اخاف يجيني وسواس بالنظافه هبلت فيني

السلام عليكم ورحمة الله وبركاته
خالتي ام زوجي هبلت فيني ماتستحي مني ابد
تجيبها بطريقه يابنتي نظفي بيتك كنسي حوشك يابنات انتم عارفين الغبره
والعج وش يسوي بالبيوت مره جتني والبيت مغبر توني مابديت نظافه الأتقول لزوجي
نظفوا اذا مانظفت اللي عندك نظف انت وش ذا اناظره مستغربه يغمزلي بعينه يعني اسكتي ومشيها
ومره قالت اجيب بناتي ينظفون قهرتني والله اني نظيفه واكنس حوشنا اذا غبر
وانظف بيتي بس هي متغيره علي انقطعت فتره ماتدخل بيتي زعلت مره هي وولدها وحلفت وطولت
ودخلته بإحدى المناسبات وصارت تدخل وتنتقد وسوست فيني امشي وانظف انا لاحظتها حتى قلت لزوجي امك كانها مراقبه تمشي وتلفت ومره لقيتها تفتح ابواب الغرف اللي مسكرتها تصوروا وتروح تفتح باب مجلس الرجال وحمامهم الصراحه ضيقت صدري مره ماكانت كذا ابد لي متزوجه تسع سنين ماسوت هالحركات ابد
الحين مدري وشفيها لايكون جاءها وسواس قهري بس على كبر
صرت اسأل خواتي اذاجيتوني بيتي نظيف ولا لا صرت اخاف الناس لايقولون عني وسخه
الصراحه اشتغلت لي كاميرا مراقبه الله يعيني بس
لا واحيانا تجي بلا اتصال تطب علينا طب تبي تطيح على شي بس انا الحمدلله دايما البيت مرتب واطفالي اذا اكلوا شيبس على طول انظف بعدهم والله اني منقهره منها ياناس قهرتني
والله مااكذب عليكم عندها اربع بنات وحوشهم دايم وسخ انا ساكنه بنفس العماره ماينظفونه الا اذا بيجيهم ضيوف وبيتهم ومجلس رجالهم ماينظفونه الا اذا بيجيهم ضيوف تعبت منها
اليوم جتني هي وبنتها يتكلمون الظاهر فيني يوم دخلت الغرفه اسكتوا وامها تغمزلها يعني اسكتي جت وش رايكم وش الحل بمشكلتي هذه حقدت عليها من جد مدري وش تنصحوني فيه