قومي اخر الليل وادعي ان الله يفرج همك وهم ولدك
تصدقي بنيه انفراج كربتك
استغفري كثيراااا الف الفين ثلاثه ا لالاف مرره

حسبي الله ونعم الوكيل على اللي ظلم هالطفل البرئ
الله يعوضه ويعوض امه كل خير
انتي انسانة ناضجة ومؤمنة مريتي بتجربة قاسية لاتخلينها تكسرج بالعكس خليها تقويج ومن تجربتي اذا تبين تنسين لازم تتناسين وتشغلين نفسج بأي شي وخلي في بالج انه اذا نفسيتج نحسنت وصرتي قوية كل اسرتج بتستمد القوة منج و اولهم ابنج
وتأكدي ان محد مرتاح ياما في البيوت بلاوي بلاوي بلاوي وكلها ابتلاءات عشان الله سبحانه يقربج منه وتوصلين منزلة ماكنتي بتوصلينها بعملج
احمدي الله على البلوة لان وراها خير
كل ماتضايقتي قولي الحمدلله الحمدلله وصلي ركعتين وادعي وكلي امرج لله اللي اكبر مني ومنج ومنه ومن الجميع سبحانه قادر يسلط عليه نملة تذبحه وتوديه في داهية لكن خليه في ضلاله عايش مثل الحيوانات الى مايموت ويشوف عذاب ملك الملوك اللي تكبر عليه وعصاه هالمعصية
على فكرة ربي عطاج نعمة اللي هي ابنج تخيلي اي حرف تعلمينه او سورة او علمتيه الصلاة كانها صدقة جارية ليوم القيامة
ركزي عليه وربيه التربية الصالحة وخليك باره بامك وابوك وعيشي حياتك اهتمي بنفسج وتواصلي مع صديقاتج ولاتشيلين هم

اللهم صلي على رسول الله وعلى آله واصحابه أجمعين

طيب اختي ممكن سؤال .....اللحين انتي ملكتي عليه صح اكيد فيه عقد نكاح
طيب ليش ما وديتي العقد للمستشفى وخلاص يسجلونه باسمه على حسب العقد غصب عنه ؟

وش صار عليك اختي؟؟؟

سبحان الله وبحمده سبحان الله العظيم

الله يكون بعونك اختي ويساعدك على مابتلاك
بس حسب معلوماتي بما انه فيه عقد نكاح اول ماجبتي الولد وبشكل طبيعي
وانتي بالمستشفى يسجلوه باسم ابوه وممكن ابوك هو الي يكمل الاوراق عاادي
انا اخوي كان مسافر وولدت زوجته وسجلوا الولد باسم ابوه وابوها هو الي سوا الاوراق
ماشترطوا وجود الاب المهم وجود عقد النكاح
واذا هو يبي ينكر هو ذاك الوقت يروح المحكمه وينكر النسب ويسوي التحليل انتوا مالكم دخل
بصراحه في نقاط كثيره مو طبيعيه
كيف ناس يمدحونه خوف منه قال يمكن انه يكون مرسل احد يسال عنه
ولا قوته وواسطاته تسقط الاوراق بالمحكمه ليش حنا وين عايشن
والاقوي قيمة الدي ان اي مئه الف مستحيل ومن مصادري الخاصه ومن انسان من اقاربي موثق يشتغل بمستشفى
اكد لك وللباقين انها اقل من كذا بكثييييييييير
فيه حلقه مفقوده بالموضوع يليت توضحينها لنا اذا كان عندك توضيح !!!!!!!!!!

عموما ارجع واقول الله يعينك على مابتلاك