انا الحين رجعت من تركيا انا وزوجي وبناتي ماشفنا اللي يقولونه الناس لدرجة حتى الحمامات بفلوس والله كلها بلاش وفكل شبر حمامات نظيفه وبلاش وكل شي عندهم بسعر رمزي صح الحياه عندهم بعد الساعه 9 او عشره هدوء تام بس طبيعة السياح يخرجو من سبعه والساعه تسعه ندور النوم يعني مالنا باللي برا والفندق اللي اخذناه على البحر متحرم جدا وهادي واللي قايمين عليه مهتمين بالنزلاء الصراحه اللي يقول مافيها امن مدري عن ايش يتكلم النظام ماشي عندهم زي الالف وشرطي في الشارع ماتشوفين بس النظام ماشي والنظافه عندهم على اعلى مستوى في الشوارع وعامل نظافه ماتشوفين بس الناس نظاف الطرق عندهم ممتازه وماتشوفين حفريه وحده او شويل او رافعه ..او طريق مسكر ...بس اهم شي الواحد يكون فاهم لنظام البلد وماشي عليها ومايدخل نفسه في اماكن مشبوهه ويكون فطين وحريص لتحركات الناس مو بس يدرعم ...الصراحه ماشفت الجشع والطمع اللي هنا كل شي على اعلى مستوى ...والمعامله كويسه حتى وانتي ضايعه في المطار وتدورلي لشي فيه ناس يدلوكي واحد دلنا على حاجه ونسينا الجوال عنده لحقنا بيه ..مع اننا احنا مره ناسين ورايحين المحفظه حقتنا ضاعت في المطار الكل اتعاون معانا وحاول تطميننا ...وفكل بلد لابد تلاقي شي او عيوب واللي يسبون يمكن ماجربوها لكن الناس اللي استدلو عليها عايشين هناك كأنهم في الشفا ولا الجنوب ماشاالله ...