اختار دراسه بالخارج ومستقبل مشرق ؟ ولا زواج مجهول ؟؟ محتاره ربي يرزقكم باللي تتمنون

السلام عليكم ورحمة الله وبركاتهـ



بنات بدخل بالسالفه على طول

انا بنت من الرياض عمري 20 سنه امي توفت قبل شهرين وهي كانت كل حيااااتي لأني وحيدتها

انتقلت بيت ابووي مع خواتي وزوجة ابوي .. والحق ينقال طيبين


جاتني بعثه لألمانيا لدراسة العلوم الطبيه مع وحده من خواتي والمرافق اخوووي
وانا لي سنتين بالجامعه هنا .. بس بسحب وبتروح علي السنتين ,, طبعا ماهمتني لأن القسم مو مطلوب

بس المشكله اني تذكرت ان امي كانت تحلم اني اتزوج الزوج الصالح بالأضاافه الى انها كانت تتمنى اصير دكتوره أد الدنيا مثل مايقولون

وانا الحين محتاره لو بروح ادرس اقل شيء ادرس هناك 5 سنوات يعني لو رجعت بيصير عمري 25 سنه :( ويمكن ما قدر اتزوج الا بالـ26 .. أخاف من مجتمعنا المتخلف اللي من وحده تعدي 20 وهي ماتزوجت يتكلمون عنها

انا هذا ماهمني بقدر ان بيروح شبابي ودلعي وانا ماتزوجت .. وخصوصا اني انسانه من النوع الرومانسي اللي كله يحلم بفارس الأحلام اللي يجي على حصانه ينقذها :arb:.. لاتولون تتحلم .. أملي بالله كبيييير:)

وانا أنخطبت كم مره بس كنت ارفض مافيه نصيب يعني أحتمال لو ماسافرت يجيني الزوج الصالح


وربي محتاره .. الدرااااااااااااااااااسه ولا الزوااااج الغير مضمون واللي لسا ماجاء ؟؟


المستقبل والنجاااح وفخرر ابووي وامي الله يرحمها ولا الزوااج والسعاده والأطفال؟؟

المرأه افضل شيء لها الستر والزواج

بس هالزمن صار الأهم الشهاده والمستقبل والماده


محتاااااااااره

وماعندي احد اخليه ينصحني

خواتي ماتعودت عليهم اول مره بحياتي اشووفهم


ولو تغربت مايهمني ماعندي احد اشتااق له حتى !!!! وماعندي احد يشتااق لي ..


شوروا علي


ربي يجزاكم خير