اخاف يكون زوجي سبب غير مباشر في موتي

السلام عليكم ورحمة الله وبركاته
اضحك وانا كلي هموم يا بنات حواء
متزوجة من سنة وشهرين تقريبا
يعني اعتبر عروس لاني من غير اطفال\
وللاسف زوجي محطكمني مسود عيشتي
ماانكر انه احيانا يكون طيب معي ويمكن انا حساسة
والجيد انه مصلي وصايم ملتزم
لكن فيه طباع لا تحتمل
عصبيته نااااااااااار
مرتين حاول يمد يده علي
يجرحني بالكلام
من اول اسبوع زواج لما اشتكيت من الجماع قالي انتي وحدة مريضة
مع ان كل بنت تشتكي بالبداية شي طبيعي
انتي فيك وفيك
لا يحترمني ويهيني بالكلام دائما
دايئما يقول انتي كنتي بوضع سيء وانا انقذتك منه
يقصد انه من مستوى وانا من مستوى اخر وهذا الكلام صحيح لكنه رضى فيني
الان يعايرني
لا يحترم اهلي واخواني ابدااا ولا مرة جلس معاهم
دائما يتهمني بالغبااااااااااء على اتفه غلطة وكلمة
يحرمني من الخروج الا معه
كل شيء ممنوع ممنوع الى ان اشتكيت من الملل من البيت و وضع لي انترنت
حتى علاج مستشفى مهملني فيه
صارت فيني نزلة معوية وشفت الموت وقام يلعن الساعة الي تزوجني فيها وانا اترجاه يوديني المستشفى
لما رحت المستشفى وجدوا فيني هبوط شديد وضعف وهزال و وضعوا لي مغذي وندم انه اهملني لكن للاسف ىترجع ريما لعادتها القديمة
لا اكل ايام طويلة الا القليل لما يكون بينا زعل
وانا اساسا طبيعتي حساسة اتأثر واحرم نفسي من الاكل اذا زعلت
فما بالكم لو يكون زعل من حبيب
ولا عمره مدح طبخة او شيء سويته او مدح شكلي
لكن عند التقصير ولو كان بسيط يكون جاهز بالذم والشتم
لا يريحني في شغل البيت ويريد كل شيء جاهز حتى ان كنت مريضة
ولا مرة قال انتي تعبانة مثلا لا تسوينن غداء انا اجيبلك من المطعم
والمصيبة اني اعاني من مشاكل بالمبايض تمنعني من الحمل ولا يفكر ولا يهتم
ولا يقول خليني اعرضك على دكتورة تشوف علتك
اجيب اعشاب وعلاجات شعبية من وراه
وامه وخواته يسألوني كل شهر جات الدورة ؟ ماشاءالله تبارك الله بناتهم من اول الاشهر يحملون
وانا مهملني لا علاج ولا اي شيء ىكيف احمل؟
واول الزواج اشتكى اني غير ماهرة اعمال المنزل وفعلا كلامه صحيح وصرت اضحوكة بينهم
مع انه خواته نفس عمري وتزوجوا قبلي وكل واحدة عندها شغالة
لما قلتله خواتك عندهم شغالات قالي هذا مستواهم يعني انهم بنات عز اما انتي اشتغلي
ويستهزئ فيني امامهم ويكرر انه يستطيع ان يطلقني او يتزوج علي وهم يضحكون بكل بساطة
حتى اني صرت ما ازورهم كثير حتى لا يخليني بموقف محرج امامهم
يا بنات ابغي حل لشخصيتي الضعيفة معاه انا اخاف منه كثيرا واترجاه واتنازل كثير لانه دايما يخوفني بالطلاق او الزواج من ثانية
دايما هالكلمتين على لسانه من اتفه مشكلة
وطبعه عنيد ولا مرة اعتذر لي وقال لي اسف حتى لو شفت الندم بعيونه بس كلمة اسف ما ينطق فيها
بالاضافة الى حساسيتي الشديدة احس اني اموت وجسمي صارت فيه امراض وتعب وخمول بسببه
بسبب حبي له وخوفي الشديد منه
حتى ذاكرتي تدهورت من العذاب الي معيشني فيه
بدأت احس اني غبية ومريضة مثل ما يقول لي
والله كنت وردة وذبلت و وزني نقص كثيرا وانا اساسا نحيفة
صار فيني قوقولون عصبي
وجهي صار ذابل عيوني غائرة
اشعر بنغزات في القلب
اتمنى الموت في لحظات كثيرة
لكن اتذكر امي العجوز المسكينة واتماسك اقول حرام اموت وامي تنهار
ارشدوني يا اخواتي
حطمني دمرني الله يحلله

وعلى فكرة يا بنات عشان لا تقولون يمكن كاره شكلك او انتي مقصرة في البيت
الله يشهد انه كان فرحان فيني جداااا ايام الملكة كان يشوفني ويكلمني
وكان يمدح بشكلي ويجيب الهدايا
بعد الزواج بكم يوم تغير نهائيا صار شبيه بالانسان الي كنت اعرفه
والله اني اشتغل في المنزل واضغط على نفسي وان كنت تعبانة منه او مريضة
عشان لا يشوف شيء وسخ
اللهم صبرني