبني ما يصبر وكان سوا المستحيل وكافح عشاني .. دوام مايبي يداوم وكل يوم غياب ..
اليوم كله يا نايم او بالاستراحه (جعلها تحترق) مع اصدقاء السوء
يابنات ابوي يقول اجلسي عندنا لما يتعدل..
وانا احس ما فيه فايده
وربي كل ما اروح زواج تخطبني وحده .. واقول لها انا متزوجه..ومن مده كذبت علي وحده خطبتني وقلت لها انا مطلقه وعندي ولد.. وقالت موافقين ..
ودي بفرصه ثانيه .. يمكن الاقي اللي بجد يحبني .. وأأمن علي مستقبلي معه..
والله تعبانه مره ومحتاره.. ساعدوني:44:
يلزم عليك تسجيل الدخول أولًا لكتابة تعليق.
آذكــآر
•
الله يسهل امورك ويشرح صدرك ويحفظ لك ولدك..يــارب ياكريم ..ياقاضي الحاجات..
ان شاء الله البنات يفيدونك..
اللهم صلى على نبينـا محمد
استغفرالله العظيم واتوب إليه
ان شاء الله البنات يفيدونك..
اللهم صلى على نبينـا محمد
استغفرالله العظيم واتوب إليه
الصفحة الأخيرة
وبعدين ماتدرين يمكن تتزوجين واحد ويطلع اخس منه لاتستعجلين