اختصرت موضوعي مع المس

السلام عليكم ورحمة الله وبركاته
حابه اقول قصتي واتمنى الي جربت تنفعني
قبل عن اتزوج كنت انسانه طبيعيه وعادي
صلاتي ما اخليها والقران اقرا اخاف الله بس علاقتي بربي عاديه
اول ما شاع خبر خطوبتي من انسان معروف ومقتدر ماديا وجابوا لي الهدايا والالماس الكل انفجع
طبعا لما جابوا الهدايا الكل كان موجود من اهلي والجيران
من بعدها انتكست حالتي بشكل فضيع
وسواس موت قوي ياناس كان بيني وبين الجنون شعره بس
خوف قوي خفقان 24في 24ساعه كل التحااليل تقول اني سليمه
وجه شاحب وانا عروس والله اروح للصالون جر مم الالم والتعب
احلام ماكنت حتي اعرف معناها ولا اعرف بالرقيه
تعب لايوصف طول اليوم ابكي تعبت نحفت نحف
عروس مالي خلق بالعرس ودي بس بالعافيه
ياربي وش فيني مش عارفه ابد
احس راسي فيه حاجه شي غير طبيعي قلبي طول اليوم فيه الم
الي قال قلق والي قال دلع والي والي
طبعا فجاه اختي نصحتني بالاستغفار والبقره وكان رمضان
داومت عليها وكنت استغفر فوق ال40,000مره
طبعا مكانت اعرف الي فيني بس فجاه بدات احلامي مبشره
الى ان جاء وحلمت حلم قبل زواجي بأسبوع بس!!!اه يارحمة ربي كيف واسعه
كنت اقول كيف بدخل زواجي بهالحاله كيف ياربي رحمتك
حلمت اني اصرخ واكلم ربي وكأن احد من السماء شق لي صدري وطار من جسمي جسم اسود !!!!!
مرت الايام وانا ماعرف الي صار لي طبعا غفلة عن التحصين مع اني كنت اقرا البقره بس مجزأتها
ماكنت احافظ ع اذكاري لاني ماعرفت الي فيني
اربع سنوات تعب
حملت بعد زواجي بست اشهر
وانا بنهاية السابع حلمت ان في اي اسود ضربني ع بطني
كلها ايام وتوفت بنتي ببطني والحمدلله ولا زلت ما اعرف الي فيني
بعدها بثل اشهر حملت
وكنت ع نياتي يوميا اقرا ع بطني وادهن بزيت انا قريت فيه وانا ونفس الشي
حلمت بأحد يبي يضربني ع بطني بس ماااااقدر يحاول وماااااقدر
وانا مكمله قراتي لبطني ولسورة يس
فجأه كنت نفاس اخبر اختي اقولها احس مرات وانا امشي او فجمعة ناس بالذات
شعور كأني ما احس بأطرافي وكأني اطير وراسي الم وما اركز (طبعا من اعراض حضور العارض)
قالت ضروري تقري مع شيخ
رحت اول لشيخ واول ما قرى راسي دار وتاثر بايات الحسد كثير وبدات اطرافي تهتز تهتز ايدي بشكل وبعدها جاني الم فيها طبعا قالي خرج وطلب المبلغ الفلاني
وخلاني عايشه فرعب كيف مس جن وليش وكيف هذا ماتوقعت كنت افكر لازم انصرع عشان يكون معي مس !!!!كنت فجهل ع نياتي
رجعت بيتي وانا تعبانه ونفسيه زفت مالب خاطر فشي وكله خوف حتي اني ادش الحمام والله ما اقدر اسوي شي الي بوجود زوجي ياهووو تعب الشعور اشهر صرت لاليلي ليل ونهاري نهار من الخوف النفسي الي خلاني فيه الشيخ
دهنت بزيت زيتون مرقي وخلطة الشذاب والملح وكذا عشبه وفعلا بديت احس بتعب ارهاق ماقادره اشيل نفسي وبقع في ايدي مره بنفسجيه ومره حمرا
اسبوعين فقط
وكنت اشغل المسجل وانا بخوف رهيب ياربي شهالحال
ادعي ربي ليل نهار انه يخفف عني
بعدهه بأشهر قلت لنفسي لمتى كذا
الله معي كملي رقيتك بنفسك رحت لكذا واحد وكلهم تشخيصهم يا قرينه او مس حسد
طبعا الراقي الثاني بكيت وهوه يقرا بكرا مادري ليه وقال قرينه
اما الراقي الثاني قال جن وبدا يستغل ويطلب مبلغ مش هين طوفته
الا واحد كان راقي فقير بيته تعبان لكن والله رفض الي مديناه له وقال لوجه الله والوحيد الي تاثرت معه كثير ودار راسي يمين يسار وورا وقدام مدري كيف اوصف واعرق تعبت صوتي يرجف فوق هذا ولا مره نطق !!!لدرجة مرات اشك فنفسي فيني مس ولا نفسي
هالراقي جزاه الله كل الخير كان بعيد كثير عنا قعب اوصله
قلت ارقي نفسي والله معي يارب مدني منك قوه وافرغ علينا صبرا خلاص تعبت
طبعا رقيت نفسي وواصلة البقره يس الصافات
اول ما اسمع رقيه شرعيه تجيني رفرفه قويه فوق الركبه
نبض ينتقل مره ايدي ومره رجلي
واحس ريلي تغلي غلي تفور واكمل
ولازلت مكمله
مره حلمت ان تنزلي مني دودتين طوال لونهم احمر هذا حاليا
واحلام كثيره
وبستمر بإذن الله
بس شي واحد مضايقني وابي حل من الي جربت
يجيني شعور غريب خصوصا بجمعة الحريم احس خلاص راسي وارتبك واتلعثم شوي وخفقان واعرق واحس كني اطير اطرافي ما احس بها بالذات رجولي
الي معها اي علم تبلغني هل من العارض او مشكله عضويه
دعواتكم خواتي الغاليات لي بالشفاء
اللهم صب في جسديةاجساد اخواتي المبتليات العافيه صبا صبا ياقادر ياكريم


كل هذا انت اختصرت ما اقدر اقول كل الي صارلي من مشاكل لان ماتكفي صفحه ولا ثنتين ومراح ينفهم هالشعور الا الي جربته
نسأل الله ان يرزقنا العافيه