اخاف عليهم من الزنا

السلام عليكم ورحمة الله وبركاته
ضاقت بي السبل ولم اجد الا اخواتي بالمنتدى ليحلو مشكلتي او مشكلة عائله مرموقه راح تخرب سمعتها من هالبنات

اخواتي
المشكله تكمن في من ابتدي بالعمات بنات العم او بمن

ساخبركم بجميع التفاصيل وانتم اعطوني الحل
وراح اكتب بالعامي لان الفصيح يخونني احيانا

عمري 22 سنه متزوجه واعيش بالغربه مع زوجي اللي هو ولد عم ابوي والحمد لله مبسوطين والله لايغير علينا
زوجي من نفس عائلتي يعني نعرف كل شي عن العائله
لي اعمام كثير ماشاء الله وكذالك عمات
طبعا انا يكرهوني انا وامي واخواتي كره اعمى وسببه لان امي مو من نفس العائله بس انا اطنش واعمل اللي ربي يقدرني عليه
وفيهم غيره عمياء مني ومن اخواتي لاننا ولله الحمد نتميز بينهم وبناتهم بالعقل والثقل والاخلاق والتدين ولله الحمد ومع كذا الجمال لان جمالنا اخذناه من امي وهم دائما يقولون لاانتم تشبهوننا ومع ان العكس واضح ههه
ماعلينا
ولهم مواقف كثيره معي طبعا كلها شر وتشويه سمعتي عند زوجي قبل لانتزوج اني قويه وملسونه ومااحترم احد ويقنوعنه يتزوج اختهم الصغيره بس كان متمسك فيني يقول لان الحريم الكبار مايجي طاريكم الا وقالو والنعم عز التربيه مع اننا احنا ايتام نكون بنات اخوهم الكبير ومتوفي ابونا من وعمري سنه وكانت امي حامل باختي
ومع كذا مايطيقوننا حتى جدتي الله يهديها
وزوجة اخو زوجي الكبير تكون عمتي بس هذي الله يهديها شرررر هي اللي كانت تمشي وتشوه سمعتي بس الله كان لها بالمرصاد وخاصه كانت تتكلم عني عند اهل زوجي وماخذين مني موقف بس بعد ماتزوجت ولدهم عمي يقول انا اشكر ربي اللي جابك لنا لاني والحمد لله ماشافو مني الا كل خير وهدايا وخالتي حاطتها على راسي مع انها قويه بعد بس مستحملتها عشان زوجي بس هي قلبها ابيض وتخبرني عن سوالف عمتي وتقول والله ماشفنا منك الا كل خير

وعلى فكره انا الان بالغربه ببلد اوروبي عشان الدراسه
وهذا انا كتبت لكم مقدمه عنهم وعن عمايلهم
نجي للمشكله
كلمت امي من امس وكان صوتها حزين مره وسالتها وخبرتني شي انا ماني متوقعته وقلت لازم اسوي اي شي عشان هالمهزله تتوقف

مع كل اللي سووه فيني بس خايفه عليهم

المشكله
عندي عمه عمرها 40 سنه وثانيه 35 سنه وثالثه 30 سنه ورابعه 28 سنه وعمة ابوي وتكون عمة زوجي عمرها 32 سنه وهي القائد الله يهديها وبنت عم لسى ماتزوجت عمرها 23 سنه
عمتي الكبيره متطلقه ومعها 3 اولاد الكبير عمره 16 سنه وكانت عاقله ومتزنه وهي اصلا مديرة مدرسه
اما عمة ابوي فهي خفيفه كثير ومرجوجه مره ومتزوجه بس زوجها خروف وراها ولها اربع عيال الكبير عمره 16 سنه بس اخلاقه زفت الله لايبالانا
اما اللي عمرها 35 تو زوجها تزوج عليها وكانت ملتزمه بالدين ومطوعه بس من تزوج انصدمت وانخفت يعني تليفنونات تضرب ليل نهار وبناطيل قدام الناس وهي من قبل تهاوش البنات الصغار لما تشوفهم يلبسون كذا وعندها كمان اربع اطفال الكبير عمره 12 سنه
اما اللي اصغر كلهم متزوجات
والثالثه عمرها 30 سنه عندها اربع اطفال الكبير 11 سنه واللي عمرها 28 عندها ثلاث اطفال الكبير 7 سنوات
اما بنت عمي غير متزوجه ومخطوبه لولد عمتي اللي تكون خالته عمة ابوي القائده
علما بان حماتي اللي تكون عمتي عاقله وتقول امي انها تلاحقهم وتهاوشهم بس ماعليهم منها

وااعمامي مايدرون عن شي ابد ابد و وماهم عندهم ماعندهم الا الشباب الصغار ومايدرون عن شي والخدم بس الان اهلي مخيمين بالبر وتقول امي ان الوضع رايح فيها بس جوالاتهن طول الوقت تدق وقولي لفلان يعبي لك بطاقه تقول امي اسمعهم لان الخيام مافيها عازل صوت وتقول اسمعهن يقولون بكره نبي نقابل وخرابيط مالها داعي وسوالف استحي اقولها بس انتم اكيد فهمتوها

اما بنت عمي وتراها مو متزوجه هذي قمة في قلة الادب ماعليها من احد عمي الصغير ويكون عمها شافها مره تكلم شباب بالتلفون ومسكها وضربها ضرب سنه بساعه وكسر جوالها وخبر ابوها وموقف ابوها سلبي لانه يطيعها مره وتكذب عليه فقال لاخوه لاتضرب بناتي ومالك شغل فيهن وراحت طلعت جوال باسم السواق وتعلنه تقول عشان مااحد يكشفني
اما امها فهي شبه مهبوله وتخاف من بنتها خوف وماتكلمها ابد وبنتها بس تامر عليها وتنافخ روحي جيبي لي فطور وماادري ايش الله يهديها ولايبالانا
وكمان ازواجهم مايدرون عن شي
وانا اعمامي قطعه شرار لو يدرون والله ليذبحونهم لاني اعرفهم شديدين مره بس هذولا واثقين فيهم لانهم كبار وماانبهبلو واستخفو الا من مده

الان انا محتاره مااقدر اخبر اعمامي لانهم بيجونهم ثايرين ويقولون اني انا اللي خبرتهم وش عاد يفكني منهم

وجدتي مسكينه ماتقدر عليهم لان كل بناتها صارو كذا الا حماتي حرمة اخو زوجي وجدتي تسكت ومامعها دليل

وامي بعد ماتقدر تفتح فمها لانهم مايحبونها وراح يقولون تتبلين على بناتنا

ولي عميين نار حاميه فكرت اتصل فيهم واخبرهم واكون مغيره صوتي وجت على بالي هالفكره وقلت وش رايكم فيها

اما عن زوجي ماخبرته خفت انه يثور ويخبر اعمامي كلهم وبعدين عماتي واهلي يسوون مشاكل معي

لان صار موقف السنه اللي فاتت واتهمت زور الله لايوفقها
بنت عمي اللي كتبت عنها واللي مع عماتي بسوالفهم القذره اتهمتني اني اقول لعمي ابوزوجي انها تقول هذا الرجال دكتاتوري ومتسلط وياريتني اربيه وهي قايله هذا الكلام فعلا واللي موصلته لعمي عمتي وراحت تتصل على عمي لانها ماتستحي ابد وتقوله ليش تكذب عليكم هذي راعية مشاكل ومن هالكلام بس عمي اعجبني قال من قالك انها هي اللي موصلته واصلا انا ماعرفت عن هالسالفه الا منك وطاح وجهها بس بعد ايش بعد مافضحتني عن قرايبنا وانا ماعرفت السالفه الا وانا رايحه للمطار بسافر واجلس ادعي عليها من القهر لانها ظلمتني والحمد لله جتها عقوبه ظلمها ليتيمه وبنت عم
ماعليش طلعت برى الموضوع

وش رايكم بفكرتي اخبر اعمامي واكون مغيره صوتي او اطنش لانهم مايستاهلون بس والله خايفه عليهم
لاتقولون لي كلميهم لانهم بيصدوني ويقلبونها علي اعرفهم