اخترت لكم هذة القصيدة

أخترت لكم هذه القصيدة
--------------------------------------------------------------------------------

أخترت لكم هذه القصيدة

للشاعر الكبير / مفرح بن قاعد الضمني المطيري - رحمة الله عليه

وهو غني عن التعريف - شاعر - و كان مقدم للركن البادية بإذاعة الكويت الشقيقه .

وقال في قصيدته

كثر الحكي يمرض قلوب سليمـه
والصمت حكمه للرجال الحكيميـن
لو ان كثر الحكي يجلـب غنيمـه
ماشفت بالدنياء رجال (ن) شقيين
بعض الرجال اليا حضر في وليمه
شغل تماتيكه على الزين والشيـن
جاب العلوم الحاضـره والقديمـه
فك الزرار وزود الصاع صاعيـن
ناقص ظمير و ضاحكٍ له رجيمها
لحلق مدفـع والبراطـم سكاكيـن
واليا نصحته طحت لك فى جريمه
تنهـزرك ولا تحـداك باللعـيـن
ووما براس (ن) مثل رأس البهيمه
يقول وين فلان عني وأنـا ويـن
ينفخ بوردانه ويكـرب بريمهكنـه
صديع (ن) هايـش لـه مجانيـن
الاجنبي يقول ويـش هالصتيمـه
وعند الجماعه من حساب الكراوين
نمايـمـن لاعلـهـا للثلـيـمـه
ياليت عنهـا يغسلـون الدواويـن
يطلع رجال ٍ بالمجالـس حكيمـه
كلامهـم للنـاس ورد ورياحيـن
طلقين الايدي والخواطـر كريمـه
خفاف النفوس مرجحين الموازين