مازال عندي امل @mazal_aandy_aml

عضوة جديدة

اختفاء فتحة المهبل او سقوط الرحم او ميلانه ساعدوني

السلام عليكم جميعا يا اخوات
بداية انا غير متزوجة ولكن الظاهر أنى احتاج طبيبة نساء وولادة لذلك سوف اطرح موضوعي وان شاء الله الاقي وحدة فيكم صار معها ها الشي.
موضوعي محرج شوي بس ابغى اسأل أي وحدة اذا صار معها هذا الشي او تحت أي مسمى يندرج لأني اعاني من ذا الموضوع من 3 سنوات واليوم بالصدفة كنت أتكلم مع زوجة اخوي في ها الموضوع قالت لي يمكن يكون عندك ميلان في الرحم ولازم تشوفي حرمة تمرخك بما اني انا اشيل أشياء ثقيلة وارعى امي اللي شبه مشلولة ، ما عاد تقدر تقوم لازم أحاول بكل قوتي اوقفها عشان تقدر تتحرك في البيت وكل ما طاحت لازم ارفعها يعني رعايتها كلها علي تقريبا المهم اني لمن دخلت النت وقريت عن موضوع الميلان ما ينطبق على الاعراض اللي عندي ..واللي أهمها
اني احس بألم شديد في منطقة البكيني يعني الأقواس حقت الوركين من الداخل فقط اذا جيت اتربع ( تربيعه او جلسة القرفصاء بالفصحى ) احس بألم شديد واتأوه كأني عجوز علما اني في ال37 وهالشي من سنتين ونص صابني وما خليت ولا بقيت مستشفى خاص وحكومي واشعة وتحاليل وتدليك عند اندنوسية وفلبينية وزيوت احطها على المنطقة المصابة والوجع هو هو ...المشي طبيعي وعادي جدا بس خلوني اجي بأتربع احس بشي فظيع ومن شهرين رحت لدكتور مشهور في مستشفى حكومي قال لي حالتك عبارة عن التهاب في الاوتار في الفخذ وحسيت ان تشخيصه صحيح وسليم وكلامه معقول خصوصا واني قريت كثير في النت عن موضوع التهاب الوتر وطبعا عطاني علاجات والحين أسبوعيا اسوي علاج طبيعي في نفس المستشفى بس الألم اذا ما يزيد ما ينقص واي تمرين فيه فتح رجلين معناته نهايتي مع اني نحيفة ورياضية وكنت امشي كثير والحين بديت اخفف من هالمووضوع ...
المشكلة الثانية اللي أتوقع لها علاقة بالموضوع وهي اني من قبل وجع الفخذ هذا ...( اعذرووووووووووووني رجاء ، سامحوني على الكلمات والتعابير بس محتاجة اعرف ) فجأة صارت فتحة المهبل عندي صغيره يعني افتكر اني مرة سخنت وارتفعت حرارتي تقريبا اذا ماني ملخبطة وبعدها يا اخوات الفتحة الطبيعية للفرج او المهبل صارت معدومة كانها مختفية يعني كأنها انكمشت يعني رجعت بنت 14 سنة ويمكن بنت ال 14 تشوف الفتحة واضحة عندها ...وكنت مستحية اراوح لطبيبة نسائية وأقول لها ذا الكلام واكره حكاية الفحص النسائي وافتحي رجولك وما الى ذلك ..
السؤال اللي يطرح نفسه هو التالي :
هل الشد العضلي اللي يجيني في الفخذ اليمين خصوصا وعدم القدرة على التربيعة او جلسة القرفصاء بسبب شيء في الرحم او بسبب ها الموضوع ؟؟
انا قررت اروح بكرة للدكتورة بس ايش اقولها ( الفتحة اتقفلت عندي ) !!!
يا اخوات ارجوكم عطوني نصايحكم ..اروح لطبيبة نساء وولادة والا ممرخة ؟؟؟
انا ساكنة في شمال جدة فاللي تعرف مستوصف او مركز او عيادة او ممرخة تدلني عليها ؟؟

يلزم عليك تسجيل الدخول أولًا لكتابة تعليق.

تسجيل دخول

ام وتين ١٤٣٨ • 8 سنوات

الافضل تشوفك دكتورة . شوفي عيادات الرحيلي ..

مازال عندي امل • 8 سنوات

شكرا لك اختي الفاضلة على الرد
وين موقع العيادة يعني شمال والا جنوب جدة
وهل تعرفين طبيبة محددة فيها عشان اروح لها بالاسم ؟؟

Deemm • 8 سنوات

شوفي دكتورة نساء و اشرحي لها وضعك ممكن كلا الامرين اللي صاروا لك مرتبطين ببعض
الله يشفيك يارب

مازال عندي امل • 8 سنوات

شكرا لك اخت ام الوسام و deem

المدلعه رباب • 8 سنوات

الله يشفيك يارب
اام روحي وخبري الدكتوره با اعراض الالم ومكانه وقليلها بخصوص فتحة المهبل واتوقع طالما تجيك دوره لاتوسوسين بس للاطمانان
والله يشفى الوالده ويطول بعمرها ويعينك على برها مستوصف الامل بصفا قبل الهرم دكتوره الهام وقبل شهيره كويسات