Aliya2016 @aliya2016

عضوة نشيطة

اخاف زوجي يكرهني

بنات ادري بسمع كلام جارح منكم لكني راضيه ابي احد يردعني
بنات انا عندي زوج كلن يتمنى مثله و مع ذلك مو حامده ربي و ساكته الا اطلع له غلط من تحت الارض
اول شي حنا لنا 4 سنوات و شوي متزوجين لنا وعندنا بيبي واحد
زوجي طول فترة زواجنا عمره ما عَصّب عليي بمعنى عصصصصصب ولا قد مد يده او قلل احترامي باي شي عكسي انا
لطلبت مبلغ عطاني لو يتسلف بس ما يردني اهلي يموت عليهم كل فتره مودي ذبيحه ولا شي اختي الصغيره و اخواني لنجحو اول الهدايا تجيهم من زوجي حتى جدتي و جدي م يخليهم ابوي احتاج مبلغ كبير كان بيتسلف من صديقه زوجي تضايق و واح كلمه ان انا ولدك ليه تاخذ من الغريب
تدرون انا لساني طووووويل وقت اتهاوش معه هو ساكت مو ضعف شخصيه بالعكس شخصيته قويه و كلن يهابه
يوم نخلص و اطنقر يجي يكلمني يقولي م ابي اخسرك و كل بيت له مشاكل و غيره و بس يبي يرضيني و يغير من نفسيتي ع ان لو واحد مكانه عطاني سطار ع كلامي الغلط راكبني من فوقي لتحتي
أمه و ابووووه عسسسسل و أخواته مثل خواتي لو اكتب فضلهم علي من اليوم لبكرا ما اخلص
كل شي كامل عندي بس انا وحده ادور الزله
عادي لطنقرت من الدوره سبوع اقلب عليه
هو يقدر مسكين يبي يطلعني يجيب لي أكله احبها يشيل ولدي عني و انا ابد اطلع له شي لأكل ولدي اتنرفز ليه م يغسل له
اذا بيروشه ليش يناديني افصخه حفاظته ليه يستقرف و اتهاوش معه يعني انا عادي أتحمل القرف وهو لا ليش مو ابوه
و أشياء كثيره ليه م يغسل الصحون عني انا طبخت هو المفروض ينظف طبعا هالشي وقت العطل حقتي
ولا أفكر اني انا اجازه و هو يداوم 12 ساعه عمره م قالي اطبخي الطبخه الفلانيه ابيها اليوم
يجيني بكل لطافه فلأنه ودي هالاكله متى ما فضيتي و حابه تطبخي سويها لنا
هالاشياء و المواقف و انا اكتبها لكم لو نفسي قدامي سطرتها كف بس وقت الحدث ما ادري عقلي وين يروح
و لا تقولون لاني فاضيه لا انا طالبه و عندي بيت و ولد اوقات اقول مو شرط بسبب فراغ تصير هالأشياء يمكن بسبب ضغط مثل حالتي
اوقات اقول لامي و تهاوشني تقول بتخسريه يوم و دايم تقولي ما لقو بالورد عيب قالو يا احمر الخدين
أمانه بنات اردعوني خوفوني قولو لي قصص رجال تركو حريمهم بسبب هالحركات
م ادري وش أسوي وقت المشاكل اشوفه اسوء الخلق و هالشي يخليني لتطاول اكثر يوم نخلص و اقعد أفكر اقول لو يطلقني م ينلام انا م استاهله

14K

يلزم عليك تسجيل الدخول أولًا لكتابة تعليق.

تسجيل دخول

حبيبة بنو • 7 سنوات

انتي تدورين مشاكل من لا شي يعني يكرف برا البيت ويعاملك احسن شي ويقدرك وقت تعبك تبينه فوق ذا يغسل وينفخ ترا الحب مهما كان من طرف الرجل على اسلوبك ذا بيجي يوم وبيدور وحده تقدر معاملته واسلوبه تعوذي من ابليس واجلسي معه قولي يافلان اما وقت الدوره تخرب اخلاقي غصب وكل الحريم كذا ابيك بس ماتتحسس هالفتره وباقي الايام مالك عذر

Nena9999 • 7 سنوات

صدق انك دورين النكد دوارة
لو زوجك وقت العصبيه والشد بالكلام رد عليك بكلمه وحدة تجرح كان اسمحيلي ع الكلمه تأدبتي ولزمتي حدودك وعرفتي قيمة الشخص اللي عندك
بعض الرجال تراهم اذا م ردوا وزايدوا بالكلام ومدوا يدهم مو عشانهم ضعاف او خوفهم من تكبر المشكله لااااا والله هذيلا النوعيه اللي يدق ينقال عنه رجال حليم يمسك نفسه وقت الغضب عقله كبير وواعي ومتزن فردود افعاله وفكلامه
عارف انك يمكن تتعمدي تستفزيه فهوه مكبر عقله ولاقي لك بدال العذر الف
لكن حاولي تعكسين الادوار بينكم ويكون هو النكدي دوار المشاكل سليط اللسان ،،،،،؟؟
علميني كيف بيكون ردك وموقفك؟؟؟؟
احمدي ربك حبيبتي ع النعمه اللي انتي فيها

ام بناتي وبس • 7 سنوات

خسارت زوجك فيك
هاتي اذا ماتبينه 😂😂😂
امزح بس عشان تعرفين ان زوجك مرغوب وكذا
امسكي لسانك
لأيتغير بكرا وتجين هنا تبكين.

ALHANOUF1001 • 7 سنوات

لا لقا له اللي تحتويه وتاخذه منك والله يسحب عليك بنات بليس بكل مكان يترصدون ما يلقى راحته عندك ولا تدلعينه ولا تهتمين فيه ب الكلام والفعل لا لقى اللي تطربه بلسانها الحلو وتاخذه منك عرفتي قيمته لا تخلينه يدور راحته عند غيرك يخونك ولا ياخذ عليك وحده تنسيه وش انتي بحياته انتبهي لا ترفسين النعمه برجولك

قصص من الماضي • 7 سنوات

قَالَ رسول الله ( صلى الله عليه وسلم ) : أُرِيتُ النَّارَ فَرَأَيْتَ أَكْثَرُ أَهْلِهَا النِّسَاءُ ، يَكْفُرْنَ - ، قِيلَ : أَيَكْفُرْنَ بِاللَّهِ ؟ قَالَ : يَكْفُرْنَ الْعَشِيرَ ، وَيَكْفُرْنَ الإحْسَانَ ، لَوْ أَحْسَنْتَ إِلَى إِحْدَاهُنَّ الدَّهْر ، َ ثُمَّ رَأَتْ مِنْكَ شَيْئًا ، قَالَتْ : مَا رَأَيْتُ مِنْكَ خَيْرًا قَطُّ - .

تثقفن بالدِّين ترى الدين ناسينه تلاقي الوحده حافظه كل مواقع التواصل الاجتماعي وسنابات المشاهير وبالدين صفر نسال الله العفو والسلامه
بارك الله فيكن اخوات

Read more: http://www.asttor.com/blog/view/1904/%D8%B4%D8%B1%D8%AD-%D8%AD%D8%AF%D9%8A%D8%AB-%D9%8A%D9%83%D9%81%D8%B1%D9%86-%D8%A7%D9%84%D8%B9%D8%B4%D9%8A%D8%B1#ixzz4fHJiXiMw