الله يوفقك غاليتي لمن يسعدك وتسعدينه وتعيشين معه أحلى سنوات العمر
ويكون شريكك في الدنيا والآخرة..
**
اسألي نفسك .. لماذا أتزوج .. أليس لتعفي نفسك عن الحرام ولتنجبي الأبناء
***
إن تزوجت الأول سيحدث فجوة جسدية بينك وبينه بعد 10 سنوات
فأنت في قمة شبابك .. وهو يبدأ الإنحدار إن لم يكن يعانيه الآن
وسنة بعد سنة تزداد الفجوة الجسدية .. ولن تجدين إلا المجوهرات والملابس تردمها
***
إن تزوجت الثاني ستحدث فجوة مادية في العشر سنوات الأولى
فأنت من مستوى أفضل منه .... ويبدأ بعد الـ10 سنوات التحسن المادي
وسنة بعد سنة ستنغلق هذه الفجوة وسيستمر التوافق الجسدي
***
احسبي كم سنة تتوقعين أن تدوم حياتك مع زوجك ..
واحسبي عدد سنوات التعب وعدد سنوات الراحة
***
كم عمر أزواج أخواتك؟؟ وقريباتك؟؟ وصديقاتك ؟؟
ومن من قريباتك تزوجن بأكبر منها ومطلق

ربما لأن والدك هو القدر على معرفة نفسيتك وما يناسبها اختار لك الأول:30:
ولو كانت تجربة أمك ناجحة لاختارت لك الأول ولزغردت:o
هذا وعلم الغيب عند الله وحده
***
إن درى بكلامي خطيبك الأول هجاني:23:
وان درى بكلامي خطيبك الثاني مدحني:41:
هذا ماعندي فإن أصبت فمن الله وإن أخطأت فمن نفسي والشيطان
دعواتــــــــ لك بالتوفيق ـــــــــــــي
رومه

انا رايي انك الان مايلة للاول لصفات معيينة انت معجبة بها لانك الان غريبة عنه لكن لو تزوجتيه مع مرور الايام تصبح هذه الصفات امرا عاديا ويبدا فارق السن فانت في بداية شبابك تحبين الخرجة والدخلة والتمشيات والدلع والاشياء اللي كل واحد في بداية شبابه يحبها بينما يكون هو الرجل العاقل الرزين الذي لا تناسبه مثل هذه الامور ولو فعلها وضغط على نفسه بيطفش وانتىتضغطي على اعصابك تبغي حياتك مثل اي وحدة بعمرك ولما تشوفين اخواتك او قريباتك اللي في عمرك وازواجهم قريبة اعمارهم منهم راح تحسين بغصة في حلقك انت ما تفهميها الا لما تحسيها بعد كذا مثل ما قلت انه رجل اعمال يعني مو فاضي للقعدة معاك ان قعد يوم عشرة سافر ولو خلفت حتى لو اثنين ما تحتاجين مشاوير خاصة للاولاد ملاهي مستشفى اي شي وهو مو موجود حتضطرين انك تقضينها لحالك او مع اهلك وبكذا يتعود على الاتكالية عليك بعدين الاولاد لا كبرو لازم ابوهم معاهم يعلمهم ويوجههم اشلون يجي هذا وهو مو فاضي نصيحة لوجه الله اذا كان الثاني طيب ويصلي ويخاف الله لا تترددي في الموافقة تري حتى هو باين عليه عصامي وبيحاول يحسن من مستواه المادي ويمكن بعد كم سنه يصير مثل الاول واحسن وبكذا ربحت العمر والمال في الرجل الصالح ان شاء الله

أم مسلم..

هلا بك اختي الغالية...تسلمين لتواصلك ..والله يوفقك ويسعدك دنيا واخره...والله احترت ناس تقول فرق السن مصيبه وناس عادي ...مشكور اختي..والف شكر انك اعطيتيني من وقتك الثمين..دعواتي الخالصه لك..:26:


ازها الربيع..

مرحبا بعودتك...وثقي تماما اني راح استفيد من تجربتك واحطها قدام عيوني..وفعلا تحديد الاهداف شي مهم..مشكوره اختي لتواصلك معي..دعواتي لك..الله يوفقك دنيا واخره:26:


رومه..

هلا باختي..والله انك جنييييييييييه عليك استنتاجات تخووووووووف:17:

كلامك منطقي زلا عليه غبار...

مشكوره اختي..وجزاك الله الف خير..:26:

نسمة هواء..

هلا اختي...وتسلمين ..كلامك واضح ومفهوم..شكرا لك..:26:


اوجودي..

هلافيك يا الغاليه...وكلامك مفيد..والتجربه واضحه ولو انها مو قاعده..لكنها منطقيه جدا..شكرا لك..:26:

أختي جــود الحــزن..في البداية أتمنى لك السعادة والتوفيق مع من سيختاره الله لك..
أختي..لا تنظري لفارق السن..لا تنظري للحالة المادية..
ضعي مقارنة بين الشخصين من النواحي الاتية..
الدين
الأخلاق
الأهل( لا تتخوفي من الزواج بقريب) ومهم جدا عمل فحوصات ما قبل الزواج)
الثقافة
طبيعة العمل
ألاستقرار
الحالة المادية

ضعي مقارنة..واستخيري و أختاري..
قليل من العاطفة وقليل من العقل..

مساء الخير اختي جود
كيف حالك واخبارك, وربي اني حاسه فيك اكثر من اي وحده لاني مريت بنفس تجربتك وعانيت اللي عانيتيه
ونفسيتي اندمرت حييييييييل
كان الاول على قولتك باني نفسه بنفسه وراعي صيت في البلد وكل من سمع عنه مدحه وغير كذا ابوي مع علاقه وثيقه بابوه يعني كل شي تمام بس ينتظرون موافقتي واللي ابيه يصير واهلي شارينه وشارين اهله بس انا ماارتحت له مدري ليه يمكن لان سفراته كثيره او لانه دائما مشغول بفلوسه المهم انا تركتهم معلقين شهر كاملوانا مارديت ومع كل صلاة استخير حتى من زود حرصي اني خليت اخوي بما انه شاب مثله يقعد معه ويفهم اسلوبه وطريقه تفكيره بعدها عرفت من كلام اخوي انه انسان متفتح شوي يحب السيطره اهم شي الشغل لو على حساب نفسه طبعا انا مايعجبني اللي كذا لان ممكن من اول مشكله نسبب حريقه لاني انا بصراحه انسانه حساسه ابي احد اتفاهم معه مابيه يمشي علي رايه على طول وبكذا رفضته .
اما الثاني اللي هو يقرب لي جاني في نفس خطبتي للاول شاب يكبرني بثمان سنين بين لامي انه يبيني من بين كل البنات عارفه انه يحبني ويعزني عارفه اخلاقه تعامله مع اهله قلبه ابيض واهله مثل اهلي موظف راتبه مايهمني اذا عرفت انه بيكرمني وبيحطني بعيونه.
انصحك انك تختارين اللي يميل له قلبك حطي الفلوس على جنب لانه ممكن في اي لحظه تروح وتزول العمر مايشكل اي عائق لانك بذكائك تمشين لو الشايب معك شوفي اخلاقه صلااااااااااااته طاعته لوالديه سفراته مبتيه هلى ايش
وتاكدي حبيبتي انه في صنف من الناس راعي وجين يعني يبين لك ولكل الناس اللي حوله انه مافي احسن منه واذا عاشرتيه شفتي عكس كذا .
اتمنى لك الخير والسعاده وربي يوفقك في اختيارك .
اهم شي قبل لاانتهي جربي في كم يوم صلاه اخر الليل وراح تشوفين نتائجها وادعي ربك انه ييسر لك امورك مع اللي يسعدك ويهنيك .
وردي علي اعرف اخر اخبارك ,موفقه:24: