جيبي تحليل ابو عشره وعيدي التحليل
اذا طلع ايجابي خلاص اعتمدي الوضع ويعني حامل 💗💗
انا حللت باابو عشره طلع الخط الثاني بااول الدقايق
كان لون الخط وردي لكن فاتح
واليوم الثاني جبت واحد تاني عشان اتاكد وطلع خط ثاني بااول الثواني وكان اغمق
وخلاص اعتمدت اني حامل
ولما رحت اراجع للدكتوره قلتلها حللت مرتين منزلي وطلع ايجابي
والدوره متاخره
قالت خلاص نعتمد عالتحليل المنزلي مو لازم نسوي تحليل دم

مافيه اضمن من تحليل أبو عشرة جربية
تحليل فيرست ستيب اعطاني مرتين نتيجة ايجابية
وماضبط معي

دام ظهر لك خط ثاني وردي باول خمس دقايق، مبروووك ❣


بس عندي ملاحظة بسيطة
استغرب مِن بعض الردود وتجاربهم انّ ابو عشرة مضمون والباقي لأ ..
ترا كلهم نفسسس المبدأ ويقيسو نفس الهرمون بنفس الطريقة ! انا درستها بالجامعة
وبالعكس فرست ستيب يعتبر ادق مِن ابو عشرة وممكن تستعمليه باي وقت مِن اليوم مو لازم ماتدخلي الحمام قبلها بوقت طوويل


بس كل وحده وراحتها :)


واللي سألت عن سعره هو بـَ 16 ريال

لازم تروحين المستشفى عشان يعطونك حمض الفوليك و مثبت ضروووووري ضرووووري

ياقلبي لا مالها دخل الدراسه بصحت النظريه 😁
ولا له دخل رخص واحد عن الثاني
تحسبين البنات يفضلون ابو عشره عشان رخصه لا يالغاليه
انا على كثرت وجودي بالقسم
مر علييييي تحاليل بنااااات حواء كثار
ابو عشره وفيرست ستيب

ابو عشره اللي كرتونه ازرق فيه صورة بيبي هذا مايطلع اجابي ابد اذا مافيه حمل وحتى البعض يكونون حوامل مايعطي اجابي يعطي سلبي يعني الاجابي عنده نادر

اما فيرست ستيب الاجابي للحامل وغير الحامل لحظته مع بنات كثار
نجلس نبا ك لها ونبشرها واخرتها تنزل الدوره ونقولها يمكن حمل ونزل
وبنات يستخدمونه قبل موعد الدوره ويعطيها اجابي خط خفيييييف مره نقولها هذا خطاء وانه خط تبخر بس ماتصدق لحد ماتنزل دورتها بموعدها

فيه عضوه هنا ماراح اقول اسمها
لاني دايم انصحها ماتستخدمه
كل دوره تستخدمه مدري دورتين او ثلاثه ورى بعض تستخدم نفس التحليل اذا تاخرت الدوره عليها او خست باعراض
ونقولها لاتستخدمينه نفس تحليلك الشهر اللي راح نفسه كانه هو يعطيها خط خفيييف
وقلنا لها روحي سوي تحليل هرموني مو دم هذا التحليل يبين نسبة الحمل حتى لو امس بادي الحمل معك راحت وسوت التحليل طلع صفر مافيه حمل ونصدمت من التحليل
ونزلت الدوره بعد كم يوم
وكم بنت قالولها صار لهم زيها عطاهم اجابي وهو مافيه حمل

لذا يالغاليه الاجهزه ماهي وحده بالتصنيع
الشركات تختلف
زي الادويه والحبوب مو نفس الاداء

زي حبوب فيفادول وبنادول
كلهم مسكنه
بس بنادول اقوى من فيفادول مفعول

زيها تحاليل الحمل
هم يقيسون هرمون الحمل بالبول نسبة وجوده
بس الشركات تختلف في التصنيع كل شركه وطريقة تصنيعها

زي ماقلت ابو عشره ممكن يعطي سلبي حتى والوحده حامل وصارت لكثار بس مايعطي اجابي وهي مو حامل

لكن فيرست ستيب يعطي اجابي للحامل وغير الحامل


لكن الاجابي الخطين الغامقين بفيرست ستيب هذا اكيد حمل لكن العكس لا