سلام عليكم حبايبي اخبركم كيف تغيرت 360 درجه والله بياض ونعومه وخدود ورديه يلق يلق
حبايبي بخبركم عن تجربتي وجدولي
اول شي حطوو في بالكم انا كنت عايشه في نكد ومعاناة ويهي كل حبوب وبقع وارف تخيلوو ها الانسانه صارت تلق من البياض والنعومه خدودها المليانه حبوب صار خدود ملساء مثل المرايا وورديه والله اني ما ابالغ ادري تعبتكم ياله بخبركم عن جدولي السحري اللي خلاني اتغير
في الليل اغسل ويهي بصابونه سيباميد ممتازه للبشره الدهنيه الحساسه اللي مثلي احط كريم التبيييض اللي بيضني والله بشكل رهيب وشال الحبوب عني
عقب احط زيت الخروع في رموشي او اجحل عيني بمطحون عجوة التمر واحط في شعري زيت رهيب طول شعري شعري كان نص ظهري والحينه وصل تحت الظهر وصار كثيف والله قولو ماشاء الله ؟؟
احط دابر املا االي ريحتة خايسه والله يطول الشعر وينعمه والله صدقوني وايلس اسوي مساج خفيف لفروة الراس عسب يحرك الدوره الدمويه في بصيلات الشعر
ولشفايفي اخذ شريحة ليمون وافرك شفايفي بالخفيف عدة مرات عقب امسحه بالماي البارد صدقوني يخلي شفايفج وردي
يوم اخلص من ويهي ابدا بجسمي احط كريم الجسم لانه ويهي صار ابيض عن جسمي بشكل ملحوظ صرت ااستعمل كريم الجسم اول شيء امسح جسمي باسكينول الليمون عقب استعمل الكريم مال تبييض الجسم واكثر في مناطق الغامقه مثل الركب والاكواع والفخود
يوم اخلص من الجسم اخذ ثوم وافرك فيه اظافري على فكره ترى يقوي الاضافر ويخليه ابيض ناصع صحي ويساعد على نمو الاظافر مفعوله رهيب صدقوني
على فكره انا اكثر من الكريم في اليد الاقدام والبس قفازات في ايدي والبس في ريلي كيس نايلون وجرابات قطينيه فوقه لنتائج سريعه عسب ها المناطق معرضه للشمس فبتالي تلاحضونه ادكن من باقي المناطق
عقب اسير ارقد
ويوم انش الصبح اغسل ويهي بصابونه سيباميد
وافرش اسناني بالمعجون واضيف عليه شويه عسل طبيعي لتبييض الاسنان وانصحكم بين فتره وفتره استخدمو المسواك وايد زين مفيد لتبييض الاسنان وما ننسى الرسول كان يستخدم المسواك واغسل عيوني بماي الورد واحيانا بماي مضاف له شوية ملح
عقب اسير احط في شعري مايونيز عسب ينعم الشعر ويخوز ريحة الدابر الاملا لمده ربع ساعه عقب اسير افرك جسمي بزيت الاطفال عقب ايلس افرك بالليفه المغربيه شو السواد صدقوني عقبها جسمكم بيلق بيلق واتسبح واغسل شعري عقب ما انشف عمري واطلع من الحمام اسير ابخ في ويهي ماي ورد بارد وابخر شعري ة واحط كريم من بودي شوب للجسم ريحته ايخبل
واستعمل كل يومين قناع بياض البيض عسب يشيل الزيوت من ويهي واحط بعد قناع البطاطس واللبن
وفي نهايه الاسبوع اسوي بخار لويهي وقبله افرك ويهي ورقبتي بشريحة بطاطس نيئه ترى ينعش الويه والرقبه ويحرك الدوره الدمويه وايد مفيد للنضاره
وكل اسبوع استخدم مقشر للويه
صدقوني ها اللي خلاني بس اتغير والله العظيم اني الحينه اتريا الجامعه عسب افاجا ربيعاتي بتغيري كل شيء فيني تغير ابيضيت بشكل رهيب واجسمي يلق وويهي نضر صافي ما تشوفون حبه ولا بقعه صدقوني وتعرفون خصوصا البشره الدهنيه الحساسه يباله اهتمام خاص مفروض ما نهمل نفسنا الجمال والاخلاق والنظافه عنوان البنت الاموره الحلوه اللي مثلنا يا عرايسنا