اختراق موقع جريده الوطن ....... عاجل

السبب البطاله


تعرفون وش معنى كلمة بطاله يمكن بعظكم مايعرف معناتها

كنا نسمع بكلمة بطاله وبطاله ايام المتوسط والثانوي خلصنا الثانوي عرفنا وش كان معناها

هنا للي يبغى يعرف وش تعني

http://ar.wikipedia.org/wiki/بطاله

لاتقولون مافيه وضائف شاغرة لأن مافية قطاع خاص ولا قطاع عام الا يحتاج موظفين وناس عقولهم نظيفه

انا عارف ان بعظكم او يمكن الي ما اعجبه كلامي لانه صحيح بيقول اطفال انترنت ومن هالكلام الي يكررونه العالم

طيب كيف تبغاني اوصل رسالتي رحت للصحف السعوديه ماحد عطانا وجهه نبغا احد يكتب عننا تدرون كم الشباب السعودي العاطل عن العمل

يقولون 3 مليون كذب في كذب اكثر من الرقم هذا

طيب وبعدين وش الحل نسافر برا ؟

طيب من فين لنا المصاريف اقسم بجللة الله اني اعرف ناس يشتغلون في في مطاعم ويشتغلون بكافيه ليش؟

يبغى يكمل تعليمة برا السعوديه طيب يوم سالته ليه قال هناك يهتمون فيك اكثر من هنا بالله هذا كلام يقوله انسان عن موطنه وبيته الي ترباء فيه

اوكي ماقلنا شي انتم مهتمين فينا جزاكم الله الف خير بس الاهتمام هذا مايجي للضعوف الي على شاكلتنا

انتم وضفتو وماقصرتو بس وضفتو اصحاب الواسطات بدون فتامين واو ماتمشي

عارف اني مخاطر بنفسي بس اتمناء انكم تاخذون كلامي بالعقل انا وش راح استفيد من الي سويته الا اني ابغى اوصل للعالم ان فيه شباب ناسية مجتمعه وليته كذا وبس

لا اذا شافو شاب عاطل قالو لاتمشي مع هذا هذا سربوت وفيه وفيه ...الخ

طيب على يدك يالي منتب سربوت عطنا حل نبغى نصير شباب مفيدين لمجتعنا ولشعبنا ونبغئ نرفع راسه عند الدول المتقدمه نعلمهم أنه مافيه احد احسن من احد

ابي اوضح للي قالو اسباب الارهاب هي البطاله طيب ليه نسبت الارهاب للبطاله

خلاص اجل اي واحد عاطل عن العمل ارهابي :/

حدث العاقل بما يعقل ياخي خاف ربك انت عندك عمل وعندك دخل مادي ومنتب محتاج شي اكيد بتقول هذا الكلام لانك ماذقت طعم الاحباط انك تشوف قدام عينك مستقبل مضلم

ياخي انا ادخل اليوتيوب واشوف مقاطع التفجير بالمحيا واشوف التعليقات والله العضيم اني احترق من داخلي وش الذنب الي اقترفوه علشان يستحقون القتل

هذا ان دل فهو يدل على ثعبان الارهاب وان الدين الاسلامي والمملكة العربية السعودية بريئة منه كبراءة الذئب من دم يوسف

ويدل على انه في ايادي خارجية هي التي تتلاعب بعقول الشباب

لاتنسبون كل شي على البطاله انا عاطل عن العمل يعني صرت ارهابي ؟ صرت مجرم ؟

للاسف راح خذلكم واقولكم لا

وشلون اصير ارهابي ومجرم بحق وطني قبل ماكون اجرمت بحق نفسي واهلي وانا أُفضل اني اشتغل وانفع بلدي أفضل من اني اشتغل واخدم اي بلد ثاني

ومختصر الرسالة اصابعكم ماهي سوا واعطو فرصة للشباب حتى لو ماكان مؤهل للشي هذا جربو وانا متأكد ماراح تخسرون

واسف على مابدر مني ولم احدث اي ضرر بالموقع اللهم رسالة وتمت كتابته بامكانكم ارجاع الموقع مثل ماكان عليه بالسابق

وبالتوفيق ان شاء الله

تقبلو تحياتي

محبين الوطن :

S4uDi-J0k3r
S4uDi-zo0m
---------------------------------------------
s4udi-@hotmail.com
saudi305@gmail.com

مشكوووووووووووووووووووووووره

والله حزنتلهم:(
الله يرزقهم إن شاء الله
وإذا على الصوت اللي بيوصله والله لو يصرخ من ذحين إلى بكره ما عنك أحد كل واحد ملى كرشه وحط راسه وما سمعنا منه شي غير شخيره اللي واصل آخر الشارع تترنم على وزن الجمله المعتاده(تم وبحمد الله تشكيل لجنه لدراسه الحلول وفي المستقبل القريب سيتم تطبيقها)والله شي يقهر راح المستقبل القريب والبعيد والشباب العاطلين شيبوا وهم جالسين في البيوت
الله على الظالم

والله الشباب مساكين يبون وظااايف

ليتهم يخترقون موقع الديوان ويتسجل اسمائهم فيه

انا عااطله وكل الي اعرفهم عاطلين ومعنى شهادات نعلقه ع الجدار