احسها صعبة ماتعلمين ابد على الاقل اذا مرة مصممة اذا ولدتى علمى مو لما تنزلين اجازة والبيبي عمرة 9 شهور مرة قوية ....انا الحمل الاول كنت غربة وعلمت على طول والثانى ماعلمت لانى كنت راح انزل في السابع وماابغى اضيق صدر امى على مع السفر والطيارة فماقلت شي لما وصلت .بس انك تستنى لما الولد يصير 9شهور مرة قوية..

طبعا اول شي لازم تحصنين نفسك واكيد مع التحصين ربي بيحرسك

ثاني لو ماقلتي لأهلك ونزلتي وعمر البيبي 9 شهور بيزعلون وبتكون مفاجئة سخيفه

ثالثا ماراح تصبرين وبتعلمينهم الحريم حريم والله مايقدرون يصبرون على سر

وسلامتك

واااااااااااااو
اما اني بخبي عليهم واجيهم زياره والبيبي عمره 9 شهور :freak6:
احسهم بيطردووني انا وولدي:icon29:
اصبري الى ما تكملين 4 شهور حمل وبشريهم لانهم راح يفرحون ويتابعون حملك وولادتك
حرام تحرمين نفسك وتحرمين امك من هالفرحه
واذا انتي خايفه من العين حصني نفسك وماراح يجيك الى الي ربي كاتبه لك

بالعكس انتي اذا رحتي لهم وعمر البيبي 9 شهور بتصيبك العين والله اعلم بيقولون متى حملت ومتى ولدت وكيف سوت لحالها من النفاس

انا حملت بولدي الثاني وعمر الاول 6شهور واهلنا عيانين بدرجة اولى والله توكلت على الله وخبرتهم كلهم يمكن الديرة كلها درت

والله يتمم حملك

والله رأيي من رأي البنات
والأنثى الحنونة صادقة
بتكون العين أقوى لما ترجعين والولد يحبي وياكل ..!!
أنت متخيله المنظر!؟
كل الناس بتنهبل حتى اللي عندهم 10
ومثل ماقالوا بتكون مفاجأة شينة مرة .. ماتفرح .. تكثر الزعلانين بما فيهم أهلك

والله أعرف وحدة أمها زعلت عليها وقعدت 4 أيام ضغطها مختبص :(
والثانية داخت أم زوجها من الروعة

الدنيا ماتحتاج زود روعات
حتى الفرح بينقلب روعة :44:

حتى حلو الأهل يدرون يعلمونك بخبراتهم في هالموضوع
تفضفضين لهم ويقدرون إحساسك كحامل
يدعووووون لك وهو أهم شيء
والله ولادتي الأولى بالغربة كانت أسهل ولادة لي
الكل يدعي وكلهم راحميني لأني في غربة أهلي وغيرهم
والحمدلله تسهلت

ولا تخافين ماراح تجيك العين إلا إذا ربي كاتبه
والله لا يقدر لك بشر لو فيهم فيهم بيحسدونك
على الأقل في البداية وانت ما تعلقتي فيه مو إذا عرفتيه وتعلقتي فيه يجيه شي ..!! :30:

ولازم تحصنين نفسك وجنينك
واستودعي نفسك وجنينك رب العالمين الذي لا تضيع ودائعه

الله يحفظك ويتمم لك على خير