اخاف يكون خطيبي بخيل

السلام عليكم،

بنات انا مملكه من 3 شهور، وخطيبي جاب لي هديه وحده اول مره زارني وبس. لما طلبت منه يمشي لي مصروف مثل ما هو معروف في عيلتي قالي لي لا، بمشي لج بعد العرس، حاولت اقنعه قالي لي لأ بعد العرس ف فوافقت. 

وكان يقول لي لو تبين حاجه قولي لي، ف كلمته اليوم لمحت له انه ما عندي رصيد، وتوقعت بيطرش لي، بس علمني على برنامج في الايفون يصير اشتري منه رصيد!! وما طرش لي. انا الحين زعلانه منه بس ما ابي اقول له انت طرش لي، ما ابي اكون ماديه بس في نفس الوقت خاطري يطرش لي رصيد او يذكرني بشي مثل ما اسمع مع باقي البنات 

هو وايد طيب وخلوق معاي وكلامه معاي حلو

هذا الشي الوحيد اللي انا متضايقه منه والحمدلله على كل حال

بنات شسوي؟ 

وترى هو يشتغل في منصب حلو وقوي، ف مب فقير او ما عنده فلوس، وقريب بيسافر مع ربعه سياحه

جزاها الله الخير اللي تساعدني، ما اعرف شلون احس اللحين.