اختاري .. وظيفة أو ربة منزل ؟

عن نفسي توظفت وأحطهم في حضانات نفس المدرسة اللي انا فيها وكل شوي اطل عليهم اطمن ومشيت الأمور الين كبروا

عني أحس مافيه زي الوظيفه حلوه وعز اذا عيالك قليل وامورك تمام حلو ليش لا أوقات اقول يالله صعبه الدراسه مع العيال بعدين اجلس افكر في معلماتي الله يذكرهم بالخير اقول يداومون ووراهم عيال وزوج ومسؤوليات وبعضهم حوامل وروحهم حلوه ومرحه ماقالوا لا والله راح نجلس بالبيت معناته ان المرأة قادره تسيطر على وضعها بفضل الله صحيح ماحد ينكر حياة الموظفه مزحومه أكثر من الفاضيه بس أقول حلوه لأن لكل شيء إيجابيات وسلبيات..
وامنيتي اكمل دراستي السنه الجايه بأذن الله واتوظف😍 الشي اللي يخوفني الشغاله بالبيت أكثر من الحضانه لأن ولله الحمد فيه حضانات معروفه وكويسه وعاملات سعوديات دخلت مركز حضانه كانت كلها كميرات مراقبه والمديره تتابعهم حلو مره ماشاء الله..

ع حسب اذا زوجك يصرف عليك ويكب عليك ومايقصر ريحي ببيتك وانبسطي واهامي بحياتك وجسمك وتزيني وتدلعي وتفرجي افلام ومارسي رياضه وهواياتك واطبخي وتقربي لله
اذا تشوفين زوجك مقصر او ظروفه تعبانه او انتي فاضيه وماتدرين وش تسوين وماعندك هوايات او شغله فما لك الا الوظيفه توظفي وغيري جو

اذا مو محتاجه اكيد ربة منزل وعيالي والله انهم اهم شي عندي بالدنيا.. الروتين والملل جاي جاي سواء للموظفه او ربة المنزل الكل يحتاج فتره يكسر فيها روتينه مهما كان الموظفه تتعب تحتاج لايام راحه و تكون مع عيالها وربة المنزل تحتاج ايام تغير جو فيها...

وجهة نظري الوظيفه لفئتين في المجتمع المحتاجة وان كانت ام .. واللي ماوراها مسؤلية اطفال تربيهم وان لم تكن محتاجه بس علشان تشغل وقتها بشي مفيد..

كلامكم عالعين والراس.. للي سألت وحكت..انا ارملة..زوجي متوفي.. فمش عارفة اكيد نظرتكم حتتغير بخصوص الوظيفة..شو رايكم