خلاص لاتكملين ماراح احد يتابعك قديمه حركتك

ابوي كان يسال عنه كانوا يقلون انه شخص جيد ومن هالكلام وعلى فكره لما كان ابوي يسال عن الرجال كان يسال عن اشخاص مقربين منه بس هو يملك سلطه عليهم يعنى مستحيل يسبون فيه او يقلون اي صفه مو حلوه)

وابوي ياقلبي عليه كان متردد وخايف يرفضه وانا مررره كنت ابيه كاني مسحوره مااستحي كان ابوي اذا قالي يابنت انتظري لين تتخرجين من الثانوي كنت ارد عليه وااقول لالا يمديني على التخرج بس ذا الرجال مايتفوت كانت امي تستحي مني ومن كلامي ياربي سامحني

وجات الخطوبه .... كنت مستحيه من اقاربي مساكين جايين من الديره متعنين علشاني وحتى حريمهم .وانا كنت مستحيه منهم لانهم مايواجهون ....
تسلفت امي وابوي ماقصر سوينا ملكه وطلعت حلوه
انا دخلت عليه وكاني داخله على ملك او سلطان خايفه مره ..ومستحيييه بس فاجئني بانه جدااااااااااااااا وسيم وهدايا ماكنت احلم فيهاااااواعطى اخواني هم 3 اخواني كل واحد مبلغ وقدره
بس للاسف ماجات الا اختن مع العلم ان عائلته كبيره مره واهله كثير وامه وكانوا مره متكبرييين وجاء من الرجال هو واخوانه 3 وقال الباقي مسافرين
ماكان همي اهله كان همي هو هو اللي بيخليني اشوف العالم واعيش الحياه يوم الملكه كاني مو بالي طاااااااااااااااااايره بالسماء فرحه خلاص ارتبطت بشخص من عائله فلالالان معقول خلالالاص صرت منهم

وربي من يوم وقعت تكبرررت على امي وصديقتي بنت جيرانا كانت مرره فرحانه لي بس كنت انا ماابيها تجلس بجنبي متفشله منهاااا على باليواخواته من كثر مو حاقرين هلي وقريباتي طول الوقت يكلمون بالجوال وعلى فكره وحدهمتزوجه ومطلقه والثانيه صغيره يمكن بالكليه
امي تفشلت عند اقاربي لان هله محد جا منهم الا هالبنتين مافيه حريم كبار .......
وانا ماكان شي هامنى حسيت ان الدنيا مسكتها بيدي خلاص سحبت على قريباتي و صديقتي تنكرت لامي
كنت اتافف على كل شي تقوله وكنت اقول الله يصبرني لين اتزوج
عطانى جوال....وكان يكلمني يوميا وكان عمري 17 سنه وهو 34
كنت احس اني بحلم وكل كلامه ووعود بالسفرات واغراني بالهدايا بشكل فضيييع كان كل اسبوع يرسل هدايا واغراض كثيره
حبيته شي فوق امنيتي جاء لعندي ماكنت اسمح لامي تنصحني اذا شافتني اطول بمكالماتي كانت تقول اثقلي والا ذاكري كننت اتافف منها واسكر باب غرفتي
وابوي حبيبي كان يستانس لاني مستانسه
من ثاني اسبوع بدا يزورني خطبي كان يطلبني يلمس صدري والا اي شي كنت ارفض لاني مستحيه مرره وشوي عصب وطلع
من البيت بغيت اموت من الهم
جلست اتصل عليه يقفل بوجهي حسيت انه بالغ شوي برده فعله
وكانت امي تقول اسئليه متى موعد الزواج وكل مااسئله يقول ان شاء الله قريب
كنت اسكت اهم شي ماازعله
المهم هو عنده فيلا بحي بعيد عن بيتنا وبداء يثاثث فيه..وكان وقت الحج

وطلبوا ابوي يروح مكه مع الحجاج
وبهالفتره كان يعرف ان ابوي بمهمه عمل بمكه مع الحجاج

قالي ابي اخذرايك باثاث الفيلا
قمت قلت بسال امي قال وشوله تسئلينها انا زوجك ولي امرك الحين واللي يسمعك يقول بقتلك والا
رحت لامي وقلت قالت لي بكل حنيه خايفه لااعصب عليها فديت روحها قالت لي قوليله بعد العيد باجي انا وامي بيجيبنا ابوي نشوف الفيلا
كنت اخاف منه بس ماكنت اشتكي لاحد كان يعصب على لو ارفض اي شي عصبي بشكل ولايراعي مشاعري
فيه نقطه ماكنت منتبه لها كان يبي يكسب اخواني المراهقين بجميع الاشكال سواء بالهدايا او الكلام
المهم كلمته وقلت له مااقدر اروح معك لين يجي ابوي من الحج ...قام وزعل وقالي جيبي اخوك فلان اخوي كان باول ثانوي قلت مااقدر قال اليوم بمرك واخذك انتىواخوك
كلمت ابوي وقلت له قال خذي اخوانك معك لاتروحين لحالك ....بنات كنت زي المسحوره مايهمني كلام اهلي ابدااا
على فكره كنت رومنسيييه مره وماافكر بامور بتحصلي من اللي بالي بالك......
اتصل وقال بمرك الساعه 11 بالليل امي رفضت بشده وانا مو حاسبه حساب لكلامها
بس ابوي قلق مرره وصار يتصل وياكد لامي يروحون اخوانى معي لااروح بلحالي
انا كان تفكيري غبي كنت اضن لو ارفض بيحسب اني(( قرويه ))لان نظرتي كانت للبنات الاغنيا انهم فري عندهم كل شي
جات الساعه 11 وانا تجهزت ولبست واخواني بعد وكنت مطمنه مو خايفه ابدااا
وهو ماكان متذمر ان اخواني معي استغربت مرره انه عادي ماعلق على موضوع اخواني
ركبت السياره وانا طايره من الفرررحه اول مره اجرب هالشعور اركب قدام مع حبيبي ا لوسيم
وقفنا عند باب الفيلا اللي بسكنها واااه خياليه تجننننننننن
ونزلنا وكنت منبه اخواني لايناظرون بالفيلا كثير علشان مايحسب انا قراوه

دخلنا وكان يقول تعالي يا ساره تشوفين غرفه النوم..رحت معه واخواني كانوا بالصاله قلت يالله تجنن قال ودي نسوي بروفه قبل الزواج ....ضحكت كنت اضنه يمزح .... المهم اختى للحظات راح لاخواني ورجع لي قال جد عجبتك الفيلا قلت ايه تهبل ....بس بوقتها ضاااق صدري مررره مدري ليه ولاصارحته

قالي تكفين خليني اشوف صدرك قلت مستحيل

وصار يترجاني قلت اسكت لاحد يدخل من اخوانى وانت تتكلم كذاااا

قال اخوانك طلعوا من البيت؛؛؛((الحقيييير اعطى اخوانى مفتاح سيارته طبعامراهقين وماصدقوا وطلب منهم يجيبون عشاء من مطعم بعيييد عن الفيلااا وطلبات كثيره علشان يتاخرون)) وعلى فكره اخوي مبتدا بالسواقه مايعرف يسوق كثير
المهم بعد الحاح منه تجراء ومدري كيف اقنعني ان اعطيه اللي يبيه كانه حلم

كنت خااايفه مرره وكان جاف معيويدفني اغتصبني باختصااار

ويوم شافني ابكييي وخايفه لانه كان مؤلم مررره وطووول معي بالممارسه وربي كانه اغمى علي

وصار يهدي فيني يقول شرعا مافيها شي ويقول الزواج ان شاء الله بعد العيدانتى لاتخافين ومن هالكلام

طمنني مررره وحلفني على القران مااقول لاحد قلت اصلا مااقدر اقول

تعبت بنات بكمل بعد شوي



رجعوا اخواني على الساعه1ونص وتعشوا
كنت اناظر اخواني وهم مستانسين يضحكون وهو معهم ..وكنت اناظر جوالي واشوف اتصالات امي يمكن 7 اتصالات
ورسايل تقول ارجعوا تاخرتي وانا كنت في عالم من الخوف والالم حسيت بكره له حسيته كبير ومو محترم ومايرحم وربي مارحمني
رجعنا البيت واميحبيبتي واقفه عند الباب اللي بالحوش خااايفه علينا
دخلت ودخلت الحمام وانزف دممممم والم مو طبيعي احس اكاني تجرحت بسكييين
واغسل واتروش
والبس فوطه وماقدرت اقابل امي وهي نامت وانا ابكييييييي وربي مااتصل فيني ولاقال كيفك ولاحتى ارسل مسج يطمن على
اليوم الثاني شافتني امي متنفخه عيوني قالت وشفيك قلت الدوره ذبحتني
كنت محتاجه امي تضمنى والا احد يواسيني
رحت غرفته امي لقيت جوالها
فتشت بالرسايل لقيت ابوي مرسل ((حاولي بساره ماتروح مع.....الا اذا جيت من الحج )) ابتسمت
وقلت بالي واصبر نفسي ماسويت شي خطاء هوزوجي وبداخلي مو مقتنععععه ابدا بس هو سممم افكاري بكلامه
اتصل على قال شرايك باللي سويناه البارح
قلت مو حلووو تعبت وتالمت بغيت اموت
قال لازم تتعودين لان جسمك ابن كل..... يقصد حلو بس الفاظه وسسخه ....وبعدين سالني سؤالي الحقير قالي انتي كذا ماتشيلين الشعر من المنطقه الحساسه .انا ارتكبت
((كنت بقوله انا اشيله بس موكل اسبوع من الشهر للشهر لاني بنت))بنت بريئه ماهمنى الجنس قدر ماهمنى العالم المجهول الللي رسمته بالي
لو كان عندى شك واحد بالمليون بحقارتك وانت بتسوي فيني شي كان شلته بس وربي كنت على نياااتي
ودايما يردد بكلامه انتى اول وحده اعرفها تسوي كذا او تقول كذا كنت اظنه يقصد خواته
كل يوم يكلمني ويغرر فيني استغل غياب ابوي حسبي الله عليييه

رجع ابوي بعد العيد
وكان مسمر فديته ومستانس انه شافنا ويسالني ويمزح معي
اتصلت بخطيبي وقلت له ابشرك ابوي وصل كلمه بخصوص الزواج
قال مااقدر لان عندي دوره في امريكا خاصه للضباط ومدري ايش كلام كثير
قلت فرصه علشان اروح معاك...عجل بالزواج لاني بجد خايفه
قال مااقدر الحين بشهر 2 نتزوج قلت اكيد قال لا بس جلس يماطل
وكل مايجينا يطلبني طلبات وسخه وغريييبه ....
ماكان عندي ثقافه كافيه عن هالاشياء والاشياء الطبيعيه والاشياء الشاذه
سافر وراح امريكا
طبعا مالنا علاقه بهله ابداااااا
كانت امي تقول عيدتي على امه اقول لاء واذا طلبته يقولي مو لازم
مر شهرين ماجاتنى الدوره ولاكنت احسب جاتني ولاماجاتني عاادي عندي بس بالشهر الاخير طحت بالفصل واتصلوا بابوي
وقالوا بنتك تعبت خذاني ابوي من المدرسه قال ابوي وش فيك قلت يبه فيني شي غريب راسي مرره يعورني
لازم يبه اروح المستشفى قال ابوي اعطيك بندول وان شاء الله كل شي تمام الحيت على ابوي بطريقه عجيبه اروح مستوصف
رحتوقالوا يمكن فقر دم والا لازم تحليل
وطلعت حااامل
كسرت ظهر ابوي لا وبشهرين سبحان الله من مره وحده احملللل
راح يكلم امي ويقول شلون ومن هالكلام وامي جاتني منهاره وزعلالالانه وتقول الحين كلميه يتزوجك
قلت هو مسافر
قالت طيب يحدد الموعد
هو كان يكلمنى وانا دايما اقوله متى الزواج وكان يسكتنى يقولوا لاتخافين بتزوجك وتشبعين من ال,,,,, كان كلامه وسخ وسخ وسخ
طبعا اتصل عليه ابوي
قال يافلان الوضع كذا وكذا وكذا ونبيك تعجل بالزواج لان الموضوع مره كبر...قال ماراح اقطع دورتي علشان اتزوج
دورته 4 شهور
يعنى يمديني انفضح عند الناس بببطني
واسمع ابوي يكلمه وهو يرتجف
ماتحملت الموقف دخلت الغرفه قمت اصيح واضرب وجهي لاني خطيبي بدا يغلط ويقل ادبه ويسوي ثقل واخاف يجرح ابوي
وامي مثل المجنونه وربي ماصارت تنام ..لعبت فيها الهواجيس
حسيت انى حملت بالحرام
حسبي الله عليه
من يومها ماقدرت احط عيني بعين ابوي
يتصل بي الحقير من امريكا يقولي ترا ابوك ازعجني قوليله لاعاد يتصل
ابوي ياقلبي عليه هاوشني اول مره مره ومالومه بس بالاخير علشانه شافني ا بكي
قال اهم شي موحرام بس انا خايف يعايركاذا تزوجتي بموقفك معه
وانا ادري السكاكين اللي تنغرس بقلب ابوي
مرت الشهور وهو يحرق اعصابنا انا وابوي مايردعلى مكالماتنا وحنا مدارينه علشان مايزعل ويغير رائيه رجع
من امريكا واناماكملت دراستي ولاطلعت لاحد
كبر بطني شوي نحفت بشكل خيالي
قلت له يلا تعال مانبي عرس وخرابيط على طول عشاء واروح معك
قام يقل ادبه بحياااتي ماشفت انسان مجرد من الانسانيه والحنان زيه بايع الدنيا ويشوف الناس صغااار
ابوي شاب ب5 شهور ونحف امي تغيرت طول الوقت تفكر
بالاخير ابوي واجهه وراح عنده وقاله
تعال تزوجها وتكلم عليه ابوي قال عناد فيك ماراح اتزوجهاويمكن مهوب منى الحمل<<<<<<يمكن تحسبوني ابالغ بهالكلام
وربي واللي خلقني انه قال لابوي هالكلام قذفني وذل ابوي الله حسيبه
ابوي هدا الوضع وقال اهلك اهل دين وعلم وسمعه وتجي انت تسوي شي مايسونه قليلين الاصل
قام تهاوش مع ابوي وقال لاترقع تبي تتبلى فيني والللي بطنها مو مني وطرد ابوي

والحقير الله لايوفقه يارب ارني فيه عجائب قدرتك
راح ابوي لاخوه وشرح له الوضع قال اخوه0هو احيانا يتعب نفسيا ومريض المهم ماطلعمع ابوي بكلام مفيد .........
ابوي جانا مكسوروتعبان وقالنا انه رافض الزواج انا اسمع الكلام من باب غرفتي هو يقول لامي
قمت اضرب بطنى واصيييح واضحك واقول معقوله يصيرلي كذااااااااااااااااا معقووول اعيش بفلم بطله معقد نفسي
كان عندي رقم اخته اتصلت عليهاااا كلمتها قالت لي بصراحه مالك حق تسلمين نفسك كان صبرتي للزواج وتضحك يااااه ياقلبيييييي
شوي واكمل


ابوي سلم امره لله بس وامي صابره وشايله هم
وابوي قال بكلم الشيخ قبيلتهم اذا ماحد عبرنا من هله
راح عند الشيخ ومالقاه ابوي لقى ولده
ولده كبير وشخص فاهم وعاقل
ابوي حكى السالفه للولد قال الولد
هالشخص مطلق خالعته بنت عمه وعنده 4 اطفااااااااااااال
وهو انسان لعاااب محد يزوجه من قبيلتنا لانه كذا مره يملك ويطلق
ومعه بنت من وحده سوريه
وهو انسان مريض يلعب ببنات الناااس وخصوصا البسطاء
قال ابوي طيب الحين يسوي الزواج وبعدين بكيفه يطلقها والا يخليها لانه خدعنااااا
ابوي انصدم صدمه عمره
وراح عند اللي سالهم عنه ومدحوه وقال ان شاء الله بذمتكم تعرفون انه انسان
واطي وتمدحونه قالوا كنا خايفين انه مرسلك علينا والا احنا عارفينه انه انسان واطي
عقب وشووو عرفنا انه واطي عرفنا مصااااااااايبه كل ماتذكرته تجيني حاله هستيريه غريبه
دخل ابوي وهدانى وقال لاعاد تكلمينه
والعلم تطور ونجرجره بالمحاكم ونثبت ان الولد ولده ب ابوي سلم امره لله بس وامي صابره وشايله هم


راحوا امي وابوي الديره وقالوا للناس والجيران انه تزوجنا بس كان عائلي وواحدمنهم مات واظطروينا نحطه زواج بسيط
بان الحمل علي ومريت بمراحل الحمل ونفسيتي تحت التراااااااااااااااااااااااااااااااااااب
ماانامواذانمت تحلمت به واذا صحيت فكت فيه عيشني بحاله حسبي الله عليه وربي ابكي دمر عاااائله كامله حطمنااااااااااااااااااااااااا
ضيعت سنه البنات بعمر 17 مايعرفون الهم وانا عشت اكبررررررررررررررر هم ممكن تعيشه البنت
احس اللي صارلي قوي مررره كانه فلم كان خطيبي شخص شيطاني مافكر فيني وكذب اللي مرره علينا وعلى ابوي واقاااربي
حسبي الله على اختتتته اللهيردها بوجهها تخطبني وتقول يابختك شاب ماقدتزوج وهو مابقى وحده الا دمرهااااا
ابوي يقول اذاولدتى بنسوي فحص الدي ان اي وبننسبه الى ابوه غصب
ابوي واثق فيني وبرائتي ..... امي كرهتني سببتلها احراج غير طبيعي
وجاء اليوم المنتظررررر
ولدت اااه ياقلبي
جبت ولد نسخخخخه ابوه سبحان الله ربي يبي يبين له ولاهله انه ولده

وربي الم الولاده ولاشي مع المي النفسي
كل اللي معي ولدي معهم ازواجهم

كرهته اول ماشفته علشان يشبه لابوه
بس كان يبتسم لي تسالني الممرضه وين ابوه كنت اشر على ابوي وتعذب ابوي لين سوينا الاجرائات كلها وطلعنا
اخوانى فرحوا بالبيبي الصغير مرره
حتى ابوي وامي حبوووه
انا خلاص ماقدر احبه وربي مااقدر ماعندي قلب
راحت امي تعزم جاراتنا وقالت اناتزوجت بس هو مريض نفسي وابي اتطلق يعنى تداركنا الموضوع مع ان فيه حريم يدققون بالموضوع
اما انا بعد الولاده على طول رحت دكتور نفسي وربي 5 ادويه باليوم اخذها
انام بحبه واصحى بحبه
ابوي راح لخطيبي وقال جاك ولد تعال سوى الاجرائات
قال مهوب ولدي
وطبعن تحليل الدي ان ايه ( DNA )
بيبين بس طلع سعره غالي مرره
وراح ابوي يرفع اوراق لوزاره ومامشت الاوراق ووصلنا خبر ان عنده واسطه بالوزاره تسقط اوراقنا


بنات بصير اكمل هناااا
لاحسااااس بالظلم والمذله اقوى من انو يتحمله امي وابوي
ابوي ...شخص اجتماعي محبوب جدااا من الناس خصوصا اهله يشوفون ان ابوي شخص عظيم
امي..انسانه ملتزمه اجتماعيه راعيه واجب دائما تقف مع جاراتنا باي مناسبه
بعد حادثتي تغيروا
صار ابوي رده فعل غريبه..صار منطوي جدااااااااا يقضى الوقت كله مع ولدي ياخذه بالسياره ويروح
حي اهل خطيبي يدور بالسياره علشان يشوفونه وهم ماهمهم
بس ابوي يعتبره انتصار .....
امي حبيبتي صارت حساسه مررره مثلا تجي عندنا وحده من الحريم وتسولف سالفه عاديه وتتكلم عن بنات الحرام
وكذا تجي امي وتقول اخاف انهم يقصدونا
واصير اقول لامي يمه اللي يسمعك يقول اني ارتكبت شي حرام ...وداخلي طعنات وانا اشوفها تشك باقرب صديقاتها اللي تحبهم
تعبت تعبت وانا اشوف ردود فعل امي وابوي

صار بشعر امي دواير فراغات بشعرها ثعلبه من الحاله النفسيه لان امي وابوي طيبين مره وانظلموااااا
احساسهم واحساسي بالظلم هو اللي قهرناااااا
لاتقولون روحوا وسوا راح ابوي لكذا امير وللحين ماصار شي عمر ولدي 4 سنوات للحين ماطلعنا له اوراق رسميه ولاشي

الشخص اهله واصلين وظالمين
تخيلوا ابوي راح لاخوخطيبي الكبير ومعه ولدي وكان عمر ولدي سنه ونص
وشافه عمه وسلم عليه وقال ابوي نبي بس اوراق رسميه يسويها ابوه ولانبي لافلوس ولاشي
قال اخوه انا من فتره ماعاد شفته ولااعرف اخباره وانتوا روحوا المحكمه وخذوا حقكم منه
والمحكمه تقول لازم اول شي يكون عندكم تحليل الدي ان ايه اكثر من ميه الف...
اااه يالقهرررررر
بس ولدي

محبوب من اهلي بشكل غير طبيعي

عمري ماشفت ابوي يحب اخواني زي ماحب ولدي
ابوي خايف انه بعد مايثبت النسب ياخذون الولد وهو يموت بابوي وابوي بعد يحبه

صديقه عمري اللي كنت استحي منها بملكتي المشؤمه... صارت ممرضه وتعرف سالفتي ماقصرت معي بشي

اكثر ناس وقفوامعي وساندوني كل الناس اللي كنت استحي منهم بملكتي
استغفر الله حبوبي النفسيه جعلتني متبلده الاحساس كل شي عادي عندي
لو يطيح ولدي قدامي طيحه قويه ماياثر فيني عااادي برود غير طبيعي
قررت ان ماعاد استخدمها بس ماقدرت حسبي الله ونعم الوكيل الاعراض الانسحابيه اللي رافقتني محد يقدر يتخيلها
وربي جلست اسبوع من دونها بعد 3 سنوات من حادثتي يعنى مرت سنين يوم فكيت الحبوب كاني مجنونه
صرت افكر كيف قهرني وظلمني وذل ابوي ومرمطنا
صرت ابكي واصارخ واحسب ريحه عطره بالبيت رحت الدكتور وعطاني جرعات اقل صرت اخذ حبتين باليوم نحفت شوي
وماعاد ابي ازيد هلي كثر اللي صارلهم
بسالفه اثرت فيني امي كانت تكلم خالتي وقالت خالتي بنتي جابت ولد وعندها 3 اولاد غيره وكانت بنتها تتمنى انها تخلف بنت
قالت امي وش تبون بالبنات مايجبون الا وجع الراس والمصايب .........مالومك يمه بس وربي ماكنت اظن بيصير ذا كله ماكان ودي قالتهاااااااا
فعلا لو كنت ولد مابيلحقنى ولابيلحق هلي شي
ولدي فيه اكزيما برجوله وكل فتره تنتشر واظطريت اروح مستشفى وانا بغرفه الانتظار
فيه بنت اصغر منه بس تلعب معه وام البنت تناديها (لانا) وتنادي ولدي وتسلم عليه وتعطيه شوكليت
وكان بالبنت بخدودها اكزيما ....... دخلت عند الدكتور وشاف ولدي قال اللي فيه احتمال كبير وراثه قلت انا مدري قال ابوه فيه حسيت باختنق قلت مدري
المهم وهي يكشف على الولد كان على الطاوله ملف مريضه اسمها( لانا )فلان فلان الفلان اللي يصير اخو زوجي يعنى البنت اللي كانت تلعب مع ولدي
هي بنت عمه ..؟؟؟
صرت ارتجف خفت مرره مدري ليه..؟؟

بنات على فكره اكثر شي خلاني اوصل لهالمرحله للاسف بقولها هو قله الوعي الديني والايمان
كنت اقول ليه ربي يسويلي كذا وانا واهلي طيبين .....كنت اقول ليه مايصير لفلانه وفلانه ابوهم مدمن وامهم صايعه
وزادتني الحبوب بعد عن الدين لاني كنت متبلده الاحساس
بس هالفتره قربت من الله وصرت التلذذ بالصلاه
صرت احب ولدي واستمتع باللعب معه
واحس ان الله اختارني لايخفف ذنوبي
استمتعت بحياتي يوم دخل الايمان بقلبي
ومن اركان الايمان القضاء بالقدر خيره وشره
ودي اكمل دراستي احس مافيني جرئه قلل ثقتي بنفسي بس ان شاء الله اجتاز هالمرحله خصوصا لما اشوف اللي بسني تخرجوا
بنات صار توصلنا اخبار عنه انه مبسوط وترقى بعمله صار منصبه قوي جدا بس الله يمهل ولايهمل
اعذروني على صراحتي وجرئتي بعض الكلام بس حبيت تشوفون الوضع كامل
هالفتره ماتقدملي ولاشخص ومومتحمسه لفكره الزواج
الحمد الله على كل حال

احنا خايفين من المستقبل بس املي بالله كبير ويعوضني بالايام اللي راحت

يؤيؤيؤ الله حسبي الله ونعم الوكيل

كملي ياقلبي متااابعه ............

الله يفرج عنك
كملي

حسبي الله ونععععععععععم الوكيل قسم بالله مت قهررررررر
يحسبووووووون بنات الناس لعبه عندهم