لسلام عليكم ورحمة الله وبركاتة ............

انا شريت الجهازين من زمان ...........زينين بس يحتاجون شوية مهارة:cook: يعني في البداية لازم تاخذين وقت عشان تتدربين على استخدامهم وبعدين شوي شوي بتلاقين العملية اسهل ........وعندي لك بعض النصائح من خلال تجربتي الشخصية :

بالنسبة للألة ورق العنب ......لازم ما تكثرين الحشوة حتى تنلف الورقة بسرعة وسهولة (في البداية بتخترب معاك كم ورقة ) يمكن تتدربين على ورق كلينكس محشو بقطع كلينكس ايضا:17:

اما آلة اللقيمات ..........لازم تكون العجينة مش سايلة ........وقبل ما تحطين العجينة في الكوب ادهني الكوب من الداخل بالزيت ........ولازم يكون الضغط على الآلة سريع وما تطولين حتى تنقطع العجينة مثل الكرة وتسقط في الزيت........

ان شاء الله بس ما طولت عليك لأني سويتها قضية :24:

السلام عليكم اخواتي وجزاكم الله كل خير على تواصلكم ومشاركاتكم

سويت احصائيه بالمؤيدين للجهاز والمعارضين وكانت النتيجه :


المعارضات :-

هاله

ام فارس البطل

ام عزيزان

sara-9

asma55

طواري

مزاج

الحلوووه

the rain

تينه المتينه

عطورات شرقيه



المؤيدات :-


ام سيف


11صبا 11

عطور

سويت2003






المؤيدات لجهاز ورق العنب فقط :-



بقايا جراح


أسيل


قريه التوت







وبانتظار مشاركات الاخوات الكريمات 0

ما جربت ولا وحدة فيهم وكلامكم ما يشجع كلش

انا عندي مكينة ورق العنب اول ماشريتها من سوريا
مارعرفت شلون اشتغل عليها لانها تحتاج مهارة
الحين عرفت سرها اولا استخدمي الحجم الكبير اذا كنت تستخدمي ورق المحروس
لان فيها حجم كبير ووسط وصغير
بعدين لا تكثرين الحشو
ثالث شئ وهو مهم انش تدخلين طرف الورقة في طي قطعة القماش الموجودة
وتكبسين كبسة وحدة وتطلع لش الورقة ملفوفة جاهزة
وصحيح الحبات تكون كلها بمقاس واحد
بس تحتاج طبخ واجد لان الورق يكون مشدود على الرز كثير بخلاف اذا كان باليد يكون مفضفض شوي
فيطبخ بسرعة
والالة الثانية ماجربتها وافضل اليد
واللي تبدي تكون اللقيمات مكورة لازم تكون عجينتها متماسكة مو لينة ويكون الزيت غزير
وبعد لازم تبل يدها مع كل لقمة

أنا بالنسبة لي جربت الة ورق العنب واعجبتني
بس أهم شيء فيها إن القماش يكون مبلل على طول . والحشوة لازم ما تكون كثيرة ....وفعلا خربت معي بالبداية كم حبة وبعدين ضبطت ولا حظت إنها إحتاجت طبخ زيادة ....لكن من ناحيت الوقت إختصرت لي الوقت

أما الة اللقيمات ما جربتها لإني ما سمعت أحد مدحها.. بس يمكن تحتاج لمهارة ..إنتي جربيها مثل ما قالو البنات و إ ذا ضبطت معك خبرينا عشان نشتريها