بناااااااات انا ف الصفا وابي شي قريب مني ابتدائي وتمهيدي اولااااااد تكفووووون
وايش رايكم ف مدرسة الرائده اللي جنب براعم الوطن؟؟
الصفحة الأخيرة
حابة افيدكم لأني تعبت وأنا أدور
أنا كنت ناوية جدة نولج بس فيه ويتنق لست كثير وبالإضافة لاختبار قبول وشرط يكون الطفل يفهم انجلش
ثامر العالمية قريبة ع بيتي ومدحوا كثير بس للأسف لما جئت اسجل ولدي اكتفوا وقفل التسجيل
اتصلت ع كم مدرسة منها الابتكار في الخالدية وبيتي الصغير وناحية اسم الثالثة المهم يا ما ارتحت يا انه يبغون يحطون ولدي كي جي ١ وهو عمره ٣سنوات و١٠ شهور يعني ضروري يكون كي جي ٢ واللي بعدها ٣ لانه حينما ابتدائي تبعا لعمره فحرام
رحت لروضة عالم الصغار في حي الروضة كانت رسومهم ١٥ ومعاملتهم أوكي المبنى جداً حلو ومرتبة ونظيفة بس كده حسيت لخبطة في كلامها الخلاصة ما ارتحت
اليوم اخر حاجة رحت النجوم اللامعة اللي جنب عزيز مول رسومهم ٨ ومدحوا تأسيسها مرة ورحت متحمسة ومجهزة كل حاجة بأسجله ع قد المدح اللي سمعته وللأسف ما كانت قد التوقعات شفت المبنى من برا مسكت ع قلبي قال لي زوجي المهم المضمون ههههههه
دخلت كان حوسة وزحمة وكده تعرفون اول الايام وكان استقبالهم مش ولابد طلبت أشوف الفصل لان الروضة كانت مرة مبنى سيء وألوان كتمة وملخبطة
طبعا ع طول مشيت لان الفصل تطلعي له بدرج ودرج اعتبره متعب لطفل بصراحة وانا ولدي زول في الدرج ههههههههه غير ان الفصول لك عليها المهم ما ناسبتني
خرجت وانا حأشوف اخر اختيار روضة المفكر الصغير في النعيم
ضوعنا وما عرفنا نوصل لدرجة قلت لزوجي خلاص خليه يدخل السنة الجاية
ولما لقيناها دخلت مبدئيا عجبتني
فيها انجلش وعربي وقاعدة نورانيه وفرنسي مرتين في الاسبوع وو سباحة مرة في الاسبوع مع مدربة ورياضة كورة ويوغا وكده وفيه مزايا كثير قريتها في البر شور بس ما ادري اذا للروضة والا الابتدائي منها الحاسب والآتيكيت هذا اللي فاكرته وآخر الترم يبان قد المدح والا لا لان ناس كمان مدحوها
رسومها ٨٥٠٠ واعتبرها رخيصة في ظل الأسعار الحالية والمزايا اللي تقدمها
وممكن تشوفو المبني والتمارين وكده عاليوتيوب
وأولا وآخرا هي مدرسة مؤقتة لحد ما انقله لثامر لأني أبغى اللغة تتأسس كويس
عرفت هرجت كثير هههههههه بس أتمنى أفدتكم