*..* إشـــــــراق *..*

هلا فيك اختي الغاليه...تسلمين على ردك..وفعلا انا ما حيرني الا لانه لكل واحد مميزاته..بس احب اوضح لك واوضح للاخوات ان الاول صحيح انه قضى عمره براا وكون نفسه هناك وفرض احترامه على الاجانب لدرجة انهم ينصدمون اذا عرفوا انه عربي ياخواتي هذا الانسان عاش ايام من التحطيم في بلده وماكان عنده وظيفة مناسبه لكنه ما استسلم وسافر وتعلم واختلط بالناس ..هو عيبه الوحيد انه اهمل حياته الخاصه وهو فعلا ندمان على هذا اشد الندم طبعا انا استنتجت هذا من كلامه مع اهلي عن نفسه

وارجع واقولك يا اشراق انتي والبنات انا تفكيري مو محصور بالماده فقط ولو كنت كذلك كان اصلا ما قارنت بين الاثنين واحترت بينهم

والاستخارة لابد منها ..انا معاكم 100%

تحياتي لك ومشكوره:26:

الجوهرة..

هلافيك اختي ..كلامك منطقي جدا وصدقوني انا افكر بكل كلمه انتم تكتبونها ..وفعلا انا دايما افكر في نقطة الاولاد..بصراحه مثل ما قلتي انا للاسف مايله للاول رغم اني خايفه منه ..

واكيد الدعاء والاستخاره ..اول شي انا سويته وماراح اتوقف ابدا

ادعولي خواتي

مشكوره حبيبتي:26:

شوفي ياأختي جود .. أنا عامةً ضد حركة ( التصويت ) :42: :o
في القرارات المصيرية .. يعني كل المعلومات قدامك .. وماشاءالله انتي بنفسك حطيتي الإيجابيات في جهة والسلبيات في جهة ، يعني عارفة كل شي .. ولو ان واضح جداً فرحك بالخطبة الأولى و ميلك لها وكأنك تبين أحد يشجعك عليها ..
وبصراحة يحق لك ياحلوووة تفرحين وتتباهين :) وتأكدي انك لو قلتي هالموضوع لوحدة واستشرتيها وقعدت تتفلسف لك عن ان الفلوس مو مهمة أهم شي الشخصية والحب وإلخ إلخ هي في داخلها أكيد بتفرح وبتميل لهالزيجة لو انعرضت عليها ..
احنا هنا دورنا نوضح لك أشياء ممكن انها ماوردت في بالك ..
زي مسألة العيشة برا اللي نبهوك لها بعض البنات الله يجزاهم خير ، وتربية عيالك في هالجو .. أما مخاوفك عن تصرفاته قبل الزواج فأقول لك ان مالها مبرر لأنها واردة في حق جميع الشباب إذا بنفكر بهالطريقة ، اللي بيسوي هالأشياء ماراح تمنعه قعدته هنا ..

وولد خالتك .. حماس أمك له مايبرره لأنه ولد أختها ..
وباقول لك شي .. لاتعتمدين على حبه لك .. ياكثر ماصارت .. الولد يلعب مع بنت خالته وهم بزران ، لين بدت تتغطا يشوفها مرة ثانية ، يطيييح في غرامها
:42: :)
ويحطها فتاة أحلامه ( طوال فترة مراهقته ) .. وبعد كم من سنة ، لين شافها مرة ثانية ( أححلى شي لما تتغير عليه ومايدري انها هي ) أو تكون تزوجت وهو مااات غيييرة وقهر ، يشوفها مع عيالها .. بيقول : من هذي الشينة ؟؟؟
:o
ترى أقول لك هالسالفة لأنها قد صارت ( بالمضمون ) والله ..

وطبعاً حماس أبوك للخاطب الأول له مايبرره برضه لأنه بنظره رجل ناجح بيأمنه على بنته .
ترى برضه 8000 في الشهر زينة لشخصين في بداية حياتهم .. أجل كم تبين عمتنا ؟؟؟
:42: خخخخ .. أقصد زين يعني عنده راتب ماشاءالله زي كذا وهو توه شاب ..

كلمة أخيرة : أحياناً أقرأ كلام .. وودي أصرخ لصاحبته : عللللللمي نفسسسسك !!!!!!
:o

11صبــا11

هلاوغلا..انا اتوقع انها تعتمد على شخصية الواحد اكثر من العمر فيه رجال كبار لكنهم يحبون الحياه ..وفيه بنات مثل حلاتي كل شي عندهم بحساب ..

واسلوبك يجنن:26:

نسيت أقول لك ..
ترى سمعت مرة من شيخ يقول ان مب الغرض من الاستخارة الإحساس بميل داخلي أو نفور .. ولا كل هالأشياء اللي كنا نعتقد فيها أول .. بالعكس .. هي طبعًا معناها انك وكلتي كلللل شي وحكمتي رب العالمين في الأمر ..
وبعدها تسعين في الأمر نفسه اللي كنتي تميلين له أكثر قبل الاستخارة ( بشكل عام يعني ) .. ونتيجة الاستخارة تبان هنا ، لأنه إذا كان خير لك زي مادعيتي بيستهل لك وكل شي يمشي على خير ، وإذا ماكان فيه الخير لك ، بيكون في الأمر صعوبات وعراقيل وماراح يتسهل وبتحسين فيه مشاكل في الموضوع ، هنا تعرفين ان هذي نتيجة الاستخارة
:)