وين يروح الظالم من يد رب المظلوم..
صدقيني حقك بتاخذينه...وعينه تشوف
والله يفرج..عليك..
وهذا تنبيه للبنات ماتثق في الرجال ولا تطلع معه لاباخوها ولا ابابوها ولا بامها لانه باي طريقه بيصرفهم ويكيدهم
مهما كان لاتثق...الله يرحم والدينا...مالومهم لحذروا عارفين الشيطان مامات...
والله معك..

لاحول ولاقوة الا با الله انسان حقيررررررررر الله ينصرك عاجلا غير اجل وتشوفينه جاي يطلب السماح منك وهو منذل
ااااااااة احس اني مقهورة منه بس الله يصبرك ياقلبي

الله ينصرك وينصر ولدك

الله ينصرك وينصر ولدك

الله ينصرك وينصر ولدك

الله يعوضك ويفرج همك حياتي سؤال لو رجع ندمان وتغير وحلف أنه تعالج من مرضه النفسي وقال لك خلينا نرجع ونربي ولدنا ونعيش حياتنا وعوضك عن الي فات كله وسااااااامحيني هل تسامحينه او هل ترجعين له ؟؟؟؟؟؟؟؟؟؟وفقك الله

ساره ياحبيبتي الانسان بتفكيره وشخصيتة ممكن يكون اسعد الناس ولو كانت حياته كلها مصايب وممكن يكون اتعس الناس ولو كان عايش عيشة ملوك ، انا والله العظيم اني اشوف انك سويتي حياتك مأساة وهي اهون مما تتخيلين اولا : الحمد لله انك من الاساس ما عشتي معاه في بيت واحد والا كان انواع الامراض النفسية بيجيبها لك هذا غير اهلة اللي بينافخون عليك ويمكن تلاقين انت واهلك الاهانة منهم خاصة حسب كلامك انهم في الملكه مو شايفينكم شئ ولك ان تتخيلين هذا السيناريو حتى تعرفين كم الله رحيم بك .
الحمد لله انه مو مصاب بمرض معدي مثل الايدز و نقله لك كان صارت حياتك فعلا دمار.
الحمد لله ان المولود ولد لان البنت لها خصوصيتها اذا كبرت وجاء وقت زواجها ، هذا غير انك بتكونين عايشه على اعصابك انت واهلك لا يصحى المحروس فجأة ويعترف بالبنت وياخذها :o
الحمد لله ان الله رزقك ولد سليم متعافي لا اعاقة ولا تشوه ،ترى الدنيا مليانه ناس يتمنون ولد ولاهم محصلين.
الحمد لله انك بصحتك و عافيتك واهلك كذلك ماصار لهم شي بعد اللي صار.
الحمد لله ان الله ستر عليك واهلك ما شاء الله عليهم عرفوا يلمون الموضوع عند اهلكم وجماعتكم.
الحمد لله انك من الاساس حملت بالحلال وابنك حلال،الدنيا مليانة بنات مبتليات بالحمل الحرام .
الحمد لله ان اهلك مصدقينك ومو شاكين في نسب الولد
الحمد لله على كل نعمة اللي نعرفها او اللي لقصور عقولنا نجهلها .
اهم شي الحين توكلي على الله و استعيني به وبطلي الادويه النفسية بسرررررررررررررررررررررررررررررعة وحاولوا تعجلون باوراق اثبات النسب عشان ولدك ما يتأخر علي المدرسة وان شاء انها ما تتأخر البلد فيه نظام والسالفة مو سايبة( اهم شئ انتو لازم تتخلصون من عقدة ان عندهم واسطة ).
وانتي عيشي حياتك توك صغييييييييييييييييييييييييييييييييييييييييييييرة واللي كبرك ما بعد تزوجوا من الاساس بري اهلك وعوضيهم عن اللي فات لا تنسين وقفتكم معك وحبهم لك ولابنك ، ايضا ارجعي للدراسة ولا تضيعين مستقبلك
،كوني لك صحبه صالحه والله انه من اعظم متع الدنيا ،اقرأي كتب مفيدة تفتح لك افاق واسعة ماهي على بالك ،اخيرا وقبل هذا كله قوي صلتك بالله وداومي علي ذكره وعليك بالاستغفار.