ام سالم 88 @am_salm_88

محررة فضية

اخاف تزعل مني 🤕

بسم الله الرحمن الرحيم
السلام عليكم ورحمة الله وبركاته وبعد
اخواتي في الله كيف حالكم عساكم طيبات وفي أتم الصحه والعافيه 💜
حبيت استيشركم في موضوع.. عندي اخت موظفه وعندها أطفال صغار كانت تخليهم في البيت عند الشغاله عندها.. وهذي العامله تبي تسافر لظروف صحيه وانا تعاطفت معها وقلت لاختي عادي جيبي عيالك عندي واختي قالت خلاص انا بوديهم الحضانه وأموري طيبه وقلت لها على راحتك..
بعد يومين تفاجئت بها وجابت عندي الشغاله والعيال كلهم يجلسون معي إلى أن تطلع من الدوام.. انا من الصدمه ما قدرت اتكلم ورحبت بهم..
المهم طالت المده لا العامله سافرت ولا هيه أخذت لعيال الحضانه..
يمكن هيه حبت توفر على نفسها العناء لكن هيه قبل اعتذرت ليش تحطني في الأمر الواقع..
الحين انا ودي انسحب منها و ماني قادره كيف أخبرها اخاف تقلب على وتقول انت عرضت على قبل..
المهم صار لي على الوضع فتره وشفت نفسي ما اتحمل المسؤليه لاني مريضة سكر وانتم تعرفن مريض السكر في الدم يمر مرات بمزاج سيئ.. وبعد عندي صداع مزمن الله يحفظكم ما يمر يوم أو يومين الا رجعلي والسبب التوتر وقلة النوم..
فكرة اني التحق في دوره مدة شهر بس عشان اعتذر منها اني سجلت في دوره.. وهو بالفعل انا بحاجه لدورة لغه انجليزيه..
ما ادري كيف في احد عنده رأي.. ثاني تسعفني 😅ما ودي اختي تزعل مني..
المشكله انا ممكن اتحمل 4ساعات 5 لكن هيه دوامها 9ساعات يوميا وعلى زحمة الطريق مرات يوصل 10ساعات 🤕

12K

يلزم عليك تسجيل الدخول أولًا لكتابة تعليق.

تسجيل دخول

Eleen2018 • 6 سنوات

انتي الي اقترحتي وعادي خذي لك دوره اكثر من شهر وخليها بنفس الفتره على اساس ماحصلتي وقت غيرها يمكن تعذرك لان لو قلتي شيلي بزورتك مااقدر أتحمل موقفك مو حلو

امل 12345 • 6 سنوات

عزيزتي طالما اطفالها معهم شغالة يعني انت مجرد مشرفة عليهم هي ترضع وتحفض ،، وحتى لو ارتحتي بغرفتك فترة وهم بالصالة مع شغالتهم عادي .. وانت لو راحو بتفقدينهم مالين عليك البيت ... وانت نويتي خير وعرضتي عليها كملي معروفك واحتسبي الاجر ،، وعمل المعروف يقي مصارع السوء ويكون سبب تفريج كربتك لا تضنين اجرك بسبط هذي صلة رحم .. وثقي تماما انها هي تعاني في توصيلهم لك واخذهم من عندك اكثر من معاناتك ،، وبمجرد تلقى حل مارح تتردد

أماني القحطاني • 6 سنوات

ياام سالم دام اختك جايبة العيال مع الشغاله
انا مااشوف فيها شي الشغاله تقوم فيهم وانتي مجرد مشرفة عليها..
انتم خوات ومالكم غير بعض وانتي بس شيكي على الشغاله
لاتحطين ولا تشيلين معها
واذا انها قصدك تضايقك
حطيها بغرفة بعيده عن غرفة نومك..

ام سالم 88 • 6 سنوات

Eleen2018 :

انتي الي اقترحتي وعادي خذي لك دوره اكثر من شهر وخليها بنفس الفتره على اساس ماحصلتي وقت غيرها يمكن تعذرك لان لو قلتي شيلي بزورتك مااقدر أتحمل موقفك مو حلو

انتي الي اقترحتي وعادي خذي لك دوره اكثر من شهر وخليها بنفس الفتره على اساس ماحصلتي وقت غيرها يمكن...

صح انا جبت لنفسي الشقى..
جزاك الله خير اسعدني ردك عزيزتي ❤️

ام سالم 88 • 6 سنوات

امل 12345 :

عزيزتي طالما اطفالها معهم شغالة يعني انت مجرد مشرفة عليهم هي ترضع وتحفض ،، وحتى لو ارتحتي بغرفتك فترة وهم بالصالة مع شغالتهم عادي .. وانت لو راحو بتفقدينهم مالين عليك البيت ... وانت نويتي خير وعرضتي عليها كملي معروفك واحتسبي الاجر ،، وعمل المعروف يقي مصارع السوء ويكون سبب تفريج كربتك لا تضنين اجرك بسبط هذي صلة رحم .. وثقي تماما انها هي تعاني في توصيلهم لك واخذهم من عندك اكثر من معاناتك ،، وبمجرد تلقى حل مارح تتردد

عزيزتي طالما اطفالها معهم شغالة يعني انت مجرد مشرفة عليهم هي ترضع وتحفض ،، وحتى لو...

اكيد كلامك سليم لكن مشكلتي اني اتحمل مسؤليت الأطفال وبذات لما اسمعهم يبكو ما اخليهم مع الشغاله ما اعرف احس بذنب 😕
جزاك الله خير الجزاء ❤️ بحاول اتحمل وربي يفرجها