اختاريي عبارة توجهينها.. لبنت تسوي هالحركة الغريبة!!..

بنت دخلت السن الخطرة بدون زواج ..تعدت الـ25 ..

يمكن ماتملك كثير من مؤهلات الزواج ..لكنها تتمناه

عملت الحركة التالية :

اشترت لها صندوق متوسط الحجم ..

واحتفظت به في مكان خاص بغرفتها ..

وصارت كل ماطلعت السوق ..وعجبها شي ..

من ملابس داخلية حلللللللوة ..أو ملابس قصيرة ماتقدر تلبسها قدام أي حد ..أو شغلة حلوة أعجبتها وحبت تلبسها في مناسبة خاصة جدا ومو قدام أي حد

كل ماشافت شي عجبها من الأشياء السابقة

اشترته ..واحتفظت به في صندوقها الخاص وسمت الصندوق (صندوق الأمل) :27:

وكل ماحطت فيه شغلة جديدة

دعت من كل قلبها

يارب يارحمن اكرمني أستخدم هذي الأشياء وألبسها عروس وقدام زوجي ..:icon28:

وما أهملت الدعاء ..

إيش ريكم في هالحركة ..

وإيش بتقولون عن هالبنت ..

عطوني رايكم واختاروا عبارة من اللي تحت ..

1- لاتطالعين فوق ..ترى تطيحين وتنكسر رقبتج !!

2- الله يعطيها على نيتها ..

3-يارب لاتخيب رجاها ..

4- لاتستعجل كل شي في وقته حلو ..

5- مسكينة ..تكسر الخاطر ..

6- كل شي بوقته حلو ..ليش العجلة ..

7- ماعندها سالفة ..

8- حركة تضحك الصراحة ..

9- إيش هالهبل ..

10 - إن غدا لناظره قريب ..

11- تفاءلوا بالخير تجدوه ..

12 - حركة عجيبة ..وتفكير عملي ..

13- شاطرة ..

14- غبية ..ومتسرعة ..

15 - الله يعطيها على نيتها ..

(على فكرة في بنت سوت هالحركة ..وتزوجت ألحين الله يهنيها)